Marko 12:36 - Apam Foforɔ

³⁶ Dawid heaa nam Honhom Kronkron so paem kaa sɛ, ‘Awurade ka kyerɛɛ m’Awurade sɛ, “Tena me nsa nifa so, kosi sɛ mede w’atamfoɔ bɛhyɛ wo nane ase.” ’

Marko 12:36 Referans Kwoze

Hebrifoɔ 1:13

Na abɔfoɔ he mu hwane na waaka akyerɛ no da sɛ, “Tena me nifa so kosi sɛ mede w’atamfoɔ bɛyɛ wo nane ase ntiasoɔ”?

1 Korintofoɔ 15:25

Na ɔsɛ sɛ odi hene kosi sɛ ɔde n’atamfoɔ nyinaa bɛhyɛ ne nane ase.

Asomafoɔ 1:16

“Anuanom, otwa sɛ twerɛsɛm a Honhom Kronkron nam Dawid so ka faa Yuda a ɔkyerɛɛ bɛ a bɛkyee Yesu he kwane maa bɛkyee no he ba mu.

2 Petro 1:21

efiri sɛ adiyisɛm biaa nni hɔ a ofiri nipa nyansa mu ne baeɛ, na mmom Honhom Kronkron he ne nam nnipa he so kaa asɛm a ofiri Nyankopɔn nkyɛne.

1 Petro 1:11

Bɛhwehwɛɛ berɛ korɔ ne berɛ ahodoɔ a Kristo honhom a ɔya bɛ mu dii kane daa no adi faa n’amanehunu ne akyire animuonyam a ɔbɛba he ho.

Hebrifoɔ 4:7

ɔsane hyɛɛ da foforɔ berɛ a ɔkaa berɛ tentenntene akyi ya David dwom mu sɛ, “Nnɛ”, he; sɛnea bɛaka dada sɛ, “Nnɛ, sɛ hote ne nne a, hommpirim ho akoma.”

2 Timoteo 3:16

Atwerɛ nyinaa firi Nyankopɔn homee mu na ɔyɛ ma nkyerɛkyerɛ, atenyie, atenetene ne tenenee mu nteteɛ,

Asomafoɔ 28:25

Na osiane sɛ na bɛ adwene nhyia nti, befirii aseɛ sɛ bɛɛkɔ, na Paulo de asɛm yi kaa ho sɛ, “Honhom Kronkron faa diyifoɔ Yesaia so kaa no yei kyerɛɛ ho nananom sɛ:

Mateo 5:35

saa nso ne mfa asaase nka ntam, efiri sɛ ɔyɛ ne nane ntiasoɔ; mfa Yerusalem nso nka ntam, efiri sɛ ɔyɛ Hene kɛseɛ he ahenkuro.