Luka 11:42 - Apam Foforɔ

⁴² “Na ho Farisifoɔ deɛ, honnue, efiri sɛ hoyi mẽẽ, nunum ne kumin nyinaa so ntotosoɔ du du, nso hototo atɛntenenee ne Nyankopɔn dɔ ase! Saa nnoɔma yi ne ɔsɛ sɛ nka hoyɔ, na nea aka he nso ɔnsɛ sɛ hoyi firi mu.

Luka 11:42 Referans Kwoze

Mateo 23:23

“Honnue, atwerɛfoɔ ne Farisifoɔ, nyaatwomfoɔ! Efiri sɛ, hoyi mmee ne nunum ne kumin mma ho ntotosoɔ du du, na hobu ho ani gu mmara he mu nnoɔma deɛ ohia kyɛne yeinom he so: atɛntenenee ne mmɔborɔhunu ne gyidie. Yeinom a ohia kɛseɛ he ne nka ɔsɛ sɛ hoyɔ berɛ a hommu ho ani ngu deɛ aka he nso so.

Luka 18:12

Medi mmuada mprenu nnawɔtwe, meyi nea menya nyinaa so ntotosoɔ du du.’

1 Yohane 4:20

Sɛ bi ka sɛ, “Medɔ Nyankopɔn” na ɔtane ne nua a, ɔyɛ torɔfoɔ, efiri sɛ, bi ntumi nnɔ Nyankopɔn a onhuu no, berɛ a ɔtane ne nua a ohu no he.

Mateo 23:27

“Honnue, atwerɛfoɔ ne Farisifoɔ, nyaatwomfoɔ! Efiri sɛ, hote sɛ nna a bɛatwa ho fitafita a ɔyɛ fɛ abɔntene, nso mu deɛ funu nnompe ne fi ahodoɔ ahyɛ no ma.

Yohane 5:42

Na menim yie sɛ honni Nyankopɔn dɔ ya ho mu.

Mateo 23:13

“Nso ho, atwerɛfoɔ ne Farisifoɔ, nyaatwomfoɔ, honnue! Efiri sɛ, hosi nipa kwane soro ahennie mu nipa anim, ho ankasa nso honkɔ mu, na sɛ binom ɔɔkɔ mu a, hosi bɛ kwane.