Hebrifoɔ 8:8 - Apam Foforɔ

⁸ Nyankopɔn nyaa bɛ ho mfomsoɔ mmerɛ a ɔkaa sɛ: “Nɔkwasɛm ne sɛ nna bi ɔɔba, Awurade ne ɔɔka, sɛ me ne Israel fie ne Yuda fie bɛpam apam foforɔ

Hebrifoɔ 8:8 Referans Kwoze

Hebrifoɔ 12:24

na ho aba Yesu hɔ, apam foforɔ he ho ntamgyinafoɔ, ne mogyaa a bɛapete a ɔkasa yie kyɛne Habel mogyaa he.

Hebrifoɔ 9:15

Sɛ saa deɛ a, Kristo yɛ apam foforɔ ho ntamgyinafoɔ, sɛdeɛ ɔbɛyɛ a bɛ a bɛafrɛ bɛ he benya daa agyapadeɛ a bɛahyɛ ho bɔ he, efiri sɛ wuo a owuiɛ he agye bɛ afiri apam a odi kane he mmarato ase.

2 Korintofoɔ 3:6

Ɔno ne wama yɛafata sɛ apam foforɔ mu asomfo, ɔnyɛ atwerɛeɛ mu na mmom Honhom mu; efiri sɛ, mmara atwerɛeɛ he bu fɔ kɔ wuom, na honhom he deɛ, ɔma nkwa.

1 Korintofoɔ 11:25

Saa ara nso ne adidie he akyi he, ɔfaa kuruwaa he nso; na ɔkaa sɛ, “Kuruwaa yi yɛ Apam foforɔ a ɔnam me mogyaa so he. Honyɔ yei, da biaa a hobɛnom he, homfa nkae me.”

Luka 22:20

Saa ara nso ne berɛ a bedii anwummerɛduane he wieeɛ he, ɔfaa kuruwa he na ɔdaa ase de maa bɛ kaa sɛ, “Kuruwaa yi ne me mogyaa, apam foforɔ he mogyaa, a ho nti, beehwie agu.

Marko 14:24

Ɔka kyerɛɛ bɛ sɛ, “Yei ne me mogyaa a ɔyɛ apam foforɔ he mogyaa a nnipa bebree nti beehwie agu.

Luka 17:22

Afei ɔka kyerɛɛ asuafoɔ he sɛ, “Nna bi ɔɔba a hobɛpɛ sɛ hohu Nipa Ba he nna he mu baako nso hoonhu.

Mateo 26:28

na yei ne me mogyaa a ɔyɛ apam he mogyaa a, nnipa bebree nti beehwie agu ama bɔne fakyɛ.

Hebrifoɔ 7:22

yei ma apam a Yesu adi mu agyinamu yɛ papa kyɛne kane apam he.

Hebrifoɔ 8:6

Nso Yesu deɛ, waanya asɔfodwuma a ɔkyɛne so koraa, ne saa nti ɔyɛ ntamgyinafoɔ mma apam a ɔkyɛne so he, deɛ ɔnam bɔhyɛ a ɔkyɛne so he so baeɛ he.

Hebrifoɔ 8:13

Na ɔɔka “apam foforɔ,” bi ho asɛm he, na ɔɔma kane deɛ he atwam. Na deɛ atwam na ɔɔyɛ dadaa he, ɔnkyɛre biaa ɔbɛyera afiri hɔ.

Luka 5:38

Mmom ɔsɛ sɛ bɛde bobesa mono gu nsa kotokuo foforɔ mu.