Hebrifoɔ 12:2 - Apam Foforɔ

² nhwɛ, Yesu a ɔyɛ yɛ gyidie farebae na ɔno nso ne ma no wie pɛyɛ, ɔno ne hwɛɛ anigyeɛ a ɔda n’anim he na ɔde boasetɔ huu asennua he ho amaneɛ, na obuu n’ani guu ho aniwuo so. Ne saa nti, waagye n’adwa Nyankopɔn ahennie he nifa.

Hebrifoɔ 12:2 Referans Kwoze

1 Petro 3:18

Na Kristo nso huu bɔne ho amane prɛko; ɔno a ɔtene he wu maa abɔnefoɔ, na ɔde ho akɔ Nyankopɔn nkyɛne; ɔno na bekuu no honam mu nso, ɔnam Honhom he so sɔreeɛ,

Hebrifoɔ 1:3

Ɔno ankasa ne da Nyankopɔn animuonyam a ɔhyerɛn he adi na ɔyɛ Nyankopɔn su nsɛso pɛpɛɛpɛ, na ɔnam n’asɛm a tumi yam so kita nnoɔma nyinaa mu. Na odwiraa yɛ bɔne wieeɛ he, ɔkɔtenaa deɛ ɔwɔ tumi boro tumi nyinaa so, na ɔya soro soro he nifa.

Efesofoɔ 5:2

na hontena dɔ mu, sɛnea Kristo dɔɔ yɛ na ɔde ne ho maeɛ sɛ ayɛyɛdeɛ ne afɔrebɔdeɛ a oohwam ma Nyankopɔn, ɔnam yɛ nti.

Filipifoɔ nwoma 1:6

Na mewɔ awerɛhyɛmu sɛ, nea wahyɛ adwuma pa ase ho mu he bɛtoa soaa kosi sɛ obewie no Yesu Kristo da he mu.

Hebrifoɔ 9:28

saa nso ne Kristo a ɔde ne ho bɔɔ afɔreɛ prɛko sɛ ɔbɛsoa nnipa bebree bɔne prɛko he, beyi ne ho adi ne mprenu so a, ɔmmɛyɔ bɔne ho adwuma, na mmom ɔɔbɛgye bɛ a bɛhwɛ no kwane dendenndene he nkwa.

Yohane 6:40

Na m’Agya apɛdeɛ ne sɛ biaa a ohu Ba he na ɔgye no di he benya daa nkwa, na menyane no da a odi akyi he.”

1 Petro 3:22

Saa Yesu yi ne kɔɔ soro na ɔte Nyankopɔn nifa, na bɛde abɔfoɔ ne bɛ a tumidie ahyɛ n’ase.

Asomafoɔ 5:31

Saa nipa yi ne Nyankopɔn maa no so sɛ Safohene ne Agyenkwa kɔɔ ne nsa nifa so, sɛ ɔmma Israel nnya adwensakra ne bɔne fakyɛ.

Luka 24:26

Nti na ɔnsɛ sɛ Kristo he hu amaneɛ yi nyinaa na ɔkɔ n’Animuonyam mu anaa?”

Yuda 1:21

na honkɔ so ntena Nyankopɔn dɔ mu berɛ a hootwɛne yɛ Awurade Yesu Kristo mmɔborɔhunu mu ama wama ho nkwa a onni awieeɛ he.

Hebrifoɔ 8:1

Na afei yɛ asɛm a yɛɛka he titire paa ne sɛ, yɛwɔ saa sɔfo panyini yi a ɔte deɛ ɔte Tumi kɛseɛ he ahennwa nifa so ya soro,

2 Timoteo 4:8

Afei nea aka a ɔsɛ sɛ me nsa ka ne tenenee abotire a Awurade, temufoɔ a ɔtene he de bɛma me Da he, ɔnyɛ me nko na mmom bɛ a bɛdɔ n’ahoyie nyinaa nso.

Filipifoɔ nwoma 3:20

Na yɛ deɛ yɛ mane a yefiri mu ankasa ne soro, na hɔ ne yɛɛhwɛ Agyenkwa, Awurade Yesu Kristo anim afiri.

Marko 14:36

Ɔkaa sɛ, “Abba, Agya, bibiaa nso wo yɔ; yi kuruwaa yi firi me so; nso nyɛ deɛ mepɛ na mmom deɛ wopɛ.”

Adiyisɛm 2:8

“Twerɛ krataa yi kɔma Smirna asafo mu bɔfoɔ he sɛ: ‘Saa asɛm yi firi kannifoɔ ne kyidifoɔ he nkyɛne. Ɔno ne wuiɛ, na ɔte ase bio he.

Hebrifoɔ 13:13

Saa deɛ a, homma yɛnkɔ ne nkyɛne kuro he akyi na yɛasoa n’ahohorabɔ a ohuu mu amaneɛ he;

Hebrifoɔ 5:9

na owiee pɛyɛ he, ɔbɛyɛɛ daa nkwa farebae maa bɛ a bɛyɛ setie ma no he nyinaa,

Yohane 13:3

Na esiane sɛ na Yesu nim sɛ Agya he de nnoɔma nyinaa ahyɛ ne nsa, na ofiri Nyankopɔn nkyɛne, na ɔɔkɔ Nyankopɔn hɔ nti,

Luka 17:5

Na asomafoɔ he ka kyerɛɛ Awurade sɛ, “Ma yɛ gyidie nyɛ kɛseɛ.”

Marko 9:24

Ntɛmaa abɔfra he papa teaam sɛ, “Mewɔ gyidie, na baabi a mehia gyidie he boa me!”

Hebrifoɔ 12:3

Na honhwɛ deɛ ɔde boasetɔ faa nnebɔnyɛfoɔ nitane a bɛde tiaa no he mu, sɛdeɛ ɔbɛyɛ a hoommerɛ anaa hoompa aba, ho akomam.

Efesofoɔ 2:16

na ɔnam asennua he so aka mmienu he abom ayɔ no nipadua baako ama Nyankopɔn, na waayi nitane a na ɔya hɔ he afiri hɔ.

Asomafoɔ 5:41

Befirii Sanhedrin he anim kɔeɛ, na bɛ ani gyee sɛ Yesu dini nti bɛfata sɛ begu bɛ anim ase.

Yohane 12:32

Na me deɛ, sɛ bɛma me so firi wiase a, mɛtwe nnipa bebree aba me nkyɛne.”

1 Petro 1:11

Bɛhwehwɛɛ berɛ korɔ ne berɛ ahodoɔ a Kristo honhom a ɔya bɛ mu dii kane daa no adi faa n’amanehunu ne akyire animuonyam a ɔbɛba he ho.

Hebrifoɔ 10:14

Na ɔnam afɔreɛ baako pɛ so ama bɛ a bɛate bɛ ho nyinaa awie pɛyɛ afebɔɔ.

Yohane 12:24

Meeka akyerɛ ho nɔkorem paa sɛ, sɛ ayuo ba baako antɔ fam anwu a, ɔdasoaa yɛ ba baako; nso sɛ owu a ɔsõ mma bebree.

Yohane 8:56

Ho agya Abraham dii ahurusie ɔnam anidasoɔ a onyaa sɛ obehu me nti, na ɔte sɛ deɛ ohuu me, nti n’ani gyeeɛ.”

Yohane 1:29

Na adeɛ kyeɛ he, Yohane huu sɛ Yesu ɔɔba, na ɔkaa sɛ, “Hwɛ! Nyankopɔn adwamaa a oyi wiase bɔne kɔ he di!

Luka 23:11

Afei Herode ne n’asraafoɔ he bɔɔ no adapaa, goroo ne ho, na bɛhyɛɛ no ahentaadeɛ bi de no kɔmaa Pilato bio.

Mateo 20:28

sɛdeɛ Nipa Ba he nso amma sɛ bɛnsom no na mmom ɔbɛsomeɛ na ɔde ne nkwa ayɛ agyedeɛ ama nipa bebree he.”

Mateo 16:21

Ofiri saa mmerɛ he ɔɔkɔ he, Yesu firii aseɛ kyerɛɛ n’asuafoɔ he sɛ ɔsɛ sɛ ɔkɔ Yerusalem na okohu amane, mpanyimfoɔ ne asɔfoɔ mpanyimfoɔ ne atwerɛfoɔ nsam na beku no, na ne nnansa so he ɔsɔre.

Adiyisɛm 1:17

Mehuu no he, mekɔhwee ne nane ase yɛɛ te sɛ wufoɔ. Na ɔde ne nsa nifa too me so kaa sɛ, “Nsuro! Mene Kannifoɔ ne Kyidifoɔ.

Adiyisɛm 1:11

Ɔkaa sɛ, “Twerɛ bibiaa a wohu gu nwoma mu, na fa nwoma he kɔma asafo ahodoɔ nson yi: Deɛ ɔya Efeso, Smirna, Pergamo, Tiatira, Sardi, Filadelfia ne Laodikea.”

Hebrifoɔ 7:19

(efiri sɛ mmara he amma bibiaa anwie pɛyɛ); na mmom, anidasoɔ a ɔyɛ kyɛne yei so na yɛnam bɛne Nyankopɔn.

Hebrifoɔ 1:13

Na abɔfoɔ he mu hwane na waaka akyerɛ no da sɛ, “Tena me nifa so kosi sɛ mede w’atamfoɔ bɛyɛ wo nane ase ntiasoɔ”?

Asomafoɔ 2:36

Nti ma Israel fie nyinaa nhu ampa sɛ Nyankopɔn ayɔ Yesu yi a hobɔɔ no asennua mu he Awurade ne Kristo.”

Marko 9:12

Ɔka kyerɛɛ bɛ sɛ, “Elia bedi kane aba ampa abɛtoto nnoɔma nyinaa; na ɔyɛɛ dɛ ne bɛatwerɛ Nipa Ba he ho asɛm sɛ, otwa sɛ ohu amane pii na bebu no animtia?

Adiyisɛm 1:8

“Mene ahyɛaseɛ ne awieeɛ,” Awurade Nyankopɔn ne ɔɔka, ɔno ne ya hɔ seesei na ɔya hɔ firi tetentredee na ɔya hɔ daa, ade nyinaa so tumfoɔ, he.

Hebrifoɔ 11:36

Bedii binom ho fɛw na bɛbɔɔ bɛ mmaa, na mpo bɛde nkɔnsɔnkɔnsɔn guu binom de bɛ too afiase.

Hebrifoɔ 10:33

maa bɛbɔɔ ho adapaa na bɛtaa ho badwam, na da bi nso ho ne bɛ a bɛfaa saa tebea he mu he nyaa ayɔnkofa.

Marko 16:19

Na afei Awurade Yesu ne bɛ kasa wieeɛ he, Nyankopɔn maa no so kɔɔ soro kɔtenaa ne nsa nifa so.

Asomafoɔ 3:15

Na hokuu nkwa Farebae he, nea Nyankopɔn nyanee no firii awufuom he. Yɛyɛ yei ho adansefoɔ.

1 Korintofoɔ 1:18

Na asennua he ho asɛm he yɛ nkwaseasɛm ma bɛ a bɛɛyera, na yɛ a bɛɛgye yɛ nkwa he deɛ, ɔyɛ Nyankopɔn tumi ma yɛ;

1 Korintofoɔ 1:23

Na yɛ deɛ, yɛka Kristo a bɛbɔɔ no asennuam he ho asɛm, ɔyɛ sintidua ma Yudafoɔ na ɔyɛ nkwaseasɛm ma Helafoɔ;

Yakobo 2:1

Me nuanom a hoyɛ yɛ Awurade Yesu Kristo a ɔyɛ animuonyam wura he mu agyidifoɔ he, ɔnsɛ sɛ honyɔ nyinyimu.

Marko 15:28

[Na twerɛ he baa mu sɛ, “Bɛkanee no fraa mmaratofoɔ.]