Galatifoɔ 6:10 - Apam Foforɔ

¹⁰ Ne saa nti, akwannya biaa a yebenya he, homma yɛnyɔ nnipa nyinaa papa, ne titire bɛ a bɛka agyidifoɔ abusua ho he.

Galatifoɔ 6:10 Referans Kwoze

Hebrifoɔ 13:16

Hommmu ho ani ngu papayɔ ne adekyɛ so, efiri sɛ, saa afɔreɛ he sɔ Nyankopɔn ani.

1 Tesalonikafoɔ 5:15

Honhwɛ sɛ ho mu biaa ɔmfa bɔne ntua bɔne ka, na honhwɛ sɛ hobɛhwɛ afoforɔ yiedie berɛ biaa.

Tito 3:8

Ɔyɛ nɔkwasɛm paa. Na yeinom ne mehwɛ sɛ wohyɛ mu kena, sɛdeɛ ɔbɛyɛ a bɛ a bɛabɛgye Nyankopɔn adi he bɛhwɛ yei sɛ bɛde bɛ ho bɛma nnwuma pa; yeinom ne yɛ paa na ɔyɛ mfasodeɛ ma nnipa.

Mateo 25:40

Na hene bebua bɛ sɛ, ‘Nɔkorɛ meeka akyerɛ ho, sɛ hoyɔ maa me nuanom nkumaa yi mu baako he, hoayɔ ama me nso.’

Hebrifoɔ 6:10

Nyankopɔn nyɛ deɛ ɔntene; na ommu n’ani ngu nwuma pa a ho yɔ ne dɔ a ɔno nti ho da no adi ya ahoteefoɔ som ho, na hogu so yɔ he ho.

Efesofoɔ 2:19

Nti afei honyɛ ahɔhoɔ ne amanfrafoɔ bio, na mmom hoyɛ yɔnko-mane-mma ne Nyankopɔn fiefoɔ, ho ne ahoteefoɔ nyinaa,

Yohane 12:35

Yesu ka kyerɛɛ bɛ sɛ, “Hann he bɛtena ho nkyɛne kakra. Howɔ hann he, honante na sum anni ho so. Na deɛ ɔnante sum mu he nnim baabi a meekɔ.

Luka 6:35

Mmom, honnɔ ho atamfoɔ na honyɔ bɛ papa na homma afoforɔ bosea a ho ani nna so sɛ hobenya bibi akyire yi; na ho akatua bɛyɛ kɛseɛ, na hobɛyɛ Sorosoroni he mma, efiri sɛ ne yam yɛ ma boniayɛfoɔ ne abɔnefoɔ.

Yohane 9:4

Adekyeɛ ya hɔ yi ɔsɛ sɛ yɛyɔ nea ɔsomaa yɛ he nnwuma; anadwo ɔɔba a biaa ntumi nnyɔ adwuma.

Tito 2:14

Ɔno ne de ne ho maeɛ ɔnam yɛ nti sɛ ɔbɛgye yɛ afiri amumuyɔ nyinaa mu na wate yɛ ho afa yɛ ayɛ ɔno ankasa ne nkurofoɔ a bɛbɔ mmɔdene nwuma pa mu.

Filipifoɔ nwoma 4:10

Medi ahurusie pii Awurade mu sɛ afei deɛ hoafiri aseɛ ɔɔdwene me ho bio, na hoodwene me ho, nso hoanya ho kwane anna no adi.

Mateo 12:50

Na biaa a ɔyɔ m’Agya a ɔya soro he apɛdeɛ he ɔno ne yɛ me nuabeema, me nuabaa ne me maame.”

3 Yohane 1:11

Me dɔfo, nhwɛ bɔne nsua, na mmom hwɛ papa sua. Biaa a ɔyɛ papa he yɛ Nyankopɔn deɛ. Na biaa a ɔyɛ bɔne he nso nhuu Nyankopɔn.

Kolosefoɔ nwoma 4:5

Na akwannya biaa hobenya he hommɔ ho bra nyansa mu mma wiasefoɔ nhu.

Efesofoɔ 5:16

honhwɛ ho mmerɛ so yie, efiri sɛ saa mmerɛ yi yɛ nna bɔne.

1 Yohane 5:1

Nea ɔgye di sɛ Yesu ne Kristo he, Nyankopɔn ne awo no. Biaa nni hɔ a ɔdɔ bi na ɔnnɔ saa nipa he ba nso.

Hebrifoɔ 3:6

Nso Kristo deɛ, odii nɔkorɛ Nyankopɔn fie nyinaa so sɛ ba, na sɛ yɛsɔ nnamyɛ a yɛde kasa ne anidasoɔ a yɛde hoahoa yɛ ho he mu pintinn kosi awieeɛ a, ɔno ne ma yɛyɛ ne fiefoɔ.

Marko 3:4

Na obisaa bɛ sɛ, “Mmɛ ne nipa wɔ ho kwane sɛ ɔyɔ no homeda, adepa anaa adebɔne, sɛ ɔbɛgye bi kra nkwa anaa ɔbɛma na asɛe?” Na biaa yɔɔ komm.

Efesofoɔ 3:15

nea befiri ne mu frɛ abusua biaa a ɔya soro ne asaase so he.

Mateo 5:43

“Hoate sɛ bɛkaa sɛ, ‘Dɔ wo yɔnko na tane w’atamfoɔ.’

Mateo 10:25

ɔdɔɔso ma suani sɛ ɔbɛyɛ sɛ ne kyerɛkyerɛni, anaa akoa sɛ ne wura. Sɛ bɛfrɛɛ fie he wura he Beelsebul a, mprɛ ahe ne bɛmfrɛ fie he mufoɔ saa bi!

Asomafoɔ 6:7

Na Nyankopɔn asɛm kɔɔ so trɛeɛ, na asuafoɔ he kɔɔ so yɛɛ dodo ya Yerusalem, na Yudafoɔ som he mu asɔfoɔ mu pii gyee asɛm he diiɛ.

Galatifoɔ 1:23

na te nkoaa ne na bɛate sɛ, “Nea na kane ɔtaataa yɛ he, saa berɛ yi deɛ, ɔɔka gyidie a na nka ɔsɛe no he ho asɛm.”

Efesofoɔ 4:28

Korɔmfoɔ nyae korɔno bɔ; na mmom ɔmmɔ mmɔdene mfa ne nsa nyɔ adwuma pa, na woanya bibi de ama ahiafoɔ.

1 Tesalonikafoɔ 5:21

honsɔ bibiaa nhwɛ, na honsɔ deɛ ɔyɛ he mu yie;

1 Petro 2:5

Ho nso hote sɛ aboɔ a nkwa yam a bɛnam so oosi honhom mu dane a ɔbɛyɛ asɔfokuo Kronkron a bɛnam Yesu Kristo so bɛbɔ honhom mu afɔdeɛ a ɔsɔ Nyankopɔn ani ya mu.

1 Petro 4:17

Na berɛ aduru sɛ bebu atɛne, na Nyankopɔn nkurofoɔ ne bebedi kane abu bɛ atɛne. Na sɛ befiti aseɛ ya yɛ so a, mmɛ kwane so ne ɔbɛfa akɔ bɛ a bɛnnye Asɛmpa a ofiri Nyankopɔn nkyɛne he nni he nkyɛne?

3 Yohane 1:3

Berɛ a anuanom bi baeɛ na bebedii wo nɔkorɛdie ho adanseɛ sɛnea wonam nɔkorɛ he mu he, m’ani gyee paa.

3 Yohane 1:10

Yei nti sɛ meba a, mede bibiaa a wayɔ he ho asɛm bɛto ho anim pefee, nsɛmmɔne a ɔka fa me ho nyinaa. Ɔmma no nso hɔaa, na mmom sɛ anuanom he ba a, ɔnnye bɛ, na bɛ a bɛpɛ sɛ bɛgye bɛ he nso, ɔbɔ mmɔdene sɛ obesi bɛ kwane na watu bɛ afiri asafo he mu.

2 Korintofoɔ 2:8

Nti mehyɛ ho nkurane sɛ honyi dɔ adi nkyerɛ no.