Galatifoɔ 5:1 - Apam Foforɔ

¹ Adehyedie nti ne Kristo ama yɛade yɛ ho. Nti, honnyina pintinn, hommfa ho ho nhyɛ nkoasom konnua ase bio.

Galatifoɔ 5:1 Referans Kwoze

2 Korintofoɔ 3:17

Na Awurade ne Honhom he, na baabi a Awurade Honhom ya he, faahodie ya hɔ.

Galatifoɔ 5:13

Na adehyedie mu ne bɛafrɛ ho aba, me nuanom; homma ahofadie he nyɛ akwannya mma honnyɔ bɔne, na mmom ho mfa dɔ so nyɛ nkoa ma ho ho,

1 Petro 2:16

Hontena ase sɛ nnipa a bɛde bɛ ho, na bɛmfa bɛ ahofadie he nyɔ bɔne biaa nso. Na hontena ase sɛ Nyankopɔn nkoa.

Romafoɔ 6:14

Na bɔne amfa ho nommum bio, efiri sɛ honni mmara ase, na mmom hoya adom ase.

Romafoɔ 8:2

efiri sɛ Honhom mu nkwa mmara he ama ho faahodie Kristo Yesu mu afiri bɔne ne wuo mmara he mu.

Galatifoɔ 4:9

Na afei a hoahu Nyankopɔn yi anaa Nyankopɔn ahu ho yi, ɔbɛyɛ dɛ ne hoasane akɔ mfitiasedeɛ a benni tumi biaa, na benni hwee nso de ma he nkyɛne bio?

Hebrifoɔ 10:23

Homma yɛnhimhim na mmom yenkura yɛ anidasoɔ asɛm a yɛka he mu dene, efiri sɛ deɛ waahyɛ bɔ he yɛ nɔkwafoɔ.

Galatifoɔ 2:4

Nso ɔnam sɛ na anuanom atorɔfoɔ bi awiawia bɛ ho aba yɛ mu sɛ bɛbɛtetɛ yɛ ahwɛ ahofadie a yɛwɔ no Kristo Yesu mu, sɛnea ɔbɛyɛ a bɛde yɛ bɛkɔ Mmara nkoasom mu nti

Galatifoɔ 4:31

Ne saa nti, anuanom, yɛnyɛ afenaa mma, na mmom yɛyɛ dehyeɛ mma.

Adiyisɛm 3:3

Kae nea wonyaeɛ na woteeɛ he, di so na sakra w’adwene firi wo bɔne ho. Sɛ woanwɛne a, mɛba wo so te sɛ korɔmfoɔ, na wonhu dɔnhwere korɔ a mɛba wo nkyɛne.

2 Petro 2:19

Atorɔ akyerɛkyerɛfoɔ he hyɛ bɛ bɔ sɛ bɛbɛma bɛ ahofadie, nso bɛ ankasa deɛ bɛyɛ porɔeɛ nkoa efiri sɛ nipa biaa yɛ akoa ma bibiaa a odi ne so.

1 Korintofoɔ 16:13

Honwɛne, honyina pintinn ho gyidie mu, honya akokoɔduro, honyɛ dene.

Romafoɔ 7:6

Na afei deɛ, yɛade yɛ ho afiri mmara he mu, yɛawu afiri nea ɔfaa yɛ nommum he ase, na yɛnam Honhom he so ayɛ nkoa kwane foforɔ so, na ɔnyɛ kwane dadaa a ogyina atwerɛeɛ dadaa he so he.

Romafoɔ 6:18

na afei, berɛ a bɛagye ho afiri bɔne mu he, hoabɛyɛ tenenee nkoa.

Asomafoɔ 15:10

Afei mmɛ nti ne hosɔ Nyankopɔn hwɛ, sɛ hode konnua a yɛ nananom antumi ansoa to asuafoɔ he kɔno so?

1 Korintofoɔ 7:22

Nipa a bɛfrɛɛ no Awurade mu he na ɔyɛ akoa he, waade ne ho a ɔyɛ Awurade dea, saa ara nso ne nea bɛfrɛ no he na ɔde ne ho he nso abɛyɛ akoa ama Kristo.

Yuda 1:3

Adɔfonom, berɛ a meebɔ mmɔdene atwerɛ ho afa nkwagyeɛ a yɛ nyinaa te mu he ho he, mehuu sɛ ohia sɛ metwerɛ de fa hia ohia sɛ hoyere ho ho gyina gyidie a Nyankopɔn de ahyɛ ahoteefoɔ nsa prɛko he ho.

Filipifoɔ nwoma 1:27

Deɛ ɔsɛ ho ne sɛ, hobɛbɔ ho bra ama no afata Kristo asɛmpa he, na sɛ meba behu ho oo, sɛ mamma oo, mate sɛ hogyina pintinn honhom korɔ mu, a hode adwene korɔ, na biaa ɔɔyɔ ne fam deɛ ama asɛmpa gyidie he,

Efesofoɔ 6:14

Ne saa nti honnyina hɔ, na homfa nɔkorɛ mmɔ ho asene sɛ abɔsoɔ, na honhyɛ tenenee sɛ nkataboɔ.

Adiyisɛm 2:25

Na honsɔ nea howɔ he mu dene nkosi sɛ mɛba.

Hebrifoɔ 4:14

Esiane sɛ yɛwɔ sɔfopanyini kɛseɛ a waforo akɔ soro, Yesu a ɔyɛ Nyankopɔn Ba he nti, homma yɛnsɔ yɛ gyidie asɛm a yɛpae mu ka he mu,

Hebrifoɔ 3:14

Nso gye sɛ yɛsɔ ahotɔsoɔ a yedii kane nyaeɛ he mu pintinn kosi awieeɛ, ansa na yɛanya kyɛfa Yesu mu ankasa.

Hebrifoɔ 3:6

Nso Kristo deɛ, odii nɔkorɛ Nyankopɔn fie nyinaa so sɛ ba, na sɛ yɛsɔ nnamyɛ a yɛde kasa ne anidasoɔ a yɛde hoahoa yɛ ho he mu pintinn kosi awieeɛ a, ɔno ne ma yɛyɛ ne fiefoɔ.

2 Tesalonikafoɔ 2:15

Nti afei anuanom, honnyina pintinn, na honkura nkyerɛkyerɛ a yɛde gyaa o he mu, sɛ ɔnam yɛ anom asɛm anaa yɛ krataa bi so he.

1 Tesalonikafoɔ 3:8

Yenya yɛ asetena yi mu nkuranhyɛ firi gyina a hobegyina Awurade mu pintinn he mu.

Galatifoɔ 4:26

Nso Yerusalem a ɔya soro he deɛ, ɔde ne ho, na ɔno ne yɛ na,

Galatifoɔ 3:25

Na afei a Kristo mu gyidie mmara aba yi, yɛnhyɛ kwankyerɛfoɔ he ase bio,

1 Korintofoɔ 15:58

Nti anuanom adɔfoɔ, hontintim, honnhinhim, honkɔ so Awurade adwuma mu daa, efiri sɛ, honim sɛ, ho brɛ ɔnyɛ kwa Awurade mu.

Mateo 23:4

Bɛkyekyere nnesoa duruduru a ne soa ɔdene, na bɛde ato afoforɔ mmati so; nso bɛ ankasa deɛ bɛmpɛ sɛ bɛde bɛ nsa teaa mpo ka nnesoa he.

Romafoɔ 7:3

Saa ne ɔteɛ, sɛ baa warefoɔ ne beema foforɔ te a, na ne kunu he nwuiɛ a, bɛbɛfrɛ no dwammanmɔfoɔ. Nso sɛ ne kunu he wu a, baa he de ne ho firi saa mmara he ho; sɛ ɔware beema foforɔ a ɔnyɛ dwammanmɔfoɔ.

Romafoɔ 8:15

Na sɛ hoannya akoayɛ honhom a ɔbɛma ho asane akɔ hu mu bio, na mmom hoanya abayɛ honhom. Nti yetumi team sɛ, “Abba! Agya!”

2 Korintofoɔ 11:20

Na sɛ bi di ho nya, sɛ bi didi ho ho, sɛ bi fa ho nommum, sɛ bi ma ne ho so, sɛ bi bɔ ho ani so a, hobehu ama no.

Luka 5:38

Mmom ɔsɛ sɛ bɛde bobesa mono gu nsa kotokuo foforɔ mu.