Galatifoɔ 3:1 - Apam Foforɔ

¹ O, Galatifoɔ a hoyɛ adwenharefoɔ! Hwane ne adaadaa ho saa. Ho ampa ara a bɛde Yesu Kristo a bɛbɔɔ no asennuam agyina ho anim akyerɛ pefee paa di!

Galatifoɔ 3:1 Referans Kwoze

2 Korintofoɔ 11:3

Nso mesuro sɛ, ebia, sɛdeɛ wɔ he de n’aniteɛ bɛdaadaa Hawa he, saa ara nso ne bɛbɛdane ho adwene afiri Kristo mu ahofama mapa a owie pɛyɛ he.

Adiyisɛm 2:20

Nso nea mewɔ nsɛm bi tia wo: Wososɔɔ baa bi a ne dini de Isebel, a ɔfrɛ ne ho diyifoɔ he so. Saa baa yi kyerɛkyerɛ, na odi m’asomfoɔ anim ma bɛbɔ adwamane di abosom-nnuane.

Galatifoɔ 1:6

Ɔyɛ me ahodwiri sɛ hootwe ho ho ntɛm afiri nea ɔnam Kristo adom so frɛɛ ho he ho na hoodane ho ho akɔfa nea hodwene sɛ ɔyɛ asɛmpa foforɔ,

1 Petro 4:17

Na berɛ aduru sɛ bebu atɛne, na Nyankopɔn nkurofoɔ ne bebedi kane abu bɛ atɛne. Na sɛ befiti aseɛ ya yɛ so a, mmɛ kwane so ne ɔbɛfa akɔ bɛ a bɛnnye Asɛmpa a ofiri Nyankopɔn nkyɛne he nni he nkyɛne?

2 Petro 2:18

Na bɛkeka akokurokosɛm a mfasoɔ biaa nni so, na bɛnam honam akɔnnɔ ne ahohwie so to bɛ a afei ne bɛatete bɛ ho afiri nnebɔnyɛfoɔ ho he mmradɛ.

Hebrifoɔ 11:8

Gyidie nti ne bɛfrɛɛ Abraham sɛ ontu nkɔ baabi a daakye bɛde bɛ ma no sɛ n’agyapadeɛ he, ɔyɔɔ setie kɔeɛ berɛ a na onnim baabi a na ɔɔkɔ he.

Efesofoɔ 4:14

sɛ ɔbɛyɛ a yɛnkɔ so nyɛ te sɛ mmɔfra a bedi akɔneaba, na nkyerɛkyerɛ biaa, te sɛ mframa a ɔnam nnipa mmradɛtoɔ so, ne torɔ ne nnaadaa akwane so, woso bɛ.

Galatifoɔ 4:9

Na afei a hoahu Nyankopɔn yi anaa Nyankopɔn ahu ho yi, ɔbɛyɛ dɛ ne hoasane akɔ mfitiasedeɛ a benni tumi biaa, na benni hwee nso de ma he nkyɛne bio?

Galatifoɔ 3:3

Nti honnwene koraa saa? Hode Honhom hyɛɛ aseɛ, afei deɛ hode honam ne oowie?

1 Petro 1:22

Afei a hoayɔ setie ama nɔkorɛ he de adwira ho kra ho ama hoanya nuadɔ a nyaatwom nni mu he, homfiri ho akoma nyinaa mu nnodɔ ho ho.

Hebrifoɔ 5:9

na owiee pɛyɛ he, ɔbɛyɛɛ daa nkwa farebae maa bɛ a bɛyɛ setie ma no he nyinaa,

Efesofoɔ 5:15

Honhwɛ sɛnea hobɛbɔ ho bra, honnnyɔ sɛ bɛ a bennim nyansa, na mmom honnyɔ sɛ anyansafoɔ,

1 Timoteo 6:4

ɔyɛ nipa a ahomasoɔ ahyɛ no ma, onnim hwee, n’asɛm yɛ twintwann, na ɔgye asɛm biaa ho akyinnye ma no de ahoɔyeya, mpaepaemu, nantitwitwa, nnipa ho adwemmɔne,

Galatifoɔ 2:14

Nso berɛ a mehuu sɛ bɛ adwene nsi bɛ pi sɛnea asɛmpa he nɔkorɛ teɛ he, meka kyerɛɛ Kefa bɛ nyinaa bɛ anim sɛ, “Sɛ wo a, mpo woyɛ Yudani, wobɔ wo bra sɛ Amanamane muni na ɔnyɛ sɛ Yudani a, mmɛ nti ne wopɛ sɛ wohyɛ Amanamane mufoɔ sɛ bɛmmɔ bɛ bra sɛ Yudafoɔ?”

1 Korintofoɔ 11:26

Na da biaa a hobedi paanoo he na hobɛnom kuruwaa yi ano he, hopae mu ka Awurade wuo he kosi sɛ ɔbɛba.

1 Korintofoɔ 2:2

Na mmom nɛbɔɔ me tim pɔ sɛ memmfa m’adwene nsi bibiaa so ka Yesu Kristo, ne bɔ a bɛbɔɔ no asennua mu he ho.

Romafoɔ 6:17

Nso yɛda Nyankopɔn ase sɛ, hoayɛ bɔne nkoa da, na hofiri akomam abɛyɛ setie ama nkyerɛkyerɛ a bɛde hyɛɛ ho nsa,

Romafoɔ 2:8

nso bɛ a bedi ntuturasɛm; na bɛpo nɔkorɛ na bɛfa kwane a ɔntene so he, bebenya abufuo ne asotwe.

Asomafoɔ 6:7

Na Nyankopɔn asɛm kɔɔ so trɛeɛ, na asuafoɔ he kɔɔ so yɛɛ dodo ya Yerusalem, na Yudafoɔ som he mu asɔfoɔ mu pii gyee asɛm he diiɛ.

Adiyisɛm 18:3

Efiri sɛ, amanamane nyinaa anom n’adwamammɔ nsa dendene he bi, na asaase so ahemfo ne no abɔ adwamane, na asaase so adwadifoɔ anya bɛ ho ɔnam n’akɔnnɔbɔne ntrasoɔ nti.”

2 Tesalonikafoɔ 1:8

na bɛatɔ bɛ a bennim Nyankopɔn na bɛantie yɛ Awurade Yesu ho asɛmpa he so werɛ.

Efesofoɔ 3:8

Ewom sɛ me ne ahoteefoɔ he nyinaa mu kumaa koraa, nso bɛde adom yi maa me sɛ memfa so nna asɛm a ɔyɛ Kristo ahonya mu a onni hwehwɛbea he adi nkyerɛ amanamane mufoɔ.

2 Korintofoɔ 10:5

ne bibiaa a ɔsõ a bɛama so atia Nyankopɔn nimdeɛ, na yɛafa adwene nyinaa nommum de ahyɛ Kristo asoɔmmerɛ ase.

Romafoɔ 10:16

Nso nyɛ bɛ nyinaa ne bɛayɔ setie ama asɛmpa he; efiri sɛ Yesaia dɛ, “Awurade, hwane ne agye yɛ asɛm adi?”

Luka 24:25

Nti ɔka kyerɛɛ bɛ sɛ, “O adwenharefoɔ a hoyɛ nyaa ho akoma mu sɛ hobɛgye deɛ adiyifoɔ he aka nyinaa adi!

Mateo 24:24

Na kristo-atorɔfoɔ ne atorɔ adiyifoɔ bebree bɛba abɛyɔ nsɛnkyerɛnne ne anwanwadeɛ akɛseɛ, de adaadaa binom, sɛ ɔbɛyɛ yie a bɛ a bɛayi bɛ he mpo nka bɛbɛdadaa bɛ.

Mateo 7:26

Nso nipa biaa a otie me nsɛm yi na ɔnnyɔ he bɛyɛ sɛ bi a onnim nyansa a osii ne dane anweam.

Asomafoɔ 16:6

Afei bɛkɔfaa Frigia ne Galatia mpɔtamu efiri sɛ Honhom Kronkron he braa bɛ sɛ bɛnnka asɛm he Asia.

Galatifoɔ 1:2

ne anuanom a bɛka me ho nyinaa, twerɛ krataa yi de kɔma asafo ahodoɔ a bɛya Galatia.

Galatifoɔ 5:11

Na me deɛ, anuanom, sɛ meda so ka twetiatwa ho asɛm a nka mmɛ nti ne bɛda so taa me? Sɛ nka meda so ka twetiatwa ho asɛm a, hedeɛ na nka asennua he nto sintidua bio.