Galatifoɔ 1:4 - Apam Foforɔ

⁴ Yesu Kristo a yɛ bɔne nti ɔde ne ho maeɛ sɛ ɔbɛgye yɛ afiri wiase yi bɔne mu, sɛnea Nyankopɔn a ɔyɛ yɛ Agya pɛ he teɛ,

Galatifoɔ 1:4 Referans Kwoze

Mateo 20:28

sɛdeɛ Nipa Ba he nso amma sɛ bɛnsom no na mmom ɔbɛsomeɛ na ɔde ne nkwa ayɛ agyedeɛ ama nipa bebree he.”

Romafoɔ 4:25

Yesus ne yɛ bɔne nti beyii no maa wuo na yɛ bembuo nti bɛyanee no he.

Galatifoɔ 2:20

na ɔnyɛ me ne mete ase bio, na mmom ɔyɛ Kristo ne te me mu, nɔkwasɛm ne sɛ m’ase a mete no honam mu seesei yi, mete no Nyankopɔn Ba a ɔdɔ me na ɔde ne ho maa me he mu gyidie mu.

1 Petro 2:24

Kristo he ankasa soaa yɛ bɔne ya ne honam mu kɔɔ asennua he so sɛnea yebewu ama bɔne, na yɛatena ase tenenee mu. Ne mmaa ntampeɛ mu ne hoanya ayaresa.

Tito 2:14

Ɔno ne de ne ho maeɛ ɔnam yɛ nti sɛ ɔbɛgye yɛ afiri amumuyɔ nyinaa mu na wate yɛ ho afa yɛ ayɛ ɔno ankasa ne nkurofoɔ a bɛbɔ mmɔdene nwuma pa mu.

2 Korintofoɔ 4:4

Bɛ mu ne wiase nyame afira bɛ a bɛnnye nni he adwene ani, sɛ benhu asɛmpa he ho hann a ɔyɛ Kristo a ɔyɛ Nyankopɔn subane he animuonyam.

1 Timoteo 2:6

a ɔde ne ho yɛɛ agyedeɛ maa nnipa nyinaa; bedii yei ho adanseɛ berɛ pa mu.

Efesofoɔ 2:2

na hote mu he mu, na hodii wiase yi su akyi, tumidie ne mpanyinnie a ɔya wiem, honhom a nnɛ ɔyɔ adwuma asoɔdenfoɔ mu, he nkwa.

1 Tesalonikafoɔ 3:13

Na ɔnhyɛ ho akoma dene kronkronyɛ mapa mu sɛ ho ho mma asɛm yɛ Nyankopɔn ne Agya he anim ya Awurade Yesu, ne ahoteefoɔ mmaeɛ he mu.

Romafoɔ 12:2

Na homfa wiase nhyehyɛeɛ yi so, na mmom honsakra ho adwene na honyɛ foforɔ, na hoasɛ ahwɛ ahu nea Nyankopɔn pɛ a ɔyɛ na ɔsɔ ani na odi mu.

Filipifoɔ nwoma 4:20

Animuonyam nka yɛ Nyankopɔn ne yɛ Agya daa daa. Amen.

Efesofoɔ 5:2

na hontena dɔ mu, sɛnea Kristo dɔɔ yɛ na ɔde ne ho maeɛ sɛ ayɛyɛdeɛ ne afɔrebɔdeɛ a oohwam ma Nyankopɔn, ɔnam yɛ nti.

Adiyisɛm 1:5

ne Yesu Kristo a ɔyɛ danseni nɔkwafoɔ ne wusɔreɛ mu dikanfoɔ ne asaase so ahene sodifoɔ he nkyɛne nka ho. Ɔno a ɔdɔ yɛ, na ɔnam ne mogyaa he so agye yɛ afiri yɛ bɔne mu he

Adiyisɛm 5:9

Bɛtoo nnwom foforɔ bi sɛ, “Wofata sɛ wofa nwoma he, na wote nsɔano he ano, efiri sɛ, bekuu wo, na bɛde wo mogyaa atɔ nnipa afiri abusua, kasa, mane ne nkurofoɔ ahodoɔ mu ama Nyankopɔn.

1 Yohane 3:16

Yei ne ma yehu sɛnea dɔ teɛ, sɛ ɔno de ne nkwa too hɔ maa yɛ. Ɔsɛ sɛ yɛ nso yɛde yɛ nkwa to hɔ ma yɛ nuanom.

1 Yohane 2:2

Na Kristo he ankasa ne yɛ yɛ bɔne ho mpatadeɛ, na ɔnyɛ yɛ bɔne nkoaa, na mmom wiase nyinaa bɔne nso.

1 Petro 3:18

Na Kristo nso huu bɔne ho amane prɛko; ɔno a ɔtene he wu maa abɔnefoɔ, na ɔde ho akɔ Nyankopɔn nkyɛne; ɔno na bekuu no honam mu nso, ɔnam Honhom he so sɔreeɛ,

Yakobo 4:4

Ei awaresɛefoɔ! Honnim sɛ wiase yi adamfofa yɛ tane a bɛ tane Nyankopɔn anaa? Biaa a ɔpɛ sɛ ɔyɛ wiase adamfo yɛ Nyankopɔn tamfoɔ.

Hebrifoɔ 6:5

na bɛaka Nyankopɔn asɛm he ho nnepa ahwɛ ne wiase a ɔɔba he mu tumi,

2 Tesalonikafoɔ 2:16

Nti afei yɛ Awurade Yesu Kristo he ankasa ne yɛ Agya Nyankopɔn a ɔdɔ yɛ na wama yɛ daa awerɛkyekyerɛ ne anidasoɔ pa adom mu he,

Yohane 12:31

Afei ne beebebu wiase atɛne; afei ne beebetu wiase sodifoɔ afiri hɔ.

Mateo 26:28

na yei ne me mogyaa a ɔyɛ apam he mogyaa a, nnipa bebree nti beehwie agu ama bɔne fakyɛ.

Hebrifoɔ 9:14

ɔbɛyɛ dɛ ne Kristo a ɔnam daa honhom so de ne ho bɔɔ afɔdeɛ, a ho nni dɛm maa Nyankopɔn he mogyaa ontumi nte ho ahonim ho mfiri nnwuma funu nyinaa mu ma ho nkɔsom Nyankopɔn a ɔte ase he?

Hebrifoɔ 2:5

Na ɔnyɛ abɔfoɔ ne Nyankopɔn de wiase a ɔɔba a yɛɛka ho asɛm he hyɛɛ bɛ ase.

1 Tesalonikafoɔ 3:11

Afei ɔno ankasa, yɛ Nyankopɔn ne yɛ Agya ne yɛ Awurade Yesu, nnane yɛ kwane mmara ho hɔ.

Efesofoɔ 6:12

efiri sɛ ɔnyɛ nnipa ne yɛ ne bɛ oodi asie, na mmom yɛ ne mpanyinnie, tumidie, wiase yi sum mu atumfoɔ, ahohommɔne a bɛya soro meamea ne oodi asie.

Efesofoɔ 1:11

Kristo heaa mu ne wayɔ yɛ adedifoɔ nso, sɛnea nnoɔma nyinaa ne ne pɛ agyinatuo teɛ, bɔɔ ne tim pɔ hyehyɛ too hɔ he,

Galatifoɔ 6:14

Menhoahoa me ho bibiaa ho ka yɛ Awurade Yesu Kristo asennua a ɔnam so abɔ wiase asennua mu ama me, na me nso bɛabɔ me asennua mu ama wiase.

Romafoɔ 8:32

Nea wamfa ɔno ankasa ne Ba ankame yɛ na ɔde no maa yɛ nyinaa he, ɔmmfa nnoɔma nyinaa nka ne (Ba he) ho mma yɛ kwa anaa?

Romafoɔ 8:3

Na Nyankopɔn ayɔ nea mmara he antumi anyɔ, ɔne sɛ ɔnam honam mmerɛyɛ nti ɔsomaa ɔnoaa ne Ba, honam subane mu maa no bɛyɛɛ nipa te sɛ yɛ nnipa adebɔneyɛfoɔ yi sɛ ɔne bɔne nni asie, na odii bɔne so nkunim honam mu,

Romafoɔ 1:7

Me Paulo ne meetwerɛ krataa yi de abra ho, Nyankopɔn adɔfoɔ, a hoya Roma nyinaa, ho a bɛafrɛ ho sɛ hommɛyɛ ahoteefoɔ he: Adom ne asomdwie a ofiri yɛ Agya Nyankopɔn ne Awurade Yesu Kristo nka ho.

Yohane 10:11

“Mene dwanhwɛfoɔ pa he. Dwanhwɛfoɔ pa he de ne nkwa to hɔ ma nnwane he.

Yohane 6:38

efiri sɛ mefiri soro ne aba sɛ hobɛyɔ nea ɔsomaa me he apɛdeɛ, na ɔnyɛ m’ankasa me deɛ.

Yohane 5:30

“M’ankasa mentumi mmɔ me tim nyɔ hwee. Nea mete heaa ne megyina so bu atɛne, na atɛne a mebu he tene, efiri sɛ menhwehwɛ nea m’ankasa mepɛ, na mmom nea ɔsomaa me he apɛdeɛ.

Luka 22:42

sɛ, “Agya, sɛ wopɛ a, yi kuruwa yi firi me so. Nso, ɔnyɛ me pɛ, na mmom ma wo pɛ ne nyɛ hɔ.”

Marko 10:45

na Nipa Ba he amma sɛ bɛnsom no, na mmom ɔbɛsomeeɛ, na ɔde ne nkwa ayɛ agyedeɛ ama nnipa bebree.”

Mateo 26:42

Na ofirii hɔ kɔɔ ne mprenu so na ɔkɔbɔɔ mpaeɛ sɛ, “M’Agya, sɛ yei ntumi ntwa me ho na otwa sɛ menom a, ma wopɛ nyɛ hɔ.”

Mateo 6:9

Nti hommɔ mpaeɛ sɛ: Yɛ Agya a woya soro, anidie nka wo dini,

Adiyisɛm 7:9

Yei akyi he, mehwɛeɛ, na mehuu nnipakuo a biaa ntumi nkane bɛ dodoɔ a befiri amane ne mmusuakuo ne nkurofoɔ ne kasa nyinaa mu a begyinagyina ahennwa he ne Adwamaa he anim a bɛhyehyɛ ntaadeɛ fitaa kitakita berɛɛ.

Romafoɔ 8:27

Na Nyankopɔn a, ɔhwehwɛ akoma mu pefee he, nim Honhom he adwene, efiri sɛ Honhom he di ma ahoteefoɔ he sɛnea Nyankopɔn pɛ.

Luka 22:19

Afei nso, ɔfaa paanoo daa ase, bubuu mu de maa bɛ kaa sɛ, “Yei ne me honam a bɛde bɛma, esiane ho nti. Honyɔ yei mfa nkae me.”

Mateo 13:22

Na deɛ beguu no nkasɛe mu he, ɔno ne nipa a ɔte asɛm he a, wiase adwendwene ne ahonyadeɛ nnaadaa mia asɛm he, na ne saa nti, ontumi nso aba biaa.

1 Korintofoɔ 15:3

Na me deɛ, deɛ ohia pa ara a me nsa kaeɛ a mede hyɛɛ ho nsa: ɔno ne sɛ yɛ bɔne nti ne Kristo wuiɛ, sɛdeɛ twerɛm he ka he

Efesofoɔ 5:16

honhwɛ ho mmerɛ so yie, efiri sɛ saa mmerɛ yi yɛ nna bɔne.

1 Tesalonikafoɔ 1:3

kae ho gyidie ne ho dɔ nnwuma ne ho anidasoɔ ho nsiyɛ a ɔya yɛ Awurade Yesu Kristo mu, ya yɛ Agya Nyankopɔn anim.