Galatifoɔ 1:10 - Apam Foforɔ

¹⁰ Na afei, nnipa ne mepɛ sɛ bɛgye me tom anaa Nyankopɔn? Anaa mepɛ sɛ mesɔ nnipa ani? Sɛ meda so hwehwɛ sɛ mɛsɔ nnipa ani a, hedeɛ, na menyɛ Kristo akoa.

Galatifoɔ 1:10 Referans Kwoze

1 Tesalonikafoɔ 2:4

na sɛdeɛ Nyankopɔn abu no sɛ yɛfata sɛ ɔde asɛmpa he hyɛ yɛ nsa he, saa ara nso ne yɛkasa, ɔnyɛ sɛ bɛ a bɛpɛ sɛ bɛsɔ nnipa ani, na mmom Nyankopɔn a ɔsɔ yɛ akoma hwɛ he ani.

Asomafoɔ 5:29

Petro ne asomafoɔ a bɛaka he buaa sɛ, “Ɔsɛ sɛ yetie Nyankopɔn mmom sene nnipa.

Efesofoɔ 6:6

nyɛ ani so som mu, te sɛ bɛ a bɛpɛ sɛ bɛsɔ nnipa ani, na mmom sɛ Kristo nkoa a hoayi ho yam ɔɔyɔ nea Nyankopɔn pɛ.

Yakobo 4:4

Ei awaresɛefoɔ! Honnim sɛ wiase yi adamfofa yɛ tane a bɛ tane Nyankopɔn anaa? Biaa a ɔpɛ sɛ ɔyɛ wiase adamfo yɛ Nyankopɔn tamfoɔ.

Mateo 22:16

Nti bɛsomaa bɛ asuafoɔ ne Herodefoɔ kɔɔ ne nkyɛne, kaa sɛ, “Kyerɛkyerɛfoɔ, yenim sɛ woyɛ nɔkwafoɔ, wonam nɔkorɛ so kyerɛkyerɛ Nyankopɔn kwane, na wonsuro nipa biaa, saa nso ne wonhwɛ nnipa anim.

Kolosefoɔ nwoma 3:22

Nkoa, honyɔ setie mma ho asaase so wuranom adeɛ nyinaa mu, ɔnyɛ anisoɔ som mu sɛ bɛ a bɛpɛ sɛ bɛsɔ nnipa ani, na mmom akoma pa mu a ɔkyerɛ sɛ hosuro Awurade.

Romafoɔ 2:29

na mmom, sɛ bi yɛ Yudani mapa a, ɔyɛ no ne mu, na twetiatwa ankasa yɛ akoma mu asɛm; ɔyɛ honhom mu adeɛ, na mmom ɔnyɛ honam mu adeɛ. Nea ɔyɛ Yudani mapa he, n’ayeyie firi Nyankopɔn hɔ, na mmom ommfiri nnipa hɔ.

1 Yohane 3:9

Biaa a ɔyɛ Nyankopɔn ba he ntena bɔne mu, efiri sɛ, Nyankopɔn su ya ne mu na ɔnam sɛ Nyankopɔn awo no nti, ontumi ntena bɔne mu.

2 Korintofoɔ 12:19

Saa berɛ yi nyinaa hosusu sɛ yeyi yɛ ho ano kyerɛ ho anaa? Nyankopɔn anim ne yɛkasa Kristo mu. Nea yɛyɛ biaa, adɔfoɔ, yɛyɛ ma ho nkɔsoɔ.

Romafoɔ 2:8

nso bɛ a bedi ntuturasɛm; na bɛpo nɔkorɛ na bɛfa kwane a ɔntene so he, bebenya abufuo ne asotwe.

Romafoɔ 1:1

Paulo, Yesu Kristo akoa a bɛafrɛ no sɛ ɔmmɛyɛ somafoɔ na bɛayi no asi hɔ ama Nyankopɔn asɛmpa he

1 Korintofoɔ 10:33

sɛdeɛ meyɔ sɛ mɛsɔ nnipa nyinaa ani nea meyɛ biaa mu he, ɔnyɛ me nkoaa me yieyɔ nti, na mmom, nnipa nyinaa deɛ nso, sɛdeɛ bebenya nkwa.

Mateo 28:14

Na sɛ Amrado he te yei a, yɛbɛkyerɛ no mu na ho ho anka adwaam.”

Asomafoɔ 12:20

Afei nso Herode ani beree Tirofoɔ ne Sidonfoɔ so. Nti bɛyɛɛ anokorɔ baa ne nkyɛne, na berɛ a bɛmaa Blasto a ɔhwɛ hene daberɛ so tee bɛ aseɛ he, befirii aseɛ srɛɛ hwehwɛɛ asomdwie, efiri sɛ na hene he asaase so na mane he nya bɛ aduane.

Mateo 6:24

“Akoa biaa ntumi nsom awuranom mmienu; efiri sɛ ɔbɛtane baako na wadɔ baako, anaa ɔde ne ho bɛbata baako na waabu baako animtia. Hontumi nsom Nyankopɔn ne ahonyadeɛ.”

Filipifoɔ nwoma 1:1

Paulo ne Timoteo, Kristo Yesu nkoa, twerɛ krataa yi de kɔma Kristo Yesu mu ahoteefoɔ a bɛya Filipi, ɔne ahwɛfoɔ ne asomfoɔ.