Efesofoɔ 3:15 - Apam Foforɔ

¹⁵ nea befiri ne mu frɛ abusua biaa a ɔya soro ne asaase so he.

Efesofoɔ 3:15 Referans Kwoze

Efesofoɔ 1:10

Yei ne nhyehyɛeɛ a ɔda hɔ sɛ berɛ pa mu he, ɔbɛka nnoɔma a ɔya soro ne nea ɔya asaase so nyinaa abom ne mu.

Efesofoɔ 1:21

boroo mpanyinnie ne tumidie ne ahoɔdene ne nommumfa nyinaa, ne dini biaa a bɛbɔ, nyɛ wiase yi mu nkoaa na mmom wiase a ɔbɛba he mu nso.

Adiyisɛm 3:12

Nea obedi nkunim he, mɛma no ayɛ me Nyankopɔn asɔredane he fapem titire, na ommfiri mu bio da. Mɛtwerɛ me Nyankopɔn dini ne me Nyankopɔn kuro dini a ɔyɛ Yerusalem foforɔ a obefiri soro me Nyankopɔn nkyɛne aba he agu ne ho. Bio, mɛtwerɛ me dini foforɔ agu ne ho.

Adiyisɛm 2:17

“Ma nea ɔwɔ aso he ntie nea Honhom he ka kyerɛ asafo ahodoɔ he. “Na nea odi nkunim he, mɛma no mana a ahinta he bi. Afei mɛma no boɔ fitaa a bɛatwerɛ dini foforɔ so a biaa nnim, gye nipa a bɛde bɛma no he nko.”

Kolosefoɔ nwoma 1:20

na Nyankopɔn nam Kristo so apata ɔno Nyankopɔn ne nnoɔma nyinaa ntam koraa. Ɔne sɛ, ɔnam Kristo asennua ho mogyaa so asiesie Nyankopɔn ne nnoɔma a ɔya asaase so ne soro nyinaa ntam; na ɔnam nkabom yi so ama asomdwie aba.

Asomafoɔ 11:26

na ohuu no he, ɔde no baa Antiokia. Nti ɔbaa sɛ afe mũ he nyinaa he, bɛne asafo he hyia, na bɛkyerɛkyerɛɛ nnipadɔm pii, na Antiokia ne bedii kane frɛɛ asuafoɔ he Akristofoɔ.

Efesofoɔ 3:14

Ne saa nti ne mebu nkotodwe Agya he anim,

Efesofoɔ 3:16

Mebɔ mpaeɛ sɛ, sɛnea n’ahonya animuonyam teɛ sɛ ɔbɛma ho mu nipadua a ahinta he ase atim tumi a ɔnam ne Honhom so he mu,