Adiyisɛm 1:10 - Apam Foforɔ

¹⁰ Awurade da he, na meya Honhom mu, na metee nne dendene bi ya m’akyi a ɔte sɛ totorobɛnto.

Adiyisɛm 1:10 Referans Kwoze

Adiyisɛm 21:10

Na ɔde me nam honhom mu kɔɔ bepɔ kɛseɛ tentene bi atifi. Ɔkyerɛɛ me Yerusalem, Kuro Kronkron a ofiri soro, Nyankopɔn hɔ ɔɔba fam,

Adiyisɛm 17:3

Honhom he faa me maa bɔfoɔ he de me kɔɔ serɛ so. Hɔ ne mehuu baa bi sɛ ɔte aboa kɔkɔɔ bi a abususɛm dini ahyɛ no mã so. Na aboa he wɔ ti nson ne mmɛne du.

Asomafoɔ 20:7

Da a odi nnanwɔtwe kane he, berɛ a na yɛahyiam oobubu paanoo he, Paulo firi aseɛ sɛ ɔne bɛ ɔɔkasa, efiri sɛ na waayɛ n’adwene sɛ adeɛ kye a obefiri hɔ. Nti ɔtoaa so kasaeɛ a kosii anadwo dasuom.

1 Korintofoɔ 16:2

Nnawɔtwe he mu da a odi kane biaa he, ho mu biaa nhwɛ deɛ wanya na onyi bibi nsie na ho mmoaboa ano, na amma sɛ berɛ a hobehu me hɔ he afei ne hoobɛgyegye ntoboa he.

Yohane 20:19

Na saa da he yɛ nnawɔtwe he da a odi kane. Na nwunu dwoeɛ he, ewom sɛ na Yudafoɔ ho hu nti asuafoɔ he atoto apono mu baabi a na bɛya he deɛ, nso Yesu ba begyinaa bɛ mfimfini, na ɔka kyerɛɛ bɛ sɛ, “Asomdwie nka ho!”

Mateo 22:43

Ɔka kyerɛɛ bɛ sɛ, “Saa deɛ a mmɛ nti ne Dawid nam Honhom he so frɛ no Awurade, berɛ a ɔkaa sɛ,

Yohane 20:26

Ne nnawɔtwe akyi he, na asuafoɔ he ya dane mu bio a na Toma nso ka ho. Ewom sɛ na bɛatoto apono he mu deɛ, nso Yesu ba begyinaa bɛ mfinfini, na ɔkaa sɛ, “Asomdwie nka ho!”

1 Korintofoɔ 12:3

Nti mepɛ sɛ hote aseɛ sɛ biaa a ɔnam Nyankopɔn honhom mu kasa he nka sɛ, “Yesu yɛ abusudeɛ,” na biaa ntumi nka sɛ “Yesu yɛ Awurade” gye sɛ ɔnam Honhom Kronkron so.