Asomafoɔ 24:16 - Apam Foforɔ

¹⁶ Nti berɛ nyinaa mehwɛ hu sɛ menyɔ bɔne biaa ntiaa Nyankopɔn ne nnipa.

Asomafoɔ 24:16 Referans Kwoze

Asomafoɔ 23:1

Paulo hwɛɛ Sanhedrin badwa he gyee kaa sɛ, “Anuanom, mede ahonim pa abɔ me bra Nyankopɔn anim abesi nnɛ da yi.”

1 Timoteo 1:5

Na afutusɛm he botae ne dɔ a ofiri akoma pa, ahonim pa ne nɔkorɛ gyidie mu ba.

2 Korintofoɔ 4:2

Yɛatwe yɛ ho afiri sum ase nnoɔma a ɔyɛ aniwuo he ho; yɛmma nnaadaa mma yɛ akwane mu; saa ara nso ne yɛmfra Nyankopɔn asɛm mu; na mmom yɛda nɔkorɛ he adi de di yɛ ho adanseɛ kyerɛ nnipa nyinaa ahonim ya Nyankopɔn anim.

Hebrifoɔ 10:22

homma yɛmfa akoma a mu yɛ fann a gyidie mu ahotɔsoɔ ahyɛ no ma, akoma a bɛapete ho ate ho afiri ahonim bɔne ho ne yɛ nipadua a bɛde nsuo a ho te adware he ntwe mmɛne no.

Romafoɔ 2:15

Bɛda no adi sɛ deɛ mmara he hyɛ sɛ bɛnyɔ he bɛatwerɛ no bɛ akomam, sɛnea bɛ ahonim nso di ho adanseɛ; na bɛ nsusuiɛ a ayɛ ntanta bɛtoto bɛ ano anaa obetwitwa agye bɛ

2 Korintofoɔ 1:12

Yei ne deɛ yɛde hoahoa yɛ ho a ahonim di ho adanseɛ, sɛ kronkronyɛ ne nɔkorɛdie a ofiri Nyankopɔn mu, a ɔnyɛ nipa nyansa, na mmom Nyankopɔn adom, na yɛde abɔ yɛ bra wiase, ne titire he kwane a yɛfaa so ne ho diiɛ he mu.

1 Petro 3:21

Ɔno na afei ne nsɛso a ɔno ne asubɔ he, gye ho nso nkwa, a ɔnyɛ honam ho fi yi mu, na mmom ɔyɛ ahonim pa ho adebisa a Yesu Kristo wusɔreɛ nti yɛnam so yɛ Nyankopɔn deɛ.

Tito 1:15

Nipa ɔtene he nnoɔma nyinaa ho te ma no, nso deɛ ɔntene na ɔnnye nni he deɛ, bibiaa ho nte mma no na mmom n’adwene ne n’ahonim nyinaa ho agu fi.

1 Korintofoɔ 4:4

na mennim bibiaa a otia me, nso ɔno mma menni bem. Ɔyɛ Awurade ne bu me atɛne.

1 Petro 3:16

dwoɔ ne anidie kwane so. Honkura ahonim pa mu na bɛ a bɛka ho Kristo mu abrabɔ pa ho nsɛmmɔne he ani awu asɛm a bɛka tia ho he ho.

1 Petro 2:19

Nipa a ɔsɔ Nyankopɔn ani ne dea ɔnam Nyankopɔn ho ahonim nti, ɔde awerɛhoɔ hu amane a nka ɔnsɛ sɛ ohu, na ne nyina mu he, ogyina pintinn.

Hebrifoɔ 13:18

Hommɔ mpaeɛ ma yɛ; efiri sɛ yɛwɔ ahotɔsoɔ sɛ yɛwɔ ahonim a ho te, yɛasiesie yɛ ho sɛ yebedi nɔkorɛ nnoɔma nyinaa mu.

Hebrifoɔ 9:14

ɔbɛyɛ dɛ ne Kristo a ɔnam daa honhom so de ne ho bɔɔ afɔdeɛ, a ho nni dɛm maa Nyankopɔn he mogyaa ontumi nte ho ahonim ho mfiri nnwuma funu nyinaa mu ma ho nkɔsom Nyankopɔn a ɔte ase he?

2 Timoteo 1:3

Meda Nyankopɔn a mede ahonim pa som no sɛdeɛ me nananom someeɛ he ase, berɛ a mekae wo me mpaebɔ mu, anadwo ne awia.

1 Tesalonikafoɔ 2:10

Hoyɛ adansefoɔ, na ne Nyankopɔn nso di adanseɛ sɛ, yɛyɛɛ yɛ ho kronkron ne ateneneefoɔ ne nnipa a bɛ ho nni asɛm maa ho agyidifoɔ.

1 Timoteo 3:9

na mmom ɔsɛ sɛ bɛde ahonim pa kura gyidie he ho ahintasɛm he mu dene.

1 Timoteo 1:19

berɛ a wokura gyidie ne ahonim pa a binom apia ato nkyɛne nti, nnipa binom ahwe ase gyidie mu he;

Romafoɔ 9:1

Meeka Kristo mu nɔkorɛ, meenni torɔ; Honhom Kronkron nam m’ahonim so di adanseɛ.

1 Korintofoɔ 10:32

Honnyɔ deɛ ɔbɛto Yudafoɔ anaa Helafoɔ anaa Nyankopɔn asafo he sintidua,