Asomafoɔ 21:8 - Apam Foforɔ

⁸ Adeɛ kyeeɛ he, yefirii hɔ kɔɔ Kaesarea; na yɛkɔɔ asɛmpakani Filipo a na ɔyɛ nnipa nson a asomafoɔ he de akunafoɔ aduanema ho dwumadie hyɛɛ bɛ nsa he mu baako fie, na yɛtenaa ne nkyɛne.

Asomafoɔ 21:8 Referans Kwoze

Asomafoɔ 6:5

Nea bɛkaeɛ he sɔɔ nnipakuo he nyinaa ani, na beyii Stefano a gyidie ne Honhom Kronkron ahyɛ no mma, ne Filipo, Prokoro, Nikanor, Timon, Parmena ne Nikolao a ofiri Antiokia a wasakra abɛyɛ Yudani he.

Efesofoɔ 4:11

Akyɛdeɛ a ɔde maa yɛ he bi ne sɛ waama binom ayɛ asomafoɔ, binom nkɔmhyɛfoɔ, binom asɛmpakafoɔ, binom ahwɛfoɔ ne akyerɛkyerɛfoɔ,

2 Timoteo 4:5

Na wo deɛ ma w’ani nna hɔ berɛ biaa, mia w’ani hu amane, yɔ sɛmpakafoɔ adwuma, yɛ wo som adwuma nyinaa.

Asomafoɔ 28:16

Afei berɛ a yɛkɔɔ Roma he, bɛmaa Paulo kwane maa ɔno nkoaa kɔtenaeɛ, na na sraani a ɔwɛne no ka ne ho.

Asomafoɔ 16:13

Homeda duruiɛ he, yepie faa kuro he pono ho kɔɔ asubɔntene bi ho, baabi a na yesusu sɛ yebenya baabi a bɛbɔ mpaeɛ. Na yɛtenaa ase kasa kyerɛɛ mmaa a na bɛahyiam hɔ he.

Asomafoɔ 16:10

Na onyaa anisoadehunu heaa pɛ ne yesiim sɛ yɛɛkɔ Makedonia efiri sɛ yehuu sɛ Nyankopɔn ne wafrɛ yɛ sɛ yɛnkɔka asɛmpa he nkyerɛ bɛ.

Asomafoɔ 9:30

Berɛ a agyidifoɔ he huu yei he, bɛde no baa Kaesarea; na bɛmaa no kɔɔ Tarso.

Asomafoɔ 28:11

Abosome mmeɛnsa akyi he, yɛforoo hyɛne bi a ofiri Aleksandria a obedii awɔberɛ supɔ he so a n’agyinahyɛdeɛ ne “Po so Abosom Ntaafoɔ”.

Asomafoɔ 27:1

Na afei besii gyinaeɛ wieeɛ sɛ yɛnkɔ Italia he, bɛde Paulo ne nneduafoɔ bi hyɛɛ panyini bi a ne dini de Yulio a ofiri Roma Tumfoɔ asraafoɔ kuo he mu nsa.

Asomafoɔ 23:23

Afei ɔfrɛɛ asraafoɔ ha so mpanyimfoɔ he mu mmienu bi kaa sɛ, “Honsiesie asraafoɔ ahaanu, apɔnkɔsotefoɔ aduɔson, ne peakurafoɔ ahanu, anadwo nnɔnkron berɛ mu nkɔ Kaesarea.

Asomafoɔ 20:13

Afei yedii kane kɔtenaa hyɛne mu kɔɔ Aso, baabi a na yɛayɔ adwene sɛ yɛbɛfa Paulo he, efiri sɛ berɛ a ɔka kyerɛɛ yɛ sɛ yɛnyɔ saa he, ɔno ankasa yɔɔ adwene sɛ ɔbɛnante akɔ.

Asomafoɔ 20:6

Na Paanoo a Mmɔreka nnim Afahyɛ he akyi he, yɛtenaa hyɛne mu firii Filipi, na nnanum ntam he, yɛkɔtoo bɛ Troa. Na yedii nnanson hɔ.

Asomafoɔ 18:22

Na oduruu Kaesarea he, ɔkɔɔ Yerusalem kɔkyeaa asafo he. Na afei ɔkɔɔ Antiokia.

Asomafoɔ 16:16

Na dakoro bi, ɔbaa sɛ yɛɛkɔ baabi a bɛbɔ mpaeɛ he, yehyiaa afenaa bi a ɔwɔ akɔm honhom. Na ɔka daakye nsɛm ma ne wuranom nya ne so mfasoɔ pii.

Asomafoɔ 10:1

Na beema bi ya Kaesarea a bɛfrɛ no Konelio, a ɔyɛ Italia asrafodɔm ha so panyini.

Asomafoɔ 21:16

Asuafoɔ a bɛya Kaesarea nso ne yɛ kɔeɛ de yɛ koduruu Kiproni Minason a na ɔyɛ asuafoɔ adikanfoɔ he mu bi fie. Na yɛ ne no tenaeɛ.