Asomafoɔ 16:6 - Apam Foforɔ

⁶ Afei bɛkɔfaa Frigia ne Galatia mpɔtamu efiri sɛ Honhom Kronkron he braa bɛ sɛ bɛnnka asɛm he Asia.

Asomafoɔ 16:6 Referans Kwoze

Asomafoɔ 18:23

Berɛ a ɔtenaa hɔ kakra he, ofirii hɔ tutuu akwane faa Galatia ne Frigia nsaase so hyehyɛɛ asuafoɔ he nyinaa dene.

Galatifoɔ 1:2

ne anuanom a bɛka me ho nyinaa, twerɛ krataa yi de kɔma asafo ahodoɔ a bɛya Galatia.

Asomafoɔ 16:7

Na berɛ a beduruu Misia he, bɛyɛɛ bɛ adwene sɛ bɛbɛkɔ Bitinia, nso Honhom Kronkron ama bɛ kwane.

Asomafoɔ 11:12

Nti Honhom he ka kyerɛɛ me sɛ me ne bɛ nkɔ, menntwentwɛne me nane ase koraa. Na anuanom nsia yi nso ne me kɔeɛ, na yɛhyɛne beema he fie.

1 Petro 1:1

Me Petro, Yesu Kristo somafoɔ, twerɛ saa krataa yi de kɔma Nyankopɔn nnipa a bɛayi bɛ a bɛahwete sɛ ahɔhoɔ kɔ Ponto, Galatia, Kapadokia, Asia ne Bitinia amantam mu he.

2 Timoteo 4:10

Na Dema deɛ, ɔdɔ nnɛ wiase nti, waagya me hɔ kɔ Tesalonika; Kreske kɔ Galatia, Tito nso kɔ Dalmatia.

Galatifoɔ 3:1

O, Galatifoɔ a hoyɛ adwenharefoɔ! Hwane ne adaadaa ho saa. Ho ampa ara a bɛde Yesu Kristo a bɛbɔɔ no asennuam agyina ho anim akyerɛ pefee paa di!

Asomafoɔ 19:10

Yei toa so mfie mmienu, na bɛ a bɛte Asia mpɔtamu nyinaa, Yudafoɔ ne Helafoɔ nyinaa, tee Awurade asɛm.

Adiyisɛm 1:11

Ɔkaa sɛ, “Twerɛ bibiaa a wohu gu nwoma mu, na fa nwoma he kɔma asafo ahodoɔ nson yi: Deɛ ɔya Efeso, Smirna, Pergamo, Tiatira, Sardi, Filadelfia ne Laodikea.”

Adiyisɛm 1:4

Nsɛm a Yohane de kɔmaa asafo ahodoɔ nson a na bɛya Asia he di: Adom mmra ho so. Afei nso, asomdwie a ofiri nea ɔya hɔ, seesei, na ɔya hɔ firi tetentredee, na ɔya hɔ daa he, ne ahonhom nson a ɔya n’ahennwa anim,

Hebrifoɔ 11:8

Gyidie nti ne bɛfrɛɛ Abraham sɛ ontu nkɔ baabi a daakye bɛde bɛ ma no sɛ n’agyapadeɛ he, ɔyɔɔ setie kɔeɛ berɛ a na onnim baabi a na ɔɔkɔ he.

2 Timoteo 1:15

Wonim sɛ bɛ a bɛya Asia nyinaa adane afiri me nkyɛne, bɛ mu bi ne Figelo ne Hermogene.

2 Korintofoɔ 1:8

Anuanom, yɛmpɛ sɛ yɛde ahohia a ɔbaa yɛ so Asia he sie ho; ahohiahia he mu yɛɛ dene paa maa afei deɛ, yesuroo sɛ yɛ nkwa mpo befiri yɛ nsa.

1 Korintofoɔ 16:1

Na afei ɔfa toɔ a bɛgye ma ahoteefoɔ he ho deɛ, honni nhyehyɛeɛ a mede maa Galatia asafo ahodoɔ he.

1 Korintofoɔ 12:11

Na yeinom nyinaa Honhom korɔ he a ne yɔ, na ɔkyekyɛ ma biaa sɛdeɛ ɔpɛ.

Asomafoɔ 20:28

Honhwɛ ho ho so yie, na honhwɛ nnipa a Honhom Kronkron he de ho ayɛ bɛ so nhwɛsofoɔ he, na honhwɛ Nyankopɔn asafo a ɔde ɔnoaa ne Ba mogyaa atɔ he so.

Asomafoɔ 20:16

efiri sɛ na Paulo asi gyinaeɛ sɛ onnyina Efeso, sɛnea ɔbɛyɛ a ɔnseɛ berɛ Asia mpɔtamu, efiri sɛ na ne ho pere no sɛ, nka obetumi, akoduru Yerusalem da a bedi Pentekoste afahyɛ he.

Asomafoɔ 20:4

Na bɛ a bɛka ne ho ne Beroiani Piro ba Sopater, Aristako ne Sekundo a bɛyɛ Tesalonikafoɔ, Derbeni Gaio, Timoteo, Asiafoɔ Tihiko ne Trofimo.

Asomafoɔ 10:19

Berɛ a Petro gu so ɔɔdwennwene anisoadehunu he ho he, Honhom he kaa sɛ, “Hwɛ, nnipa mmeɛnsa bi ɔɔhwehwɛ wo.

Luka 1:2

sɛnea bɛ a befiri mfitiaseɛ de bɛ ani huiɛ na bɛyɛɛ asɛm he ho asomfoɔ he de abra yɛ he nti,

Asomafoɔ 6:9

Nso nnipa bi a befiri nea bɛfrɛɛ no Ahofadiefoɔ Hyiadane he mu ne Kirenefoɔ ne Aleksandriafoɔ ne bɛ a befiri Kilikia ne Asia, sɔree sɛ bɛne Stefano oobedi anobaabaeɛ.

Asomafoɔ 8:29

Nti Honhom he ka kyerɛɛ Filipo sɛ, “Twe bɛne teaseɛnam yi.”

Asomafoɔ 21:27

Afei berɛ a nnanson a bɛayi asi hɔ ama ahodwira he ɔɔba awieeɛ he, na Yudafoɔ a befiri Asia huu no asɔrefie hɔ he, befirii aseɛ maa nnipa he yɛɛ gyegyeegye na bɛsosɔɔ ne mu

Romafoɔ 16:5

Honkyea asafo a ɔya bɛ fie he nso. Honkyea me dɔfo Epaineto, a ɔyɛ Kristo mu abakane ya Asia he.

1 Korintofoɔ 16:19

Asafo a ɔya Asia he kyeakyea ho. Akwila ne Priska, ne asafo a ɔya bɛ fie he kyea ho bebree, Awurade mu.