2 Tesalonikafoɔ 3:15 - Apam Foforɔ

¹⁵ Nso hommmu saa nipa he sɛ ho tamfoɔ, na mmom honkasa nkyerɛ no sɛ nua.

2 Tesalonikafoɔ 3:15 Referans Kwoze

Tito 3:10

Nipa a ɔde mpaepaemu ba a woakasa akyerɛ no baako ne ne mprenu so, na wantie he, wo ne no nya twaka biaa,

1 Tesalonikafoɔ 5:14

Nti anuanom yɛhyɛ ho nkurane sɛ, honkasa nkyerɛ bɛ a bɛnante basabasa, honhyɛ bɛ a bɛ akoma abubu nkurane, ho mmoa bɛ a bɛayɛ mmerɛ, honya abotrɛ mma bɛ nyinaa.

1 Korintofoɔ 5:5

ɔsɛ sɛ hode saa nipa he hyɛ Satan nsa na ama ne honam he sɛe, na ne kra anya nkwa Awurade da he.

1 Korintofoɔ 4:14

Mentwerɛ yei mfa nhyɛ ho aniwuo, na mmom mede ootu ho fo sɛ adɔfoɔ.

Galatifoɔ 6:1

Anuanom, sɛ hohu sɛ bi afom a, ho a hoyɛ honhom mufoɔ he mfa akoma a ɔdwo mfa saa nipa he nsi yie. Honhwɛ ho ho yie sɛ ho nso bɛnnsɔ ho nhwɛ.

Mateo 18:15

“Sɛ wo nua fom wo a, kɔ na kɔka ne mfomsoɔ kyerɛ no, berɛ a ho mmienu nkoaa hoahyia. Sɛ otie wo a, woanya wo nua.

2 Korintofoɔ 13:10

Yei nti ne menni ho nkyɛne he, meetwerɛ yei abra ho, na sɛ meba a, me ne ho anni no dendene, sɛnea tumi a Awurade de ama me sɛ memfa nhyɛ dene na memmfa nsɛe he teɛ.

2 Korintofoɔ 10:8

Na afei sɛ me hoahoa me ho boro so kakra ya tumidie a Awurade de ama yɛ sɛ yɛmfa nhyɛ ho dene, na ɔnyɛ sɛ yɛde bebu ho aba mu he ho mpo a, m’ani nwu.

2 Tesalonikafoɔ 3:6

Afei anuanom, yɛhyɛ ho Awurade Yesu Kristo dini mu sɛ, hontwe ho ho mfiri nipa biaa a ɔnam basabasa, na onni nkyerɛkyerɛ a honyaa no yɛ nkyɛne he so.

2 Tesalonikafoɔ 3:13

Anuanom, hommerɛ papayɔ ho.