1 Tesalonikafoɔ 5:6 - Apam Foforɔ

⁶ Saa nti hommma yɛnneda sɛ binom, na mmom homma yɛnnwɛne na yɛ ani nna hɔ;

1 Tesalonikafoɔ 5:6 Referans Kwoze

1 Petro 1:13

Nti honsi ho adwene pi, na homma ho ani nna hɔ. Honnyina yie, na homma ho ani nna adom a bɛde bɛma ho Yesu Kristo ba a ɔbɛba he mu he so.

Mateo 24:42

Saa nti ho nkɔ so nwɛne, efiri sɛ honnim da korɔ a ho Wura bɛba.

Luka 22:46

Na ɔka kyerɛɛ bɛ sɛ, “Ɛɛne nti ne hoadeda yi? Honsɔre na hommɔ mpaeɛ, na hoankɔ nsɔhwɛ mu.”

1 Petro 5:8

Homma ho ani nna hɔ, na honwɛne, efiri sɛ, ho tamfoɔ bronsam he nam sɛ gyata a ɔɔbobom hwehwɛ nea obenya no amene.

Adiyisɛm 16:15

(“Hontie! Hwɛ, meeba te sɛ korɔmfoɔ. Nhyira ne nea ɔwɛne na ɔhwɛ ne ntaadeɛ so sɛnea ɔɔnnante adagya, ngu ne ho anim ase badwam!”)

Tito 2:12

na ɔkyerɛkyerɛ yɛ sɛ yɛmpo fi nnoɔma nyinaa ne wiase akɔnnɔ, na yɛmfa adwenemteɛ, ahoteɛ ne nyamesom pa mmɔ yɛ bra saa mmerɛ yi mu,

Efesofoɔ 5:14

Nti ne Twerɛ he ka sɛ, “Wo a wada, nyane! Sɔre firi awufoɔ mu, na Kristo bɛhyerɛn ama wo.”

Adiyisɛm 3:2

Nti nyane na kanyane nea aka wo nkyɛne he na anwu koraa, na menhuu wo nnwuma sɛ ɔyɛ pɛ me Nyankopɔn anim.

1 Petro 4:7

Nnoɔma nyinaa awieeɛ abɛne. Saa nti homma ho adwene mu nna hɔ, na ho ani nna hɔ mma mpaeɛ.

1 Korintofoɔ 16:13

Honwɛne, honyina pintinn ho gyidie mu, honya akokoɔduro, honyɛ dene.

1 Timoteo 2:9

afei nso, mmaa mfa ntaadeɛ a ɔsɛ nsiesie bɛ ho anidahɔ ne kwane pa so, ɔnyɛ tire a bɛayɔ no kyɛnkyerɛnn a ne boɔ ɔdene anaa sika, ahweneɛ anaa ntaadeɛ a ne boɔ ɔdene mu,

Tito 2:6

Saa ara ne tu mmeranteɛ nso fo sɛ, bɛnhyɛ bɛ ho so.

1 Timoteo 3:2

Ɔsɛ sɛ asafo so hwɛfoɔ yɛ bi a onni dimmɔne biaa, ne yerɛ baako, n’ani da hɔ, ɔyɛ nyansafoɔ, ɔyɛ bi a biaa ma anidie, ɔpɛ ahɔhoyɛ, onim nkyerɛkyerɛ,

Kolosefoɔ nwoma 4:2

Honkura mpaebɔ mu, na homfa aseda nwɛne mpaebɔ mu.

Efesofoɔ 6:18

Homfa mpaebɔ ne nkotosrɛ nyinaa mmɔ mpaeɛ mmerɛ nyinaa Honhom mu. Afei nso, homma ho ani nna hɔ na honkɔ so nsrɛ mma ahoteefoɔ nyinaa.

Luka 21:36

Nti, honwɛne, na honsrɛ berɛ nyinaa na hoatumi agyina nnoɔma a otwa sɛ osisi yi nyinaa ano, na hoatumi agyina Nipa Ba he anim akokoɔduro so.”

Luka 12:39

Nso honhu yei sɛ, sɛ fiewura nim dɔno korɔ a korɔmfoɔ bɛba a, nka wamma no ammetu ne dane ase ammewura mu.

Mateo 25:13

Saa nti honwɛne, efiri sɛ honnim da anaa dɔnhwere korɔ he a (Nipa Ba he bɛba.)

Mateo 25:5

Ɔkyɛreɛ a ayefokunu he mmaeɛ he, bɛ nyinaa bɛ ani kumiiɛ na bɛdedaeɛ.

Mateo 13:25

na berɛ a nnipa daeɛ he, tamfoɔ bi ba beguu wuraa fraa ayuo he mu, na ɔkɔeɛ.

2 Timoteo 4:5

Na wo deɛ ma w’ani nna hɔ berɛ biaa, mia w’ani hu amane, yɔ sɛmpakafoɔ adwuma, yɛ wo som adwuma nyinaa.

1 Timoteo 3:11

Saa ara nso ne ɔsɛ sɛ mmaa nso anim nyɛ duru, bɛnyɛ nsekuro, na mmom anidahɔ, bɛnyɛ nɔkwafoɔ adeɛ nyinaa mu.

1 Tesalonikafoɔ 5:8

Na esiane sɛ yɛyɛ adekyeɛ mma he nti, homma yɛ ani nna hɔ, na yɛnhyɛ gyidie ne dɔ sɛ nkataboɔ, ɔne nkwagyeɛ anidasoɔ sɛ dadeɛ kyɛ;

Filipifoɔ nwoma 4:5

Homma nnipa nyinaa nhu ho dwoɔ. Awurade abɛne.

1 Korintofoɔ 15:34

Homma ho ani nna hɔ, na honnyɔ bɔne; na binom nnim Nyankopɔn. Meka yei de hyɛ ho aniwuo.

Asomafoɔ 20:31

Nti honwɛne na honkae sɛ mfie mmeɛnsa di, awia ne anadwo, mannyae sɛ mede nisuo betu ho mu biaa fo.

Luka 12:37

Nhyira ne nkoa a bɛ wura he bɛba abehu bɛ sɛ begu so ɔɔwɛne! Nɔkorɛ, meeka akyerɛ ho sɛ, ɔbɛbɔ n’abɔsoɔ, na wama bɛatenatena didipono ho na waba abɛsom bɛ.

Marko 13:37

Na deɛ meeka akyerɛ ho he, meeka akyerɛ biaa: Homma ho ani nna hɔ.”

Mateo 26:38

Na ɔka kyerɛ bɛ sɛ, “Awerɛhoɔ ahyɛ me kra so de ɔɔkɔ wuo mu; hontwɛne ha na ho ne me nwɛne.”

1 Timoteo 2:15

Nso sɛ baa he tena gyidie ne dɔ ne ahoteɛ ne adwenemteɛ mu a, bɛbɛgye no nkwa n’abawoɔ mu.

Efesofoɔ 2:3

Saa ara ne mmerɛ bi a atwam he yɛ nyinaa nso yɛbɔɔ yɛ bra sɛnea yɛ honam akɔnnɔ teɛ, yedii honam ne n’akɔnnɔ akyi, na yɛbɛyɛɛ abufuo mma, yɛ awosuo mu, sɛnea nnipa a aka nyinaa teɛ.

1 Tesalonikafoɔ 4:13

Na anuanom, nea ɔfa bɛ a bɛawuwu he ho deɛ, yɛmpɛ sɛ yesi ho so na ho werɛ anho sɛ, nnipa a bɛaka a benni anidasoɔ he.

1 Tesalonikafoɔ 5:10

Ɔno Kristo ne wu maa yɛ sɛ ɔbɛyɔ a sɛ yɛte ase oo, sɛ yewu oo, yɛne no bɛtena ase.