1 Tesalonikafoɔ 5:21 - Apam Foforɔ

²¹ honsɔ bibiaa nhwɛ, na honsɔ deɛ ɔyɛ he mu yie;

1 Tesalonikafoɔ 5:21 Referans Kwoze

1 Yohane 4:1

Adɔfo, honnye ahonhom nyinaa nnni, na mmom honsɔ ahonhom he nhwɛ sɛ befiri Nyankopɔn anaa; efiri sɛ, atorɔ adiyifoɔ bebree aba wiase.

Romafoɔ 12:2

Na homfa wiase nhyehyɛeɛ yi so, na mmom honsakra ho adwene na honyɛ foforɔ, na hoasɛ ahwɛ ahu nea Nyankopɔn pɛ a ɔyɛ na ɔsɔ ani na odi mu.

Efesofoɔ 5:10

Hommɔ mmɔdene nhwehwɛ nea ɔsɔ Awurade ani.

Asomafoɔ 17:11

Na yeinom gyee asɛm he sene bɛ a bɛya Tesalonika he, efiri sɛ bɛde bɛ adwene nyinaa gyee asɛm he, na da biaa na bɛhwehwɛ twerɛsɛm he mu yie hwɛ sɛ nsɛm he te saa anaa.

Luka 12:57

“Afei, ɛɛne nti ne ho ankasa honntumi nhu nea ɔfata sɛ hoyɔ?

Filipifoɔ nwoma 4:8

Adɔfonom, deɛ otwa toɔ koraa ne sɛ, deɛ ɔyɛ nɔkorɛ, deɛ anidie ya mu, deɛ ɔtene, deɛ ho te, deɛ ɔsɔ ani, deɛ ɔwɔ dini pa, sɛ bra pa bi ya hɔ a, sɛ bibi fata ayeyie a, honnwene yeinom ho.

Romafoɔ 12:9

Hommma nyaatwom mfra dɔ mu; hontane nea ɔyɛ bɔne, honkura nea ɔyɛ papa mu;

Adiyisɛm 3:3

Kae nea wonyaeɛ na woteeɛ he, di so na sakra w’adwene firi wo bɔne ho. Sɛ woanwɛne a, mɛba wo so te sɛ korɔmfoɔ, na wonhu dɔnhwere korɔ a mɛba wo nkyɛne.

Filipifoɔ nwoma 3:16

Deɛ ohia ne sɛ yebekura deɛ yɛanya he mu dene.

1 Korintofoɔ 15:58

Nti anuanom adɔfoɔ, hontintim, honnhinhim, honkɔ so Awurade adwuma mu daa, efiri sɛ, honim sɛ, ho brɛ ɔnyɛ kwa Awurade mu.

Filipifoɔ nwoma 1:10

na hoapɛɛpɛɛ mu ahu deɛ ɔyɛ paa, na ho ho ate a nkekaeɛ biaa nni ho ho de akosi Kristo da he,

Yohane 8:31

Na afei Yesu ka kyerɛɛ Yudafoɔ a bɛagye adi he sɛ, “Sɛ hotena m’asɛm mu a, hoyɛ m’asuafoɔ ampa;

Adiyisɛm 2:25

Na honsɔ nea howɔ he mu dene nkosi sɛ mɛba.

Hebrifoɔ 10:23

Homma yɛnhimhim na mmom yenkura yɛ anidasoɔ asɛm a yɛka he mu dene, efiri sɛ deɛ waahyɛ bɔ he yɛ nɔkwafoɔ.

2 Tesalonikafoɔ 2:15

Nti afei anuanom, honnyina pintinn, na honkura nkyerɛkyerɛ a yɛde gyaa o he mu, sɛ ɔnam yɛ anom asɛm anaa yɛ krataa bi so he.

Asomafoɔ 14:22

Hɔ ne bɛhyɛɛ akra he dene na bɛhyɛɛ bɛ nkuranee sɛ bɛntoa gyidie he so. Na afei bɛkaa sɛ, “ɔsɛ sɛ yɛfa taa pii mu na yɛakɔ Nyankopɔn ahennie he mu.”

Yohane 15:4

Hontena me mu na me nso mentena ho mu. Sɛnea mmane bi ankasa ntumi nso aba gye sɛ ɔtena bobe he mu he, saa nso ne hontumi nso aba gye sɛ hotena me mu.

Adiyisɛm 3:11

Ɔnkyɛre biaa mɛba. Sɔ nea wowɔ he mu dene, na bi annye wo nkunim abotire he.

Adiyisɛm 2:2

“Menim wo nnwuma. Menim nsiyɛ a wode ayɔ adwuma ne boasetɔ a wowɔ. Menim sɛ wonnye nnebɔnyɛfoɔ, na afei woasɔ bɛ a bɛfrɛ bɛ ho asomafoɔ nso bɛnyɛ bi he ahwɛ, na woahu sɛ bɛyɛ atorɔfoɔ.

2 Timoteo 4:14

Aleksandro, kɔɔbere dwumfoɔ he, yɛɛ me bɔne bebree. Awurade betua no ka sɛnea ne nwuma teɛ.

2 Timoteo 1:15

Wonim sɛ bɛ a bɛya Asia nyinaa adane afiri me nkyɛne, bɛ mu bi ne Figelo ne Hermogene.

1 Korintofoɔ 2:11

Na hwane ne nim deɛ ɔya nipa mu ka nnipa honhom a ɔya ne mu he ho? Saa nso ne bi ntumi nte Nyankopɔn ase gye sɛ Nyankopɔn Honhom heaa.

Asomafoɔ 11:23

Berɛ a oduruu hɔ na ohuu Nyankopɔn adom he, odii ahurusie na ofiri aseɛ hyɛɛ bɛ nyinaa nkurane sɛ bɛnkɔ so mfa akoma a onhinhim ntena Awurade mu daa.

2 Timoteo 3:6

Na yeinom mu bi ne bɛ a bɛkɔ afie mu na bɛfa mmaa adwenemharefoɔ na bɔne ahyɛ bɛ ma, na akɔnnɔ ahodoɔ afa bɛ nommum,

Galatifoɔ 6:10

Ne saa nti, akwannya biaa a yebenya he, homma yɛnyɔ nnipa nyinaa papa, ne titire bɛ a bɛka agyidifoɔ abusua ho he.

1 Tesalonikafoɔ 5:15

Honhwɛ sɛ ho mu biaa ɔmfa bɔne ntua bɔne ka, na honhwɛ sɛ hobɛhwɛ afoforɔ yiedie berɛ biaa.

1 Tesalonikafoɔ 5:22

hontwe ho ho mfiri nnoɔma bɔne biaa ho.