1 Tesalonikafoɔ 5:15 - Apam Foforɔ

¹⁵ Honhwɛ sɛ ho mu biaa ɔmfa bɔne ntua bɔne ka, na honhwɛ sɛ hobɛhwɛ afoforɔ yiedie berɛ biaa.

1 Tesalonikafoɔ 5:15 Referans Kwoze

1 Petro 3:9

Hommfa bɔne ntua bɔne so ka, na hommfa yea nso ntua yea so ka. Na mmom daa, honhyirahyira, efiri sɛ, ɔno ne bɛma ho anya nhyira.

Galatifoɔ 6:10

Ne saa nti, akwannya biaa a yebenya he, homma yɛnyɔ nnipa nyinaa papa, ne titire bɛ a bɛka agyidifoɔ abusua ho he.

3 Yohane 1:11

Me dɔfo, nhwɛ bɔne nsua, na mmom hwɛ papa sua. Biaa a ɔyɛ papa he yɛ Nyankopɔn deɛ. Na biaa a ɔyɛ bɔne he nso nhuu Nyankopɔn.

Hebrifoɔ 12:14

Honhwehwɛ asomdwie ho ne nnipa nyinaa ntam, ɔne kronkronyɛ a deɛ ɔkwati biaa ntumi nhu Awurade he.

1 Petro 1:22

Afei a hoayɔ setie ama nɔkorɛ he de adwira ho kra ho ama hoanya nuadɔ a nyaatwom nni mu he, homfiri ho akoma nyinaa mu nnodɔ ho ho.

2 Timoteo 2:24

Na ɔnsɛ Awurade akoa bi sɛ ɔyɛ ntɔkwapɛfoɔ, na mmom, ɔsɛ sɛ ɔdwo ma nnipa nyinaa, ohu nkyerɛkyerɛ, ɔhyɛ ne ho so bɔne ho,

1 Timoteo 6:11

Na wo, Nyankopɔn nnipa deɛ, po yeinom nyinaa; hwehwɛ tenenee, nyamesom-pa, gyidie, dɔ, yokoduru ne dwoɔ akyi kwane.

Tito 3:2

bɛnnka biaa ho asɛmmɔne, bɛnnyɛ ntɔkwapɛfoɔ, ɔsɛ sɛ bɛ dwo na bɛde anidie ma nnipa biaa,

1 Tesalonikafoɔ 2:12

sɛ honnante sɛnea ɔsɛ Nyankopɔn a wafrɛ ho akɔ n’ahenie ne n’animuonyam mu he.

Efesofoɔ 5:15

Honhwɛ sɛnea hobɛbɔ ho bra, honnnyɔ sɛ bɛ a bennim nyansa, na mmom honnyɔ sɛ anyansafoɔ,

1 Korintofoɔ 14:1

Honhwehwɛ dɔ akyi kwane na hommɔ honhom akyɛdeɛ ho mmɔdene, na ne titire honhwehwɛ sɛ hobetumi ahyɛ nkɔm.

1 Korintofoɔ 6:7

Nɔkorɛ, mfomsoɔ anya aba ho mu sɛ, hone ho ho wɔ nsɛm. Mmɛ nti ne homma bɛnyɔ bɔne ntia ho mmom? Ɛɛne nti ne homma bensisi ho mmom?

Romafoɔ 14:19

Nti homma yenni asomdwie ɔne nnoɔma a ɔma nkɔsoɔ akyi.

Romafoɔ 12:9

Hommma nyaatwom mfra dɔ mu; hontane nea ɔyɛ bɔne, honkura nea ɔyɛ papa mu;

Luka 6:35

Mmom, honnɔ ho atamfoɔ na honyɔ bɛ papa na homma afoforɔ bosea a ho ani nna so sɛ hobenya bibi akyire yi; na ho akatua bɛyɛ kɛseɛ, na hobɛyɛ Sorosoroni he mma, efiri sɛ ne yam yɛ ma boniayɛfoɔ ne abɔnefoɔ.

Mateo 5:39

Na me deɛ meeka akyerɛ ho sɛ, Ho ne bɔnefoɔ nni asie. Nso sɛ bi pae w’aso nifa mu a, dane baako he nso ma no;

1 Petro 2:17

Homfa anidie mma nnipa nyinaa. Honnɔ anuanom agyidifoɔ. Honsuro Nyankopɔn, na homfa anidie mma hempɔno.

Efesofoɔ 5:33

Nti ho mu biaa nnɔ ne yerɛ sɛ ɔno ankasa ne ho, na yerɛ nya buo kɛseɛ ma ne kunu.

1 Korintofoɔ 16:10

Sɛ Timoteo ba a, honhwɛ na wammɔ hu berɛ a ɔya ho nkyɛne, efiri sɛ ɔɔyɛ Awurade adwuma te sɛ meaa,

Adiyisɛm 22:9

Na ɔka kyerɛɛ me sɛ: Nyɔ saa, meyɛ akoa te sɛ wo ne wo nuanom adiyifoɔ, ne bɛ a bedi nwoma yi mu nsɛm mu he soaa pɛ. Nyankopɔn nkoaa ne koto no sɔre no!

Adiyisɛm 19:10

Afei mebutuu ne nane ase sɔree no. Nso ɔka kyerɛɛ me sɛ, “Nyɔ saa, efiri sɛ, meyɛ akoa te sɛ wo ne wo nuanom a bedi Yesu ho adanseɛ heaa, Nyankopɔn mmom ne koto sɔre no! Na Yesu adanseɛ ne yɛ adiyie honhom he.”

1 Tesalonikafoɔ 5:21

honsɔ bibiaa nhwɛ, na honsɔ deɛ ɔyɛ he mu yie;

Asomafoɔ 16:28

Na Paulo de nne kɛseɛ teaam sɛ, “Nyɔ wo ho bɔne biaa, na yɛ nyinaa yɛya ha!”