1 Tesalonikafoɔ 3:3 - Apam Foforɔ

³ sɛnea ɔbɛyɛ a ahohiahia yi ɔmma bi nhinhim. Na ho a honim sɛ nea ɔsɛ sɛ ɔto yɛ a ne he.

1 Tesalonikafoɔ 3:3 Referans Kwoze

Asomafoɔ 14:22

Hɔ ne bɛhyɛɛ akra he dene na bɛhyɛɛ bɛ nkuranee sɛ bɛntoa gyidie he so. Na afei bɛkaa sɛ, “ɔsɛ sɛ yɛfa taa pii mu na yɛakɔ Nyankopɔn ahennie he mu.”

Romafoɔ 5:3

Na ɔnyɛ yei nkoaa, na mmom yɛhoahoa yɛ ho ya yɛ amanehunu mu, yenim sɛ amanehunu de yɔkoduru ba,

Asomafoɔ 9:16

Na m’ankasa mɛkyerɛ no amaneɛ a otwa sɛ ɔba no so ɔnam me dini nti.”

Yohane 16:33

Maaka yeinom nyinaa akyerɛ ho sɛ ɔbɛyɛ a hobenya asomdwie me mu. Hobehyia taa wiase mu. Nso homma ho bo ntɔ ho yam; na maadi wiase so nkunim dada!

1 Korintofoɔ 15:58

Nti anuanom adɔfoɔ, hontintim, honnhinhim, honkɔ so Awurade adwuma mu daa, efiri sɛ, honim sɛ, ho brɛ ɔnyɛ kwa Awurade mu.

Asomafoɔ 21:13

Nso obuaa sɛ, “Mmɛ ne hooyɔ yi, sɛ hode su ɔɔte me nsono mu yi? Masiesie me ho sɛ ɔnyɛ kyekyere a bɛbɛkyekyere me nkoaa, na mmom, sɛ otwa sɛ mewu mpo a mewu ama Awurade Yesu dini ya Yerusalem.”

1 Tesalonikafoɔ 5:9

efiri sɛ Nyankopɔn anyi yɛ amma n’abufuo, na oyii yɛ sɛ yɛ Awurade Yesu Kristo nti, yemmenya nkwa.

1 Korintofoɔ 4:9

Na ɔyɛ me sɛ Nyankopɔn de yɛ asomafoɔ adi akyire sɛ bɛabua yɛ kumfɔ, efiri sɛ yɛayɛ ahwɛdeɛ ama wiase, abɔfoɔ ne nnipa.

1 Petro 2:21

Na yei nti ne Nyankopɔn frɛɛ ho, efiri sɛ, Kristo he ankasa huu amanneɛ maa ho de saa nhwɛso he gya ho, sɛnea hobedi n’anammɔno akyi.

Kolosefoɔ nwoma 1:23

nso gye sɛ hokɔ soaa tena gyidie he mu, na hogyina ho fapem he so pintinn a homma bɛntwe ho mfiri asɛmpa he anidasoɔ a hoteeɛ a bɛaka no wiase abɔdeɛ nyinaa mu, a me Paulo mayɛ ho somfoɔ he ho.

Efesofoɔ 3:13

Yei nti mesrɛ ho sɛ hompa aba m’amanehunu a mehu ma ho he ho; ɔyɛ animuonyam ma ho.

Asomafoɔ 2:25

Na Dawid kaa ne ho asɛm sɛ, ‘Mehu Awurade m’anim da biaa, ɔya me nifa nti menhinhim da;

Yohane 16:2

Bɛbɛpam ho afiri hyia adane mu. Nɔkwasɛm ne sɛ, berɛ bi ɔɔba a biaa a obeku ho he bɛdwene sɛ ɔɔyɔ saa Nyankopɔn dini mu.

Luka 21:12

“Nso, ansa na yeinom nyinaa bɛba he, nkurofoɔ bɛkye ho, na bɛataa ho, de ho akɔ hyia adane mu ne afiase, atwe ho akɔ ahemfo ne amradofoɔ anim, me dini nti.

2 Timoteo 1:8

Nti mma w’ani nwu yɛ Awurade ho adansedie ne me, a meyɛ deduani he ho, na mmom hu asɛmpa he ho amaneɛ bi sɛdeɛ Nyankopɔn tumi teɛ he,

2 Tesalonikafoɔ 1:4

Esiane boasetɔ ne gyidie a hoda no adi taa ne ahohia a hohyia nyinaa mu nti, ɔma yɛ ankasa yɛhoahoa yɛ ho ma ho Nyankopɔn asafo mu.

Adiyisɛm 2:13

“Menim sɛ faako a wote he, hɔ ne Satan ahennwa si, nso wokuraa me dini mu, na woampa me gyidie, nna a bekuu me danseni nɔkwafoɔ Antipa a na ɔne ho ya hɔ, deɛ a Satan te he.

Adiyisɛm 2:10

Nsuro haw a ɔɔbɛto wo he. Tie, bɛde ho mu bi bɛto afiase na Bronsam nam so asɔ ho ahwɛ. Na ho haw he bedi dadu. Di nɔkorɛ ma me kosi wuo mu mpo, na mɛma wo nkwa abotire.

Filipifoɔ nwoma 1:28

na ho atamfoɔ antumi anhunahuna ho bibiaa mu. Na bɛ deɛ, yei yɛ bɛ sɛeɛ ho nsɛnkyerɛnne pefee, na ho deɛ, ɔyɛ ho nkwagyeɛ ho nsɛnkyerɛnne. Na yei deɛ ɔyɛ Nyankopɔn nsa ano adwuma,

Asomafoɔ 21:11

Ɔbaa yɛ nkyɛne; na ɔfaa Paulo aboomu de kyekyeree ne nane ne ne nsa. Na ɔkaa sɛ, “Nea Honhom Kronkron ɔɔka di, ‘Sei ne Yudafoɔ a bɛya Yerusalem bɛkyekyere aboomu yi wura, na bɛde no ama Amanamane mufoɔ.’ ”