1 Tesalonikafoɔ 2:13 - Apam Foforɔ

¹³ Yei nti yɛda Nyankopɔn ase daa, sɛ hogyee Nyankopɔn asɛmpa a hote firi yɛ hɔ he, hoannye no sɛ nipa asɛm, na mmom hogyee no sɛdeɛ ɔteɛ ankasa, Nyankopɔn asɛm mapa a ɔɔyɔ adwuma ho agyidifoɔ ho mu.

1 Tesalonikafoɔ 2:13 Referans Kwoze

Hebrifoɔ 4:12

Nɔkwasɛm di, nkwa na ahoɔdene ya Nyankopɔn asɛm mu, ano ɔnam sene sekane anofanu biaa, otumi hwire bibiaa mu koduru sɛ ɔpaepae kra firi honhom ho, akwaa firi kyim ho; na otumi bu adwene ne akoma mu nsusuiɛ atɛne.

Romafoɔ 10:17

Nti gyidie firi nea yɛate mu ne ba, na nea yɛate nso firi Kristo asɛm he mu.

1 Petro 1:23

Na bɛamfiri aba a ɔporɔ mu, na mmom befiri nea ɔmporɔ mu, ɔne sɛ bɛnam Nyankopɔn asɛm a ɔte ase na ɔbɛtena hɔ he so ne awo bɛ foforɔ.

1 Petro 1:25

nso Awurade asɛm he ya hɔ daa nyinaa.” Yei ne Asɛmpa he a bɛaka akyerɛ ho he.

1 Petro 2:2

Honyɛ sɛ nkokoa a bɛɛpre honhom mu nofosuo kronkron anom na sɛ honom a, hoanyini akɔ nkwagyeɛ mu,

Luka 11:28

Nso ɔkaa sɛ, “Daabi, mmom, nhyira ne bɛ a betie Nyankopɔn asɛm na bedi so!”

Asomafoɔ 13:48

Berɛ a Amanamane mufoɔ tee yei he, bɛ ani gyeeɛ, na bɛhyɛɛ Awurade asɛm animuonyam, na dodoɔ a na Nyankopɔn ayi bɛ ama daa nkwa he bɛyɛɛ agyidifoɔ.

1 Yohane 3:3

Na biaa a ɔwɔ saa anidasoɔ yi ne mu he te ne ho, sɛnea ɔno nso ho te he.

Galatifoɔ 4:14

ewom sɛ me tebea he yɛ nsɔhwɛ ma ho deɛ, nso hoammu me animtia, na hoampo me, na mmom hogyee me sɛ Nyankopɔn bɔfoɔ, sɛ nea hogyee Kristo Yesu ankasa he.

2 Korintofoɔ 3:18

Na yɛ nyinaa yɛayi nkatanimu he afiri yɛ anim ne yɛɛhwɛ Awurade animuonyam te sɛ yɛɛhwɛ ahwehwem, wasesa yɛ afiri adom mu kɔ adom mu, na yei firi Awurade, honhom he.

Asomafoɔ 17:11

Na yeinom gyee asɛm he sene bɛ a bɛya Tesalonika he, efiri sɛ bɛde bɛ adwene nyinaa gyee asɛm he, na da biaa na bɛhwehwɛ twerɛsɛm he mu yie hwɛ sɛ nsɛm he te saa anaa.

Kolosefoɔ nwoma 1:6

a aba ho nkyɛne na agye nhini ho mu he. Sɛnea ɔɔso aba na oonyini wiase nyinaa mu he, saa ne ɔɔso aba hoaa ho mu firi da a hoteeɛ na hotee Nyankopɔn adom he ase nɔkorɛ mu.

Luka 8:21

Na obuaa bɛ sɛ, “Me maame ne me nuanom ne nnipa a bɛte Nyankopɔn asɛm na bɛyɔ.”

Yohane 17:19

Meyɔɔ me kronkron maa bɛ, na bɛ nso bɛ ho ate nɔkorɛ mu.

Mateo 10:40

“Biaa a ɔgye ho he gye me, na deɛ ɔgye me he gye deɛ ɔsomaa me he nso.

Yohane 17:17

Fa nɔkorɛ he te bɛ ho, w’asɛm yɛ nɔkorɛ,

Yohane 15:3

Asɛm a maka akyerɛ ho nti, ho ho afiri dada.

Luka 8:11

“Afei bɛ he asekyerɛ di. Aba he ne Nyankopɔn asɛm:

Mateo 10:20

na nyɛ ho ne hobɛkasa, na mmom ɔyɛ ho Agya Honhom ne bɛfa ho mu akasa.

2 Petro 3:2

na hoakae nsɛm a adiyifoɔ kronkron he kaeɛ mmerɛ bi a atwam he ne mmara a efiri Awurade ne Agyenkwa a bɛde faa ho asomafoɔ so maa ho he.

Yakobo 1:18

Ɔnam n’asɛm a ɔyɛ nɔkorɛ so ne woo yɛ, sɛdeɛ ɔbɛyɛ a ɔno ankasa ne pɛ bɛba mu, na yɛabɛyɛ sɛ n’abɔdeɛ mu aba a odi kane.

Asomafoɔ 17:32

Na bɛtee awufoɔ sɔreɛ he ho asɛm he, binom dii fɛw, na binom nso kaa sɛ, “Yebetie yei ho asɛm afiri wo nkyɛne bio berɛ foforɔ nso.”

Asomafoɔ 16:14

Na baa bi a bɛfrɛ no Lidia a ɔtɔno ntoma kɔkɔɔ a ofiri Tiatira na ɔsom Nyankopɔn he tiee yɛ asɛm he. Na Awurade biee n’akoma mu ma ɔyɛɛ aso maa nea Paulo kaeɛ he.

Asomafoɔ 10:33

Nti ntɛmaa na mesoma ma bɛbaa wo nkyɛne, na woabɔ mmɔdene sɛ woaba. Yei nti yɛ nyinaa ahyiam Nyankopɔn anim saa bere yi sɛ yeebetie nea Awurade ahyɛ wo sɛ ka nyinaa.”

Asomafoɔ 2:41

Na bɛ a bɛde anigyeɛ gyee n’asɛm he maa bɛbɔɔ bɛ asu, na saa da he akra bɛyɛ mpem mmeɛnsa nso bɛyɛɛ asuafoɔ.

Asomafoɔ 8:14

Na afei asomafoɔ a bɛya Yerusalem tee sɛ Samariafoɔ agye Nyankopɔn asɛm he, bɛsomaa Petro ne Yohane kɔɔ bɛ nkyɛne.

Luka 5:1

Berɛ bi, ɔbaa sɛ na nnipakuo he akyere Yesu so a na beetie Nyankopɔn asɛm. Na ogyina Genesaret tadeɛ he ho.

Hebrifoɔ 4:2

na bɛaka asɛmpa he akyerɛ yɛ sɛnea bɛka kyerɛɛ bɛ heaa; nso bɛannya mfasoɔ asɛm a bɛka kyerɛɛ bɛ he mu, efiri sɛ bɛ a bɛteeɛ he amfa gyidie annye.