1 Korintofoɔ 3:3 - Apam Foforɔ

³ Na hoda soaa yɛ honam mufoɔ. Na mprɛ dodoɔ a ahoɔyea ne apereapereɛ da so ya ho mu he, honyɛ honam mufoɔ a hobɔ ho bra sɛnea honam pɛ?

1 Korintofoɔ 3:3 Referans Kwoze

Yakobo 3:16

Na baabi a anibereɛ ne pɛsɛmenkomenya ya he, hɔ nso ne basabasa ne bɔne nyinaa bi ya.

Tito 3:3

efiri sɛ, berɛ bi a atwam a na yɛ nso yennim nyansa, na yɛyɛ asoɔdenfoɔ, na yɛamane afiri kwane pa he so, na yɛyɛ nkoa ma akɔnnɔ ahodoɔ ne anigyedeɛ he, yɛde nitane ne ahoɔyeya ne bɔɔ yɛ bra, a na yɛ ho yɛ ahi, tentanee yɛ ho yɛ ho.

Galatifoɔ 5:15

Na mmom, sɛ ho keka na homemene ho ho a, honhwɛ yie na hoansɛe ho ho.

2 Korintofoɔ 12:20

Na mesuro sɛ, sɛ meba a, memmɛto ho sɛnea mepɛ; na menso honhu me sɛnea hopɛ; mesuro sɛ ebia na ntɔkwa, ahoɔyeyaa, abufuo, asinkane, nsekuro, wesewese, ahantan ne sakasakayɛ ya ho mu.

1 Korintofoɔ 11:18

Na deɛ odi kane he, sɛ hohyia sɛ asafo a, mete sɛ mpaepaemu ya ho mu, na megye di kwane bi so.

1 Korintofoɔ 1:11

Me nuanom, asɛm he ne sɛ, Kloe fiefoɔ atia me nane so sɛ akasakasaa ya ho mu.

Romafoɔ 13:13

homma yɛmmɔ bra a ɔfata hann mma, ɔnyɛ agobɔne ne nsaboro mu, nyɛ adwamammɔ ne akohwie mu, nyɛ ntɔkwakoo ne aniberebereɛ mu.

1 Petro 4:2

Efiri seesei ɔɔkɔ he, ho nna a aka ya asaase so ha he, ɔsɛ sɛ Nyankopɔn ne di ho abrabɔ so, na mmom ɔnyɛ nipa akɔnnɔ.

1 Korintofoɔ 1:10

Afei anuanom, menam yɛ Awurade Yesu Kristo dini so ootu ho fo sɛ, ho nyinaa honya adwene korɔ; na hommma mpaepaemu mma ho mu, na mmom honka mmom adwene korɔ mu ne nsusuiɛ korɔ mu.

1 Korintofoɔ 3:4

Na sɛ bi ka sɛ, “Meya Paulo afa,” na foforɔ nso ka sɛ, “Meya Apolo afa” a, na ɔnnyɛ nnipasɛm ne hoodi?