Taytùs 3:5 - The New Testament in the Babanki language

⁵ ghə̀ bwòŋsə̀ vəghəŋ. Ghə̀ ko ə̀ mbwòŋsə̀ vəghəŋ la vəghəŋ nè kənyʉ̀ kə jùŋə kə kətsenkə alì ghə̀ mbwòŋsə̀ vəghəŋ byìʼì kusə nshinsə wen əchò fà kəzhwì kə ŋwoʼkə. Kəzhwì kə ŋwoʼkə akènkə shʉ li vəghəŋ,vəghəŋ ə nlayn ə̀ mbe ku ntsìnə̀ fi à vəghəŋ.

Taytùs 3:5 Referans Kwoze

2 Timotì 1:9

Nyìngòŋ ə mbwòŋsə̀ li vəghəŋ ə ne la vəghəŋ ə ndìʼ viʼi wen. Ghə̀ nko ne alə byìʼì ando vəghəŋ ə nè kənyʉ̀ kə jùŋ kə kətsenkə à wen. Ghə̀ ne a lì tò fa wen a ngeŋ byìʼì ətyɨm ə jùŋə̀ ghə̀. Ghə̀ ghʉ̀ kənyʉ̀ a kenkə mimbu no mbyi sə zìtə̀, la ghə̀ lu ne ənyʉ̀ a venə əcho fa Yesò Klistò ə diʼ ətyɨm ə jùŋ ghə̀ ə̀ wen.

1 Kolìntyàns 6:11

Viʼi vətsenvə fa ghə̀ŋ a ntìntìn ndiʼ to lə, ali luwen sə diʼ mù və shʉ li mbyɨ shəŋsə ə ne ghə̀ŋ sə laynə, ə be nè ghə̀ŋ sə diʼ viʼi kənyʉ̀ kətɨməkə a shɨ ə Nyìngòŋ. Ənyʉ̀ a venə ə̀ diʼ mu və fʉ̀ byìʼì kədyòʼ kə Bobo Yesò Klistò mu à nè Kəzhwì kə Nyìngòŋ a vəghəŋ.

1 Bità 3:21

Mu na mèyn a vəwenə ə lyeʼə fa yi akwi ə bwòŋ lə ə diʼi shi a mu yì a ghə̀ŋ shi luwen əbwòŋ chò fa Yesò Klistò ə diʼ la ghə̀ŋ maʼa li mbyɨ shəŋsə. Ma ko gàʼa kumə tèbè mu mì a ghə̀ŋ shʉ əwenə ghenə tsu, ma gàʼa kumə kənyʉ̀ a ghə̀ŋ ghʉ li la tətyɨm ə təŋtə ne laynə ashɨ Nyìngòŋ. Mu a mèyn ə bwòŋsə ghə̀ŋ chò fa məlù yi a Yesò Klistò ə lùli fa pfʉ.

1 Bità 1:3

Vəghəŋ ə kuʼsə Nyìngòŋ, ə Tìʼ Bobo vəghəŋ Yesò Klistò! Ghə̀ nkusə li shinsə a vəghəŋ no nànto, ə kù ntsìnə̀ ə fi a vəghəŋ a ji la ghə̀ lusə li Yesò Klistò fa pfʉ, vəghəŋ ə sə tsi kɨ nəmwèʼè la vəghəŋ lu kiʼi ə ntsìnə̀ yì a ghə̀ ko lu mè;

Lumans 12:2

Kə ghə̀ŋ ne tsi to nə̀ viʼi mbyi ashə̀. Ghə̀ŋ boŋsə ə wʉ̀sə Nyìngòŋ ku kwoʼtə ə fìghə a ghə̀ŋ ə kwitə tətyɨm tyəŋtə ndi ghə̀ŋ ə yenə kɨ kənyʉ̀ kì a Nyìngòŋ ə kəŋ, a diʼ to kənyʉ̀ ki a kə be diʼ kənyʉ̀ kətɨməkə, Nyìngòŋ ə kòŋ.

Efisyàns 2:4

Alì, Nyìngòŋ ə nkusə li nshinsə a viʼi no nànto be kòŋ viʼi no nànto.

Efisyàns 5:26

Ghə̀ ə mpfʉ̀ ə shʉ̀ viʼi və byɨməvə la və laynə ə ku a Nyìngòŋ, chò fa a ntɨm ə jùŋ ə wen.

Lumans 11:6

Nyìngòŋ sətsen ə ndiʼ mu ghə̀ tsuʼ viʼi a venə a ji na ghèn, ko kə be a ndiʼ la ghə̀ tsuʼ byìʼì shyèʼ tsenghə a vəwenə ne, a bwen ali ko və nà gàʼa la à ne ətyɨm ə jùŋə ghə̀ Nyìngòŋ.

Hibùlù 4:16

A lə kənyʉ̀ ki a kə bòŋ la vəghəŋ maʼa əfwàyn ə vi boʼsə kəkɨ kə təfòyn yi a Nyìngòŋ ne diʼi ətyɨm ə jùŋə ghə̀ a viʼi a vyi. Ghə̀ kiʼi ətyɨm ə jùŋə ghə̀, diʼ ə nə̀ kusə shɨnsə a vəghəŋ, ə gyamtə vəghəŋ azhʉ ngəʼ.

Kòlòsyàns 3:10

ə boŋsə ghaʼa ntsìnə̀ ə fi. Ghə̀ŋ diʼ viʼi və fi və a Nyìngòŋ bwom ə sə ne la ghə̀ŋ fɨsə wen a nyʉ̀ yi a ghə̀ŋ ne ndi ghə̀ŋ tuʼ kɨ wen akayn.

Gàlesìyà 2:16

alì kɨ la və ko ghʉ tebè to la wìʼ diʼ nti a nkayn byìʼì ando ghə̀ ghʉ Əsoʼ viʼi Jus. Wìʼ diʼ nti a nkàyn azhʉ̀ a ghə̀ byɨmə a Yesò Klistò. Vəghəŋ ə sə diʼ mù vəghəŋ be byɨmə a Yesò Klistò ndiʼ vəghəŋ ə ndiʼ a ji tɨmə ashɨ Nyìngòŋ. Əsoʼ ə zizi ko ghə̀ lù ne la wìʼ ə nti a nkàyn ashɨ Nyìngòŋ.

Lumans 3:20

Kə le diʼi la Nyìngòŋ ə ko gàʼ tebè la wìʼ diʼ nti akayn a wen a shɨ byìʼì ando ghə̀ ghʉ̀ Əsoʼ. Əsoʼ ə nə̀ gyamtə ə nè la vəghəŋ kɨ kənyʉ̀ a mbyɨ diʼ wen.

1 Bità 2:10

Ghə̀ŋ ko tə ndiʼ viʼi Nyìngòŋ fa ambì, ali sə diʼ luwen. Nyìngòŋ ə ko ə nkusə shinsə a ghə̀ŋ, ali sə kusə luwen.

Efisyàns 4:23

Və ə mbe nziʼi la ghə̀ŋ maʼa ntsìnə̀ ə mu na yì ə boŋsə kwoʼtə a ji ə fi.

Lumans 3:28

Vəghəŋ ə kɨ nəmwèʼè la wìʼ diʼ ti akàyn ashɨ Nyìngòŋ byìʼì ə byɨmə ə wen a Yesò, a ko diʼ byìʼì ando ghə̀ ghʉ̀ Əsoʼ.

Lumans 9:11

Ghə̀ŋ yen li ando a ndiʼ mibu və sə ka ə bwi mboʼsə na venə, ko ndiʼ la ghə̀ tɨmə nè kənyʉ̀ kə tsen, kò kə jùŋ kə kò kə kəbyɨkə, Nyìngòŋ ə gàʼ a Lebeka la, “Wàyn ə to lu ə shyèʼ a lèmə̀ wen ə tyətə.” Ghə̀ ə nè alə ə diʼ la ghə̀ kiʼi no kədyòʼ kə tsèm ə kwitə kənyʉ̀, ko ghə̀ kwitə byìʼì shyèʼ tsen ghə̀ ando wìʼ ə nè.

Ŋwàʼlə̀ Luk 1:78

Nyìngòŋ vəghəŋ kusə nshinsə bè bwaʼmə ghə̀ a nè la chʉzhʉ saʼa ə bayn a vəghəŋ kətʉ.

Ŋwàʼlə̀ Luk 1:54

Ghə̀ ghʉli gaʼa wen a ghə̀ ngàʼà a və tìʼ və vəti gyamtə viʼi shyèʼè a diʼ viʼi Islel.

Ŋwàʼlə̀ Luk 1:50

Ghə̀ diʼi kusə shinsə à viʼi a və kiʼi fàyn a wen to a kəlyɨŋ a kəlyɨŋ.

Taytùs 3:4

alì no a zhʉ̀ kò a njùŋ bènə̀ ə̀kòŋ ə Nyìngòŋ ə mbwòŋsə̀ vəghəŋ ə̀ mfʉ

Lumans 9:30

Vəghəŋ zizi və gàʼ la ghò? Vəghəŋ zizi və gàʼ la no tèbe ando viʼi ətɨm ə tə sə tsi ko və lu kəŋ jì ə ndiʼ viʼi kənyʉ̀ kətɨməkə a shɨ Nyìngòŋ, vəwenə sə boŋsə diʼ luwen byìʼì əbyɨmə ə vəwenə,

Lumans 9:16

Kə le diʼi la à diʼ to kusə shinsə Nyìngòŋ, a kodiʼ byìʼì koŋə ə wìʼ kò byìʼì kənyʉ̀ kə tsen kə ando wìʼ ə nè.

Lumans 4:5

A ne Nyìngòŋ la viʼi və byɨvə ndiʼ viʼi kənyʉ̀ kətɨməkə. Nyìngòŋ nə̀ dyʉ̀ a wìʼ yi a ghə̀ faŋ kò ghə̀ lə ne shyèʼ ali mu ghə̀ byɨmə li kənyʉ̀ ki a ghə̀ ne a wen, ghə̀ lyɨ̀ wen a wù tɨmə byìʼì əbyɨmə ə wen.

Ŋwàʼlə̀ Luk 1:72

Ghə̀ nè nyʉ̀ venə ndi diʼ kusə nshinsə à vətiʼi və vəghəŋ bè diʼ la ghə̀ bu kwòʼtə̀ məkàyn mə ŋwòʼmə wen myì a ghə̀ nghʉ wenə vəwenə li.

Hibùlù 6:6

ali be bwensə maʼa əbyɨmə ə wen, wìʼ zizi ko ghə̀ lu be gyàmtə̀ wen la ghə̀ kwitə ətyɨm ə wen byìʼì ando kə sə diʼ to la ghə̀ be ə bàyntə wàyn Nyìngòŋ ə diʼsə kətʉ kə wen ashɨ viʼi to a nfi.

Matìyò 3:11

Mà ku mu à ghə̀ŋ tò nə̀ mu mə Amù ədiʼ la ghə̀ŋ kwitə li tətyɨm təŋtə fà ghə̀ŋ a mbyɨsə, alì wìʼ yì a ghə̀ vì fa mò a bàm, chò mò, a mà ko kwʉ̀ʼ no fa mpfen əshyèʼ a wen a nə̀ kəkòs kə byèʼè gwʉsə aghʉ wen. Ghə̀ ne ku mu à ghə̀ŋ nə̀ kəzhwì kə ŋwoʼkə be chòsə̀ viʼi vətsen və a zhìʼ.

Lumans 11:14

Ma kəŋ la viʼi lòʼ ə yès, ə viʼi Jus, yen shyèʼ na ghenə ə shɨmtə ghə̀ŋ, Nyìngòŋ ə bwoŋsə vəwenə vətsenvə.

Hibùlù 10:22

vəghəŋ choʼsə li to a Yesò ə kwentə dyʉ̀ boʼsə a Nyìngòŋ to nə̀ ətyɨm vəghəŋ no tsèm. Kə vəghəŋ a sə vi ə nvi nə̀ fwaynə la və a gham vəghəŋ a kənyʉ̀ byìʼì ando mənlyuŋ mə Yesò Klistò shʉ li làynsə tətyɨm tə vəghəŋ, və be shʉ̀ vəghəŋ, vəghəŋ ə làynsə to sə və shʉ̀ vəghəŋ nə̀ mu mə laynə mə.