Taytùs 3:3 - The New Testament in the Babanki language

³ Andìʼ a mbì nkàyntə̀ vəghəŋ ə̀ dzɨ̀ŋtə̀ kèn la vəghəŋ ə zhʉ gɨ̀ be nè shwè. Vəghəŋ ndìʼ əkòs à tənkì tə nyʉ̀ mbi, be nè no ghò a vəghəŋ ə̀ nkòŋ ənè. Vəghəŋ ə ntsi tò a ne ənyʉ̀ byɨvə be shəmə, viʼi bàynə̀ vəghəŋ, vəghəŋ be kiʼ kəbàyn à vəghəŋ a ntìntìn,

Taytùs 3:3 Referans Kwoze

Kòlòsyàns 1:21

Ghə̀ŋ kɨli la à ndiʼ fa ambì, ghə̀ŋ ti kəghaf fa Nyìngòŋ, ka wè vəwenə fʉ a kayn byiʼə ghə̀ŋ ə kiʼ əkwoʼtə ə əbyɨghə be ne nyʉ̀ ə byɨvə,

Lumans 6:17

Vəghəŋ diʼ ə ku kəzòŋ a Nyìngòŋ byìʼì ando a ndiʼ a tʉʼ tseghə, ghə̀ŋ diʼ əkòs a mbyɨ ali ə lu zhʉ ziʼi yì a və ziʼi a ghə̀ŋ ə byɨmə nə̀ tyɨm ə ghəŋə no tsèm.

Kòlòsyàns 3:7

Ghə̀ŋ tə ə nè nyʉ̀ ə byɨvə a venə a ji yi a ghə̀ŋ tə tsi fa tsù.

Lumans 6:22

A diʼ luwen mu və bwoŋsə li ghə̀ŋ fa mbyɨ, ghə̀ŋ sə ə boŋsə diʼ əkòs a Nyìngòŋ, əse yi diʼ la ghə̀ŋ sə tsi ətsìnə̀sə laynə sə, diʼ lu kiʼi ntsìnə̀ yì a ghə̀ ko lu mè.

1 Bità 1:14

Ghə̀ŋ ə nzhʉ to fa Nyìngòŋ. Kə ghə̀ŋ be ne nyʉ̀ vyi a njòsə wen ə ghə̀ŋ sə ə kəŋ la ghə̀ŋ ə nè to ando ghə̀ŋ ə nè a tʉʼ a ghə̀ŋ nko tɨmə kɨ Nyìngòŋ.

2 Kolìntyàns 12:20

Ma əfwanə la ma ne vì, ko ghə̀ŋ diʼ ando ma kəŋ la ghə̀ŋ ndiʼ, ə ghə̀ŋ boŋsə yèn mo, ko ma diʼ ando ghə̀ŋ kəŋ la mà ndiʼ. Mà zizi a mà sə vi, ə yen ghə kəngùmə̀ kə diʼ a ghə̀ŋ a ntìntìn, nə̀ kəghəʼ kə, nə̀ tinə fwi, nə̀ kənywi kə, nə̀ gàʼà əbyɨghə, nə̀ kùwòŋ nə̀ əghaŋsə ə wèn, be yen ghə̀ŋ, ghə̀ŋ tsi a kəngəsə kumə tsi to tsi.

Joyn 8:34

Yesò ə gàʼ a vəwenə la, “Ma gaʼa a ghə̀ŋ to no nəmwèʼè la, no ndò yì a ghə̀ ne mbyɨ diʼ kəkòs a mbyɨ.

Matìyò 21:29

Wàyn ayì gàʼ la, “Mà ko a fʉ̀, alì nè bwènsə̀ kwòʼtə̀ to fa wen a ngəŋ la kə bòŋ la yì fʉ ə mù fʉ̀.

Jems 1:26

No ndò sətsèn ə nkwòʼtə̀ la ghə̀ dìʼ wu byɨmə ke nkɨ jì ə tisə kəlyɨmə kə wen mu ghə̀ lobtə̀ wen ə wen kò a ndiʼ la byɨmə wen ə kwʉʼʉ̀ tè a kənyʉ̀ kətsenkə.

Gàlesìyà 6:3

No ndò a ghə̀ sətsen kwoʼtə la ghə̀ diʼ kəfo, ali ko ghə̀ diʼ kəwenkə, mu ghə̀ lobtə to wen ə wen.

Ŋwàʼlə̀ Luk 21:8

Ghə̀ gàʼ la, “Ghə̀ŋ tùʼmə̀ la kə wìʼ lù lobtə ghə̀ŋ. Viʼi lu nvì no və ghoʼo diʼ la və vì à mò a zhiʼ. Gàʼà la, Ma diʼ no nkàyntə wen yi lə̀, be gàʼà la ‘Zhʉ kwʉʼli luwen!’ Ghə̀ŋ zhʉ alì kə wì à dzɨ̀mtə̀ vəwenə.

Kəmwetə 18:2

Ghə̀ zɨmə̀ gàʼ no əgɨ̀ ə to la, “Ghə̀ ə fəŋ li, Babilòyn ntə̀ʼ ə ghoʼo yì ə fəŋ li! A sə̀ diʼ kəshi a vədeblə̀ nə̀ zhwì byɨvə nə̀ mənyin mə kəmɨ̀ŋ mə mbyɨ ə tsi tsu no ntsèm.

Kəmwetə 13:14

Byìʼì ənyʉ̀ kanəvə avenə a Nyìngòŋ ə nghʉsə nyàm ətoʼ aghèn sə̀ nè a shɨ nyàm ətoʼ ə̀ mbì yì lì lobtə viʼi vətsèm a və̀ ntsi a nse ə̀ gàʼ la vəwenə shɨtə kənshyə̀ʼsə̀ kə nyàm ətoʼ kì a ghə̀ ə̀ nkìʼ əlyom ə toghə mu və bvàʼ nə̀ nyì ə ngwoləŋ alì ghə̀ bu sə diʼ tò to lì.

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.

Lumans 6:6

Vəghəŋ ə kɨ la və ə sə bayntə Yesò a kəntò ə bayntə boʼsə nə̀ ntsìnə̀ ə mu ə vəghəŋ ndiʼ kədyòʼ kə mbyɨ kì a kə ndiʼ a wen ə mu ghə̀ na ghèn mè, ko vəghəŋ ə be a ndiʼ əkòs a mbyɨ,

Lumans 6:12

Kə ghə̀ŋ be lù əwʉ̀sə mbyɨ la ghə̀ ə nsoʼo ə wen ə ghəŋə ghèn a ghə̀ diʼ lù pfʉ lə, nè la ghə̀ŋ nè nyʉ̀ vyi a ghə̀ŋ kəŋ.

Lumans 11:30

A ghə̀ŋ viʼi ətɨm, ghə̀ŋ nko zhʉ Nyìngòŋ, ali luwen ə sə diʼ mù ghə̀ kusə li nshinsə a ghə̀ŋ byìʼì ando viʼi Jus tyen li ə zhʉ fa wen.

2 Timotì 3:6

Viʼi vətsenvə ə diʼ a ntìntìn nə̀ vəwenə, jèʼè kwenə a aloʼ ə̀ viʼi, lobtə ki vyi a və ne li nchosə nyʉ̀ ə byɨvə ə sə kiʼ tətyɨm tə bwaʼa tə. Vəwenə ne li, ki a venə ə sə tsi tò a vəwenə a tyì soʼ.

2 Timotì 3:13

Viʼi və byɨvə nə̀ viʼi vyi a və diʼi la və dìʼ kəfo, diʼ ne ə byɨfə dyʉ̀ tò nə̀ mbì, lobtə viʼi, viʼi vətsenvə be lobtə vəwenə.

Taytùs 1:16

Vəwenə gàʼà la vəwenə kɨ Nyìngòŋ alì ntsìnə̀sə vəwenə sə dìʼì la vəwenə tyenə wen. Ntsìnə̀sə vəwenə sə nyèlə̀. Vəwenə to kətʉ ko a ndiʼ la vəwenə kwʉ̀ʼʉ̀ ənè tè kənyʉ̀ kə jùŋə kə kətsenkə.

Taytùs 2:12

Adìʼ əbòŋə tyɨm ə̀ Nyìngòŋ aghenə a ghə̀ dìʼsə̀ vəghəŋ la vəghəŋ ghʉsə ntsìnə̀ yì a Nyìngòŋ ə ko kòŋ bènə̀ koŋə fo nse, ə ntsi nə̀ mbwaʼmə̀, tsi ntsìnə̀ tɨmə be tsi a ji a Nyìngòŋ ə kəŋə a mbi ashyə̀.