Shwèʼ 8:7 - The New Testament in the Babanki language

⁷ Andìʼ a lì, viʼi vəghoʼo və tsu kiʼi zhwì byɨvə. Filib dzɨ̀m ə̀ shìsə̀ zhwì byɨvə a vyi, no tə kəkò kə sə fʉ̀ dì no a gɨ to. Viʼi kənkwaʼkə bènə̀ vənlaʼfwen bè tokə.

Shwèʼ 8:7 Referans Kwoze

Matìyò 10:1

Yesò ə nlu li ə dzàŋtə ndzɨ̀mtə̀sə bàm ə̀ wen sensə njʉ̀sə̀ bò, ə ku adyòʼ a vəwenə la vəwenə ə dzɨ̀mə̀ shìsə əzhwì ə byɨvə bè chʉʼʉ tənkyì tə kwaʼa, tò tətsèm. Ətentə ə diʼ təzhiʼ tə viʼi ntɨm a vyì. Wù ə mbi ə diʼ Simùn yi a və ə ndzàŋ nə̀ Bità, nə̀ lèmə̀ wen Andɨ̀lò; nə̀ Jems wenə lèmə̀ wen Joyn, ə vunə Zebedì;

Shwèʼ 5:16

Viʼi no vəghoʼo fʉ̀ ə̀ vì fa ntə̀ʼsə shì a sə mboʼsə̀ a Jelusalèm nə̀ viʼi vəkwaʼkəvə vəwenə bènə̀ viʼi vi a zhwì byɨvə nku ngəʼ à vəwenə və chʉʼ vəwenə no vətsèm.

Hibùlù 2:4

Nyìngòŋ ə nè li tamə nchwisə nyʉ̀ ə kaynəvə, to a tənkì a tənkì, ə be ku kəku a viʼi ando ghə̀ kòŋ chò fa kəzhwì kə Ŋwoʼkə ə diʼ la ntɨm a ghèn ne diʼ to no nəmwèʼè.

Joyn 14:12

Ma gaʼa a ghə̀ŋ no nəmwèʼè la, a byɨmə no ndò a mò, ghə̀ a nè tənki tə nyʉ̀ titə a ma nè be nè chò no fa ali byìʼàndo ma bwenə dyʉ̀ a Tìʼ.

Ŋwàʼlə̀ Luk 10:17

Viʼi vyi njʉ̀sə̀bò a məwum sòmbo njèʼè dyʉ̀ ə bwènə̀ pfwo nə̀ saŋlə ghə̀ mù gàʼ à Yesò la,“Bobo, tè zhwì byɨvə tə nzhʉ fà yès ando yès tə kənkə̀ vəwenə à wù a zhiʼ.”

Ŋwàʼlə̀ Mak 9:26

Kəzhwì kə byɨkə akì ku nkəʼ ə̀ nə̀ʼ wàyn ayì no nànto mù fʉ̀, wàyn ayì mù sə kə̀ʼə̀ to nə̀ kəmpfʉ kə wìʼ. Nghoʼo viʼi mù sə gàʼà la, “Ghə̀ pfʉ li.”

Matìyò 11:5

Nfyɨ̀f bwènsə̀ yenə shi, və ngesə̀ fwen jèʼè tò a nkàyn, viʼi kənsòtə̀ to, mpfʉ sə tʉ sə zhʉ shi, və bwènsə̀ lùsə̀ viʼi vəpfʉkəvə, be shə̀ʼtə̀ ntɨm jùŋ a viʼi a və femə.

Matìyò 4:24

Soʼo gho kùmə̀ shwèʼ wen dyʉ̀ a loʼ Sylia no tsèm, viʼi mù sə̀ lyɨ̀ viʼi nə̀ tə nkì tə kwaʼa vì nə̀ vəwenə à Yesò. Və sə̀ vì nə̀ viʼi a və nzhʉ lɨ̀m njòsə wen no ŋàŋ, vì nə̀ vətsen və a və nkiʼi zhwì byɨvə bènə̀ viʼi kembvʉ bènə̀ viʼi mu və kwàʼkəli, Yesò chʉʼ vəwenə no vətsèm.

Shwèʼ 8:6

Tənòyn tə viʼi vyi a və ndìʼ tsu yen nyʉ̀ kàynə və vi a Filib ə̀ nè sə tùʼù zhʉtə̀ nyʉ̀ tsèm a ghə̀ ngàʼà.