Shwèʼ 8:5 - The New Testament in the Babanki language

⁵ Filib ndyʉ̀ a ntə̀ʼ ghoʼo tsen a Samalìyà sə shə̀ʼtə̀ nyʉ̀ tsu byìʼì Wìʼ yì a Nyìngòŋ ntsuʼ li ə̀ ghʉ.

Shwèʼ 8:5 Referans Kwoze

Shwèʼ 6:5

Viʼi vəbyɨməvə a vyi sə̀ saŋlə̀ no a nkàyn byìʼì kənyʉ̀ kènkə a viʼi ntɨm ə̀ Yesò ngaʼà lə̀ mù tsuʼ Stifèn andiʼì wìʼ mu ghə̀ byɨmə li à Nyìngòŋ no a nkàyn, kəzhwì kə ŋwoʼəkə be tomsə̀ wen, bè tsuʼ Filib nə̀ Blocholus nə̀ Nikanòl nə̀ Timon nə̀ Balmenas bènə̀ Nikolawus andiʼì wù Antìyòk mu ghə̀ kaʼsə li sə diʼ to nə̀ wù Jus.

Shwèʼ 21:8

Tʉʼ lan, yès lù dyʉ̀ a Sisalìyà ə̀ dyʉ̀ kwèn a ngə̀ŋ wutsen a ghə̀ nshə̀ʼtə̀ ntɨm jùŋ Nyìngòŋ, zhiʼ wen diʼ Filib bè tsì tsu. Ghə̀ ndìʼ wìʼ muʼ fa ntìntìn viʼi vyi a və ntsuʼù a Jelusalèm lì.

Shwèʼ 8:40

Ando Kəzhwì kə Bobo kə nlyɨ Filib lì, ghə̀ bvʉ̀tə̀ yèn wen ə wen a kəshi kətsenkə, a və dzò nə̀ Azotus mù sə jèʼè chòmə̀ no fa ntə̀ʼsə sətsèm tsu, shə̀ʼtə̀ ntɨm jùŋ, ə̀ kaʼ ə̀ jèʼ vì zaʼa a Sisalìyà, andiʼì ntə̀ʼ ghoʼo a ghə̀ ndiʼì tsu.

1 Kolìntyàns 3:11

Nyìngòŋ ə sə diʼ mù ghə̀ ghʉ̀ li Yesò Klistò la à diʼ kəchɨ kə ngə̀ŋ kì a kə diʼ, wìʼ ko diʼ a ghə̀ zizi ghə̀ be we kəchɨ kətsen.

1 Kolìntyàns 1:23

ali fa yès, yès boŋsə shə̀ʼtə̀ to kənyʉ̀ kumə Yesò a və mbayntə. Kənyʉ̀ na kènkə zàfə viʼi Jus, a diʼ kənyʉ̀ kə kəkoyn a viʼi ətɨm.

Shwèʼ 5:42

Vəwenə mù faŋ ə̀ sə shə̀ʼtə̀ ntɨm ə jùŋ byìʼì Yesò Klistò tò mətsi ntsèm a ngə̀ŋ Nyìngòŋ bènə̀ a aloʼ viʼi.

1 Kolìntyàns 2:2

Ma ndiʼ mu ma nghʉ̀ li la mà ko ba ə kwoʼtə kənyʉ̀ kətsen kə ando ma diʼ a ghə̀ŋ a ntìntìn, a bwen to ə ngàʼà kumə Yesò Klistò, nə̀ əpfʉ̀ ə wenə a kəntò.

Shwèʼ 9:20

mù zìtə̀ lù fa tsu dyʉ̀ a aloʼ ntsèntə̀sə ə̀ shə̀ʼtə̀ ntɨm jùŋ byìʼì Yesò gàʼà la, “Ghə̀ dìʼ Wàyn Nyìngòŋ.”

Shwèʼ 8:1

Və nsə nyàblə̀ nə̀ Stifèn a lì, Saul ndiʼ tsu gàʼà tò la və zhwi wen. A bè sə ndiʼ tò a kətsi akì, viʼi vəbyɨməvə vi a və ndìʼ a Jelusalèm zɨ̀tə̀ sə yenə ngəʼ no nànto. Ando və nku ngəʼ à vəwenə a lì, vəwenə nyɨŋkə no vətsèm ə̀ dyʉ̀ a təshyə tə loʼ Judiyà bènə̀ Samalìyà, à faŋ tò viʼi ntɨm Yesò tsu.

Shwèʼ 1:8

Ghə̀ŋ kɨ tò la, ghə̀ŋ na kiʼi kədyòʼ a zhʉ a kəzhwì kə ŋwoʼəkə vi li à ghə̀ŋ ə nshə̀ʼtə̀ dyʉ̀ nə̀ ntɨm jùŋ ghòm a Jelusalèm nə̀ a Judiyà no tsèm nə̀ Samalìyà bènə̀ a təshyə tə mbi tèn no tətsèm.”

Shwèʼ 8:6

Tənòyn tə viʼi vyi a və ndìʼ tsu yen nyʉ̀ kàynə və vi a Filib ə̀ nè sə tùʼù zhʉtə̀ nyʉ̀ tsèm a ghə̀ ngàʼà.

Shwèʼ 8:26

Ntsɨ̀ŋ ngə̀ŋ Bobo gàʼ à Filib la, “Lù shìʼi dyʉ̀ jì fa shyə tèn, a jì yì a ghə̀ lu fa Jelusalèm sə shiʼì a ntə̀ʼ Gaza lì.” Və ko bè chò fa ji aghèn.

Shwèʼ 8:30

Filib nyɨŋ ə̀ dyʉ̀ boʼsə ə̀ zhʉ ando ghə̀ dzò nyʉ̀ fa tì ŋwàʼlə̀ nshə̀ʼtə̀ Azayà. Filib bèm à wen la, “Wu lè zhʉ kɨ kənyʉ̀ kì a wù dzò a?”