Bib sou entènèt

Shwèʼ 6:9 - The New Testament in the Babanki language

⁹ alì viʼi ngə̀ŋ ntsèntə̀ vətsenvə a və ntoŋtə la, “Ngə̀ŋ ntsèntə̀ viʼi vyi a və ko bè ndìʼi kòs.” Zìtə̀ kəngùmə̀ wenə̀ və Stifèn. Vəwenə ndìʼ mu və fʉ̀ fà ntə̀ʼ Silen nə̀ fa ntə̀ʼ Alèksandìliyà boʼsə nə̀ loʼo Silisiyà bènə̀ fa loʼo Asìyà.

Gade chapit la Kopi

tounen moute ⬆

Shwèʼ 6:9
27 Referans Kwoze

Shwèʼ 23:34

Gumnà ayì dzàŋ ŋwàʼlə̀ ayì ə̀ bèm à Bol la ghə̀ lù fa loʼ kò lo? A nè sə ndiʼ ando ghə̀ nzhʉ̀ la Bol lù fa loʼ Silisiyà,

Shwèʼ 22:3

“Mà dìʼ alə̀, diʼ wu Jus, mu və mbwì mo a Talsus, a loʼ Silisiyà, mà kwi ə kuʼ tò a ntə̀ʼ a shə̀, ndìʼsə̀ ghom ndìʼ Gamalè. Ghə̀ ndìʼsə̀ li mò nə̀ təsoʼ tə vətìʼ və vəghəŋ və mbì no tətsèm. Kənyʉ̀ kə Nyìngòŋ kə sə̀ lɨ̀mə̀ à mo a wèn tò ndə̀ŋndəŋ ando kə be lɨ̀mə̀ à ghə̀ŋ a təwèn layn.

Shwèʼ 15:41

Wenə Silàs jèʼ ə chò fa loʼ Sylia nə̀ Silisiyà, jèʼè nè la viʼi vəbyɨməvə tsu nto dyʉ̀ tò nə̀ mbì à vəwenə a byɨmə.

Shwèʼ 15:23

Və ntɨ̀m vəwenə a Antìyòk nə̀ ŋwàʼlə̀ ghə̀ gàʼà la: Yès viʼi ntɨm Yesò nə̀ vəchəʼ, à diʼì vəlèmə̀ vəŋə ə tɨmə̀ toŋtə à ghə̀ŋ viʼi tɨm vəbyɨməvə vi a və tsi a Antìyòk, nə̀ a loʼ Sylia bènə̀ a Silisiyà.

Matìyò 27:32

Vəwenə nè sə ndyʉ̀ ə̀ yèn wù Klen tsen a zhiʼ wen ndìʼ Simon ə̀ kàn la ghə̀ bwèʼè kəntò kə Yesò.

Gàlesìyà 1:21

Ma ne lù fa Jelusalèm ə ndyʉ̀ ashə ə Silìyà nə̀ Sìlisìyà.

Shwèʼ 21:27

Andìʼ ando mətsi a mì sòmbo nsə mè dyʉ̀, Vəjew vətsenvə mu lù fa loʼ Asìyà yen Bol a ngə̀ŋ Nyìngòŋ ə̀ nè ngəʼ zìtə̀ a tì nòyn viʼi vi, vəwenə ghaʼ Bol,

Shwèʼ 19:10

Bol nè kənyʉ̀ akì a tì ngwʉ̀ʼsə səbò, Vəjew nə̀ viʼi tɨm vi a və ndìʼ a Asìyà zhʉ kənyʉ̀ byìʼì Bobo.

Shwèʼ 18:24

Wu Jus tsen lù vì a Efesùs mu ghə̀ kwì a Alèksandìliyà, zhiʼ wen diʼ Abolòs. Ghə̀ nkɨ əgàʼ a ji a no ndò nkòŋ əzhʉtə. Ghə̀ nkɨ nyʉ̀ fa tì Ŋwàʼlə̀ Nyìngòŋ no ghoʼo.

Shwèʼ 16:6

Bol wenə̀ viʼi ndoŋsə wen jèʼ dyʉ̀ a Fligiya bènə̀ Gàlesìyà byìʼàndo Kəzhwì kə ŋwòʼəkə nko ghʉ̀sə la vəwenə shə̀ʼtə̀ ntɨm ə jùŋ a loʼ Asìyà.

Ŋwàʼlə̀ Luk 21:12

Nyʉ̀ a venə lu sə nchò mu və ghaʼtəli ghə̀ŋ a loʼ ntsentə və Jus ə be wye ghə̀ŋ a mpfɨŋ. Və lu kyè ghə̀ŋ ə dyʉ̀ nə̀ ghə̀ŋ a shɨ təfòyn tə bènə̀ viʼi a və soʼ tò byìʼì mò.

Ŋwàʼlə̀ Mak 13:9

“Nkàntə̀ ghə̀ŋ diʼ ntùʼmə̀. Və lu ghaʼ ghə̀ŋ ə ku la və soʼ ə̀ ghòm ghə̀ŋ a aloʼ ntsèntə̀sə a shɨ viʼi a və soʼo nə̀ təfòyn tə byìʼì mò, ghə̀ŋ lyɨ kəshi kom ə̀ tùʼtə̀ shə̀ʼtə̀ ntɨm jùŋ ə ghom a vəwenə.

Matìyò 10:17

Ghə̀ŋ tùʼmə̀. Və lu ghaʼ ku ghə̀ŋ la və soʼo bè ghòm ghə̀ŋ a vəwenə a loʼ soʼ nsoʼsə nə̀ a lo aloʼ ntsèntə̀sə vəwenə.

1 Kolìntyàns 1:20

Wù ə tofəvə lə ye? Ndìʼsə̀ əsoʼ ye? Nò wìʼ ə yi a ghə̀ kɨ ə kitə̀ nyʉ̀ ə mbi ghèn layn ye? A Nyìngòŋ ə ne li ətof ə viʼi mbyi ə kaʼkə ə sədiʼ to kəkoyn.

Shwèʼ 26:11

Mà nku ngəʼ à vəwenə no a aloʼ ntsèntə̀sə no tsèm no a məzhʉ̀ ntsèm be mwòmsə̀ la vəwenə tyen byɨmə vəwenə à Yesò. Mà mbàynə̀ vəwenə no a jì a mà nlu dyʉ̀ a təloʼ tə tɨm ku ngəʼ à vəwenə tsu.

Shwèʼ 22:19

Ma bwènsə̀ gàʼ à wen la, ‘Bobo, vəwenə kɨ li nəmwèʼè la no nkàntə̀ mò tə njèʼè fà a loʼ ntsèntə̀sə ghaʼtə̀ viʼi vyi a və byɨmə à wù dyʉ̀ shwìntə̀ a mfɨŋ be ghòmə̀.

Shwèʼ 21:39

Bol bwènsə̀ à wen la, “Mà dìʼ wu Jus, mu və mbwì mo a ntə̀ʼ Talsus a loʼ Silisiyà. Mà dìʼ alə̀ mu mà fʉ̀ fa ntə̀ʼ to. Mà lonə la wù ku mo nə̀ jì mà gàʼ à viʼi venə.”

Shwèʼ 19:26

Ghə̀ŋ zhʉ li be nyen kənyʉ̀ a Bol ghèn ə nè fà ghə̀ŋ a ngəŋsə. Ghə̀ ne li nghoʼo viʼi a Efesùs nə̀ a Asìyà no vətsèm mbyɨmə la vənyìngòŋ vi a və shɨ̀tə̀ lì ko diʼ nkàyntə̀ vənyìngòŋ.

Shwèʼ 13:45

Viʼi Jus vətsevə nè yèn ando nòyn viʼi nghoʼo, sə kiʼ kənghə̀ʼ mù zìtə̀ sə gàʼà nyʉ̀ byɨvə byìʼì nyʉ̀ a Bol ngàʼà, be telə wen.

Shwèʼ 13:1

Andìʼ a ntsèntə̀ viʼi vəbyɨməvə a ghə̀ ndiʼ a Antìyòk, viʼi vətsenvə ndiʼ tsu shə̀ʼtə ntɨm Nyìngòŋ, vətsenvə diʼ ndìʼsə̀sə à viʼi vəbyɨməvə. Andìʼ Balnabas nə̀ Simìyòn a və ndzàŋə̀ wen nə̀ Wù Fenə, nə̀ Lusyòs a ghə̀ nlu fa Silen, nə̀ Manen a ghə̀ nkwi wenə̀ gumnà Helòd, bènə̀ Saul.

Shwèʼ 11:20

Viʼi vəbyɨməvə vətsenvə fʉ̀ vì fa Saybùs nə̀ ntə̀ʼ Silen, ə dyʉ̀ a Antìyòk bè sə shə̀ʼtə̀ dyʉ̀ nə̀ ntɨm jùŋə à viʼi tɨm byìʼì Bobo Yesò.

Matìyò 23:34

Mà mù sə gàʼà à ghə̀ŋ la mà ne tɨm nshə̀ʼtə̀sə nə̀ viʼi və tofəvə bènə̀ ndìʼsə̀sə kɨ la ghə̀ŋ ne a zhwilə vətsenvə ə bantə vətsenvə a kəntò be ghom vətsenvə fà ghə̀ŋ a aloʼ ntsèntə̀sə, be ndzɨ̀mə̀ vətsenvə no fa ntə̀ʼ ko a vəwenə dyʉ̀ tsu.

Shwèʼ 6:10

Vəwenə ngùmə̀ wenə̀ Stifèn əzaʼa kəlyɨŋ kətsenkə a vəwenə nko bè kìʼ kənyʉ̀ əgàʼ byìʼàndo Stifèn ngàʼà nə̀ tofə mu à kù kəzhwì kə ŋwoʼəkə.

Shwèʼ 24:18

Vəwenə nyèn mo a ngə̀ŋ Nyìngòŋ mu mà sə diʼ mu mà ne li nyʉ̀ avenə ə mè mbe shʉ wen ghomə ndi ndiʼ nə̀ laynə shɨ Nyìngòŋ. Kənyʉ̀ kə nko chò tsu kò andiʼ la nòyn viʼi diʼ tsu.

Swiv nou:

Lyen patwone

Piblisite

Piblisite