Shwèʼ 6:5 - The New Testament in the Babanki language

⁵ Viʼi vəbyɨməvə a vyi sə̀ saŋlə̀ no a nkàyn byìʼì kənyʉ̀ kènkə a viʼi ntɨm ə̀ Yesò ngaʼà lə̀ mù tsuʼ Stifèn andiʼì wìʼ mu ghə̀ byɨmə li à Nyìngòŋ no a nkàyn, kəzhwì kə ŋwoʼəkə be tomsə̀ wen, bè tsuʼ Filib nə̀ Blocholus nə̀ Nikanòl nə̀ Timon nə̀ Balmenas bènə̀ Nikolawus andiʼì wù Antìyòk mu ghə̀ kaʼsə li sə diʼ to nə̀ wù Jus.

Shwèʼ 6:5 Referans Kwoze

Shwèʼ 11:24

Balnabas ghèn ndìʼ wu jùŋ, kiʼ byɨmə no a nkàyn be diʼ mu Kəzhwì kə ŋwòʼəkə lwin li à wen a tyɨm. Viʼi byɨmə à Nyìngòŋ byìʼì wen no vəghoʼo.

Shwèʼ 21:8

Tʉʼ lan, yès lù dyʉ̀ a Sisalìyà ə̀ dyʉ̀ kwèn a ngə̀ŋ wutsen a ghə̀ nshə̀ʼtə̀ ntɨm jùŋ Nyìngòŋ, zhiʼ wen diʼ Filib bè tsì tsu. Ghə̀ ndìʼ wìʼ muʼ fa ntìntìn viʼi vyi a və ntsuʼù a Jelusalèm lì.

Shwèʼ 6:8

Stifèn ndìʼ wìʼ mu Nyìngòŋ bwaʼsə li wen no a nkàyn bè kù kədyòʼ à wen la ghə̀ ə nè nyʉ̀ kanəvə à viʼi a ntìntìn,

Shwèʼ 7:1

Kətʉ kə tʉtʉ və pfèm və ngə̀ŋ Nyìngòŋ bèm à Stifèn la, “Nyʉ̀ venə a və gàʼà byìʼì wù lə̀ dìʼ nəmwèʼè lo?”

Shwèʼ 6:3

Yès ə̀ mu sə gàʼà à ghə̀ŋ a vəlèmə̀ vyesə la, ghə̀ŋ tsuʼ viʼi sòmbo fà ghə̀ŋ a ntìntìn a və kiʼ ntsìnə̀ tofə, kəzhwì kə ŋwoʼəkə be tomsə̀ vəwenə ndi yès ku shwèʼ aghenə à vəwenə.

Shwèʼ 13:1

Andìʼ a ntsèntə̀ viʼi vəbyɨməvə a ghə̀ ndiʼ a Antìyòk, viʼi vətsenvə ndiʼ tsu shə̀ʼtə ntɨm Nyìngòŋ, vətsenvə diʼ ndìʼsə̀sə à viʼi vəbyɨməvə. Andìʼ Balnabas nə̀ Simìyòn a və ndzàŋə̀ wen nə̀ Wù Fenə, nə̀ Lusyòs a ghə̀ nlu fa Silen, nə̀ Manen a ghə̀ nkwi wenə̀ gumnà Helòd, bènə̀ Saul.

Shwèʼ 11:19

Viʼi vəbyɨməvə vi a və nlù nyɨŋkə byìʼì ngəʼ yi a ghə̀ ndiʼ ando və nzhwi Stifèn ə̀ sàykə̀ dyʉ̀ a loʼ Fònisiya nə̀ a loʼ Saybùs bènə̀ a ntə̀ʼ ghoʼo tsen, a və dzàŋə̀ la Antìyòk. Vəwenə nshə̀ʼtə̀ dyʉ̀ nə̀ ntɨm jùŋ tò à Vəjew.

Shwèʼ 6:10

Vəwenə ngùmə̀ wenə̀ Stifèn əzaʼa kəlyɨŋ kətsenkə a vəwenə nko bè kìʼ kənyʉ̀ əgàʼ byìʼàndo Stifèn ngàʼà nə̀ tofə mu à kù kəzhwì kə ŋwoʼəkə.

Kəmwetə 2:15

Viʼi vətsenvə bè dìʼ à ghə̀ŋ ə ntìntìn a vəwenə dzɨ̀mtə̀ əziʼi Nikolawus.

Kəmwetə 2:6

Kənyʉ̀ a ghə̀ŋ ə nè a kə bòŋə̀ à mò dìʼ la ghə̀ŋ ə bàynə̀ ənyʉ̀ tsenəvə a nkàyntə̀ mo ə bè bàynə̀. Ənyʉ̀ a vyi diʼ ənyʉ̀ a ndzɨ̀mtə̀sə bàm ə̀ Nikolawus sə nè.

Shwèʼ 15:22

Viʼi ntɨm Yesò nə̀ vəchəʼ bènə̀ nòyn viʼi vəbyɨməvə vi no tsèm mù ghʉ̀ la vəwenə a tsuʼ viʼi vətsenvə fà vəwenə a ntìntìn ə tɨm wenə̀ və Bol nə̀ Balnabas a Antìyòk. Vəwenə ntsùʼ Silàs wenə̀ Judàs a zhiʼ wen tsenghə ndìʼ Balabas. Vəwenə ndìʼ viʼi, a viʼi vətsèm ngumlə̀ vəwenə.

Matìyò 23:15

Ngəʼ ghoʼo diʼ à ghə̀ŋ ndìʼsə̀sə təsoʼ wenə̀ viʼi Falàsi, ghə̀ŋ viʼi kənbɨ̀lə̀ kə ashɨ. Ghə̀ŋ jèʼè kəghaf be təmə mu mə ntomə̀ to ndi nè la wìʼ muʼ zhʉ byɨmə kənyʉ̀ a ghə̀ŋ dìʼsə̀. No a zhʉ̀ kò a ghə̀ŋ nè ghə̀ byɨmə, ghə̀ŋ sə shyèʼè wenə̀ vəwenə ənè la ghə̀ kwʉʼ ədyʉ̀ a zhìʼ chò tè ghə̀ŋ.

Shwèʼ 2:4

Kəzhwì kə Ŋwoʼəkə kwen à vəwenə a tətyɨm ə̀ nè no mə ndò a ghə̀ ndiʼì tsu zìtə̀ sə̀ gàʼà gaʼa Loʼo kədyàŋ ando kəzhwì akì ntensə wen la ghə̀ gàʼ.

Shwèʼ 11:20

Viʼi vəbyɨməvə vətsenvə fʉ̀ vì fa Saybùs nə̀ ntə̀ʼ Silen, ə dyʉ̀ a Antìyòk bè sə shə̀ʼtə̀ dyʉ̀ nə̀ ntɨm jùŋə à viʼi tɨm byìʼì Bobo Yesò.

Shwèʼ 11:22

Viʼi vəbyɨməvə vi a və ndìʼ a Jelusalèm nè zhʉ̀ soʼgho byìʼì kənyʉ̀ akènkə ə̀ tɨ̀m Balnabas la ghə̀ dyʉ̀ a Antìyòk.

Shwèʼ 11:26

Ghə̀ nè kəŋə wen ə̀ yen, ə̀ lyɨ̀ wen wenə̀ wen dyʉ̀ a Antìyòk ə̀ tsì tsu ngwʉʼ mpfen ziʼì viʼi vəbyɨməvə no vəghoʼo. Andìʼ a Antìyòk a və nzìtə̀ sə toŋtə̀ ndzɨ̀mtə̀sə bàm Yesò nə̀ və Viʼi və byɨməvə.

Shwèʼ 11:27

Andìʼ tò a mətsi ayì, nshə̀ʼtə̀sə səghoʼkəsə sətsensə lù fa Jelusalèm ə̀ shiʼi a Antìyòk,

Shwèʼ 22:20

Andìʼ ando və nzhwi Stifèn ando ghə̀ nti a nə̀ wuyenə byìʼì wù, nkàntə̀ mò ndìʼ tsu tomsə̀ la və zhwi wen. A ntùʼmə̀ nə̀ mò tùʼmə̀ nə̀ gwʉ̀nə̀ viʼi vyi a və nzhwi wen.’