Shwèʼ 6:3 - The New Testament in the Babanki language

³ Yès ə̀ mu sə gàʼà à ghə̀ŋ a vəlèmə̀ vyesə la, ghə̀ŋ tsuʼ viʼi sòmbo fà ghə̀ŋ a ntìntìn a və kiʼ ntsìnə̀ tofə, kəzhwì kə ŋwoʼəkə be tomsə̀ vəwenə ndi yès ku shwèʼ aghenə à vəwenə.

Shwèʼ 6:3 Referans Kwoze

1 Timotì 5:10

viʼi kɨ la ghə̀ kiʼi ntsìnə̀ ə jùŋ, mu ghə̀ tùʼmə̀ li kwisə vunə wen, bè shisə viʼi ə ghayn no a nkàyn. A diʼ ə ndiʼ wìʼ mu ghə̀ tə ə ngyàmtə̀ viʼi və byɨməvə bè gyàmtə̀ viʼi vyi a və kiʼi ngəʼsə. A diʼ ə ndiʼ wìʼ mu ghə̀ be ə ku wen ə wen ə sə nè təshyèʼ tə jùŋtə tò a tənkì a tənkì.

3 Joyn 1:12

Viʼi vətsèm ə gàʼà njùŋ byìʼì Demetyòs, nkàntə̀ nəmwèʼè be diʼi njùŋ a wen a ntsìnə̀, mà be gàʼà, wù kɨ la kənyʉ̀ a mà gàʼà byìʼì wen dìʼ nəmwèʼè.

Jems 1:17

No kəku kə jùŋ kə kò a kə bòŋə̀ ə lù fà kàŋ mu à ku Tìʼ a ghə̀ ə nshɨtə bayn. Tìʼ ayì ko lu nkwitə kò ghə̀ lu nè la vəghəŋ ndiʼ a tì mfɨnə̀ byìʼàndo ghə̀ ko lu kwitə.

Efisyàns 5:18

Kə ghə̀ŋ nyʉ məlyʉ̀ʼ moʼtə mə ghaʼ ghə̀ŋ byìʼì ando məlyʉ̀ʼ ne viʼi tsi ntsìnə̀ nyamsə. Ghə̀ŋ boŋsə moʼtə kəzhwì kə Ŋwoʼkə lywinsə ghə̀ŋ.

1 Kolìntyàns 16:3

A lu ndiʼ ando mà vì, ə mà tɨm viʼi vyi a ghə̀ŋ tsùʼtə nə̀ ŋwàʼlə̀, vəwenə lyɨ̀ dyʉ̀ nə̀ kəku na kènkə a Jelusalèm.

Shwèʼ 22:12

“Wutsen ntsi tsu gumlə̀ Nyìngòŋ be tsi ando soʼ vəghəŋ ə kəŋə, Vəjew no vətsèm ngumlə̀ wen, zhiʼ wen ndìʼ Ananyàs.

Shwèʼ 10:22

Viʼi vi gàʼ la, “Yès diʼ a shèn mù à tɨ̀m Kòneliyòs, kətʉ kə vəsugyèʼ ntɨmə yes. Ghə̀ dìʼ wù kənyʉ̀ kə tɨməkə, fànə̀ Nyìngòŋ, no Vəjew no vətsèm be gumlə̀ wen. Ntsɨ̀ŋ ngə̀ŋ Nyìngòŋ ŋwoʼo tsen tə gàʼ à wen la, ghə̀ tɨm ntɨm ə̀ dzàŋ wù wu vi à wen a ngə̀ŋ ə̀ shə̀ʼtə̀ kənyʉ̀ à wen.”

Shwèʼ 6:6

Viʼi vəbyɨməvə a vyi tsuʼ viʼi avenə a lì vì nə̀ vəwenə a shɨ viʼi ntɨm ə̀ Yesò vəwenə ghʉ avu à vəwenə a tʉ ə̀ jɨ̀m à vəwenə.

Shwèʼ 2:4

Kəzhwì kə Ŋwoʼəkə kwen à vəwenə a tətyɨm ə̀ nè no mə ndò a ghə̀ ndiʼì tsu zìtə̀ sə̀ gàʼà gaʼa Loʼo kədyàŋ ando kəzhwì akì ntensə wen la ghə̀ gàʼ.

Shwèʼ 1:21

Bità shə̀ʼtə̀ a lì mù bè gàʼ la, “Kə lì dìʼì la yès diʼ tsuʼ wìʼ muʼ ghə̀ tsèntə̀ nòyn yes ə nshə̀ʼtə̀ dyʉ̀ a viʼi la Yesò lu li fa pfʉ. A diʼ ndiʼ wì fa ntìntìn viʼi vi a yo vəwenə tə njèʼè kuʼu shiʼì fa bàm Yesò a muʼu əlù fa tʉʼ a Joyn nzìtə̀ sə̀ ku mu à viʼi əkuʼ əzaʼa a kətsi a Nyìngòŋ nlyɨ Yesò fà yès a ntìntìn ə̀ kùʼsə a kàŋ.”

Matìyò 23:8

Anə̀ ghə̀ŋ, ghə̀ŋ dìʼ tò vəlèmə̀ no vətsèm kiʼ tò ndìʼsə̀ muʼ. Kə ghə̀ŋ nè nkəŋə la və ndzàŋə̀ wìʼ fà ghə̀ŋ nə̀ ndìʼsə̀.

1 Kolìntyàns 12:8

Kəzhwì na kènkə kə mùʼ nə̀ dyʉ̀ a wu ə tsen, kə ne la ghə̀ ngàʼà nə̀ ətofə, kə dyʉ̀ a wutsen kə ne la ghə̀ nkɨ ə shə̀ʼtə̀ nyʉ̀ vyi a kə diʼi a wen.

Shwèʼ 16:2

Viʼi vəbyɨməvə a və ndìʼ a Lista bènə̀ a Ikonùm nkɨ la Timotì kìʼ ntsìnə̀ jùŋə.

Shwèʼ 15:23

Və ntɨ̀m vəwenə a Antìyòk nə̀ ŋwàʼlə̀ ghə̀ gàʼà la: Yès viʼi ntɨm Yesò nə̀ vəchəʼ, à diʼì vəlèmə̀ vəŋə ə tɨmə̀ toŋtə à ghə̀ŋ viʼi tɨm vəbyɨməvə vi a və tsi a Antìyòk, nə̀ a loʼ Sylia bènə̀ a Silisiyà.

Shwèʼ 9:30

Viʼi vəbyɨməvə vətsenvə vi nè kɨ kənyʉ̀ akì no a zhʉ̀ kò ə lyɨ̀ wen ə̀ nyɨŋsə ə̀ shìʼsə nə̀ wen a Sisalìyà ə̀ tɨ̀m la ghə̀ bwènə̀ dyʉ̀ a Talsus.

Joyn 21:23

A le kənyʉ̀ ki a kə nè, ndzɨ̀mtə̀sə bàm Yesò sə sə gàʼa dyʉ̀ to la, na ghèn ko lu pfʉ̀. Alì, Yesò ə ko ngàʼa la ghə̀ ko a pfʉ̀. Ghə̀ ngàʼa la, “Ma le diʼ ə moʼtə la ghə̀ tsi to tsì zaʼa fa kətsi mà lù bwenə vi, ngəʼ ə wù ə sədiʼ ghò tsu a?”

Shwèʼ 1:15

Mətsi chò tò nshə̀ʼ alə̀, viʼi və byɨməvə ə zaʼa ghɨ nə̀ məwum mbò be sə ŋwʉʼ tò kəshi kə mùʼ, Bità lù tɨmə əgàʼ à vəwenə ə̀ gàʼ la,

Shwèʼ 6:2

Viʼi ntɨm ə̀ Yesò vi njʉ̀sə̀ bò dzàŋtə̀ viʼi və byɨməvə vi no vətsèm və vì tsèntə. Vəwenə mù gàʼ à vəwenə la, “Kə ko bòŋ la yès ghʉsə ke nshə̀ʼtə̀ kənyʉ̀ kə Nyìngòŋ bòŋsə̀ ŋwʉʼʉ ngə̀tə̀ fozhɨvə.

Shwèʼ 6:5

Viʼi vəbyɨməvə a vyi sə̀ saŋlə̀ no a nkàyn byìʼì kənyʉ̀ kènkə a viʼi ntɨm ə̀ Yesò ngaʼà lə̀ mù tsuʼ Stifèn andiʼì wìʼ mu ghə̀ byɨmə li à Nyìngòŋ no a nkàyn, kəzhwì kə ŋwoʼəkə be tomsə̀ wen, bè tsuʼ Filib nə̀ Blocholus nə̀ Nikanòl nə̀ Timon nə̀ Balmenas bènə̀ Nikolawus andiʼì wù Antìyòk mu ghə̀ kaʼsə li sə diʼ to nə̀ wù Jus.

Shwèʼ 28:14

Ando yès nkwen ə̀ vì tsu, yès kwetə viʼi vəbyɨməvə, vəwenə sensə la yo vəwenə tsi. Yo vəwenə tsi woŋ mpfen, yès mù chò dyʉ̀ a Lum.