Shwèʼ 5:5 - The New Testament in the Babanki language

⁵ Ando Ananyàs nzhʉ̀ kənyʉ̀ a kèn no a zhʉ̀ kò, ə̀ fəŋ a nse ə̀ pfʉ. Ə̀ fàyn ghoʼo ghə̀ ghaʼ viʼi no vətsèm a və nzhʉ kənyʉ̀ a kènkə.

Shwèʼ 5:5 Referans Kwoze

Shwèʼ 2:43

Nyìngòŋ nè viʼi ntɨm ə Yesò və sə̀ nè nyʉ̀ kanəvə no ghoʼo, və nè viʼi vətsèm sə̀ diʼ nə̀ kanə.

Kəmwetə 11:13

Nse shen no mwèʼè mwèʼè, tò a zhʉ ayì ə̀ bə̀ytə̀ əshyə ntə̀ʼ muʼ fa tì təshyə wum ə̀ zhwilə viʼi nkamsə sòmbo. Əfàyn ə vì a tətyɨm ə̀ viʼi vyi a və mfaŋə̀ tsu lì no nànto vəwenə mù sə ku əghoʼsə à Nyìngòŋ yì a ghə̀ diʼì a kàŋ.

Kəmwetə 11:5

Wìʼ sətsèn ə̀ mwòmsə̀ ə lyomsə vəwenə, əzhiʼ à fʉ̀ fà vəwenə təchʉ̀ ə̀ byɨ̀sə viʼi kəbàyn ə̀ vəwenə a vyi, a ji aghèn ə zhwi no tè ndò a ghə̀ mwòmsə̀ ə lyomsə vəwenə.

2 Kolìntyàns 13:2

A tə ndiʼ ando mà nvi yen ghə̀ŋ a sə diʼ aghayn a bò, ma nku li kətyiftə a viʼi vyi a və tə ne nyʉ̀ ə byɨvə, be ku no tèbe ando ə tsen. Ma ku kətyiftə na ki luwen, ko ma lu diʼ tèbe a ghə̀ŋ a ben. Ma gàʼà la mà sətsen be bwènə̀ vì, mà ku ngəʼ no tèbè a ndò yi a ghə̀ nè byɨbsə kənyʉ̀.

2 Kolìntyàns 7:11

Ghə̀ŋ yen li kənyʉ̀ ki a kə fʉ li a ghə̀ŋ a ntsìnə̀sə ando ghə̀ŋ tə nsù kətʉ mu a ne Nyìngòŋ a, ghə̀ŋ fwàynə̀ Nyìngòŋ! Ghə̀ŋ yen ando ghə̀ŋ lɨbtə ə taŋ əchʉ̀ ghəŋə a. Ghə̀ŋ yen li ando kənyʉ̀ na kì ə nzafə ghə̀ŋ a. Kənyʉ̀ a kì ə tə ə nè, ghə̀ŋ sə fwàynə̀ no nànto. Ghə̀ŋ tə nkòŋ ə yen mo no nànto. Ghə̀ŋ tə sə lɨ̀mtə̀ ə nè kənyʉ̀ kumə kənyʉ̀ na kì, be sə kòŋ ə ku ngəʼ a wìʼ yi a ghə̀ nè byɨbsə kənyʉ̀. Ghə̀ŋ diʼi li to ji sə tsèm la ghə̀ŋ ko tə əkɨ kənyʉ̀ na kènkə.

1 Kolìntyàns 4:21

Ghə̀ŋ kòŋ la mà sə vi a ghə̀ŋ, vi nə̀ ghò? Ghə̀ŋ kòŋ la mà vi nə̀ ngwàyn mu, mà vi nə̀ ə kòŋə bè nə̀ mbwaʼmə lo?

Shwèʼ 13:11

Bobo a ku ngəʼ à wù luwèn ə nè wù shɨf kènla wù be a nyenə shi a kətemə kə zhʉ kətsenkə.” Tò a zhʉ ayì, kəlam kə fenəkə chiʼtə ashɨ wen ghə̀ shɨ̀fkə̀, ghə̀ sə jèʼè mwòmtə̀ shì, kəŋə wìʼ ə ghə̀ ngùftə̀ wen fa kwoŋ dìʼì jì à wen.

Shwèʼ 5:13

Viʼi a və ko ndìʼ viʼi və byɨməvə nko mwòmə̀ ə tsèntə vəwenə alì kiʼi gumlə ghoʼghə à vəwenə.

2 Kolìntyàns 13:10

Ma nyoʼo ŋwàʼlə̀ ghèn la ghə̀ vi a ghə̀ŋ a ambì mibu mà sə vi, ndi mà sə vi mu ghə̀ŋ kwitə li, ko ma be a diʼ kədyòʼ kòmkə a ghə̀ŋ. Ghə̀ŋ kɨli la kədyòʼ kì a Nyìngòŋ ə kù a mò diʼ la mà nkwisə ghə̀ŋ kwisə nə̀ kəwenkə, ghə̀ ko ku la mà byɨbsə ghə̀ŋ byɨbsə nə̀ kəwenkə.