Shwèʼ 5:16 - The New Testament in the Babanki language

¹⁶ Viʼi no vəghoʼo fʉ̀ ə̀ vì fa ntə̀ʼsə shì a sə mboʼsə̀ a Jelusalèm nə̀ viʼi vəkwaʼkəvə vəwenə bènə̀ viʼi vi a zhwì byɨvə nku ngəʼ à vəwenə və chʉʼ vəwenə no vətsèm.

Shwèʼ 5:16 Referans Kwoze

Jems 5:16

Ghə̀ŋ ə nshə̀ʼtə̀ lì mbyɨsə sə̀ŋsə à ghə̀ŋ a ntìntìn be jɨ̀mə̀ à no ndò à ghə̀ŋ a ntìntìn ndi və chʉʼ ghə̀ŋ. Jɨmə wù kənyʉ̀ kə tɨməkə kiʼ kədyòʼ kə ghoʼokə a nyʉ̀ a jɨ̀m ayi nè.

Shwèʼ 4:30

Ne viʼi kɨ la wù kìʼ kədyòʼ ənè viʼi vəkwaʼkəvə to. Gyàmtə̀ yes ə dìʼ chwitə nyʉ̀ kanəvə a kədyòʼ Yesò wù shwèʼè wu ŋwoʼə.

Joyn 14:12

Ma gaʼa a ghə̀ŋ no nəmwèʼè la, a byɨmə no ndò a mò, ghə̀ a nè tənki tə nyʉ̀ titə a ma nè be nè chò no fa ali byìʼàndo ma bwenə dyʉ̀ a Tìʼ.

Ŋwàʼlə̀ Luk 9:11

Nòyn viʼi a vyi nè kɨ̀ kəshi a ghə̀ diʼi tsu, vəwenə dzɨ̀mtə̀ dyʉ̀ nə̀ wen tsu. Yesò shisə vəwenə no a nkàyn sə gàʼ à vəwenə kùmə̀ soʼ fòyn Nyìngòŋ be chʉʼʉ viʼi a və nkəŋ la ghə̀ chʉʼ vəwenə.

Ŋwàʼlə̀ Luk 5:17

A sə ndiʼ kətsi kətsenkə tò mətsi ayì, Yesò sə nziʼi a kəshi, viʼi Falàsi nə̀ ndìʼsə̀sə təsoʼ sə ŋwʉʼ tsu, mu vəwenə fʉ̀ no fa ntə̀ʼsə tsèm a Galìlì nə̀ Judiyà bènə̀ Jelusalèm. A ndiʼ ali, kədyòʼ kə Bobo kə diʼ à wen ə ghə̀ chʉʼ təkwaʼa.

Matìyò 8:16

A nè sə ndiʼ a kəlyɨŋ kə mpfwòmə, və vì nə̀ viʼi à wen no və ghoʼo a və nkiʼi zhwì byɨvə, Yesò gàʼ tò kənyʉ̀ kə mùʼ, zhwì byɨvə a vyì fʉkə, ghə̀ bè chʉʼ viʼi və kwaʼkə və no vətsèm.

Matìyò 4:24

Soʼo gho kùmə̀ shwèʼ wen dyʉ̀ a loʼ Sylia no tsèm, viʼi mù sə̀ lyɨ̀ viʼi nə̀ tə nkì tə kwaʼa vì nə̀ vəwenə à Yesò. Və sə̀ vì nə̀ viʼi a və nzhʉ lɨ̀m njòsə wen no ŋàŋ, vì nə̀ vətsen və a və nkiʼi zhwì byɨvə bènə̀ viʼi kembvʉ bènə̀ viʼi mu və kwàʼkəli, Yesò chʉʼ vəwenə no vətsèm.

1 Kolìntyàns 12:9

Kəzhwì na kènkə kəmùʼ kə ne dyʉ̀ a wutsen, kə nè la əbyɨmə ə wenə ntotə̀, kə sə dyʉ̀ a wutsen, kə ku kədyòʼ la ghə̀ nchʉʼʉ təkwaʼa tə viʼi.

Matìyò 2:16

Helòd nè yen la viʼi və tofə və vyi lobtə̀li yì, kənyʉ̀ a kèn kə zaf wen no nə̀ ŋàŋ. Ghə̀ chòsə̀ soʼ la və zhwilə vunə lyʉmə a Bètelehèm nə̀ vunə a və sə̀ diʼ ngwʉ̀ʼsə bò byìʼì zhʉ a viʼi və tofəvə vyì nshə̀ʼtə̀ la fədzɨ̀ŋ fìfə nfʉ tsu.

Shwèʼ 5:15

Viʼi yen nyʉ̀ kanəvə vi mù sə̀ bwèʼè viʼi vəkwaʼkəvə vəwenə a mbùŋ bènə̀ a təghàm fʉ̀ ghʉ a mbyɨ̀sə jisə la Bità nè sə nchò no tò kəndemndem kə wen kə kum viʼi a vyi.

Shwèʼ 5:17

Kətʉ kə tʉtʉ vəpfèm və ngə̀ŋ Nyìngòŋ wenə̀ viʼi bàm wen no vətsèm a andiʼì viʼi ntsentə Vəsadùsis zìtə̀ kəghəʼ kə fànsə kə kətsenkə a wèn viʼi ntɨm ə̀ Yesò mù ghʉ̀ la vəwenə ne yen kənyʉ̀.

Ŋwàʼlə̀ Luk 6:18

Viʼi a vyi nfʉ vì no vətsèm ndi əzhʉtə ziʼi Yesò bènə̀ la ghə̀ bè chʉʼ təkwaʼa tə vəwenə. Ghə̀ bè chʉʼ no məndo a ghə̀ nkwaʼa nə̀ kəzhwì kəbyɨkə.