Shwèʼ 5:11 - The New Testament in the Babanki language

¹¹ Fàyn ghoʼghə ghaʼ viʼi və byɨməvə vi no vətsèm bènə̀ viʼi vətsenvə a və nzhʉ kənyʉ̀ akì.

Shwèʼ 5:11 Referans Kwoze

Shwèʼ 5:5

Ando Ananyàs nzhʉ̀ kənyʉ̀ a kèn no a zhʉ̀ kò, ə̀ fəŋ a nse ə̀ pfʉ. Ə̀ fàyn ghoʼo ghə̀ ghaʼ viʼi no vətsèm a və nzhʉ kənyʉ̀ a kènkə.

Hibùlù 4:1

Nyìngòŋ ə nghʉ̀ la vəghəŋ lu kwen akəshi yi a ghə̀ diʼi tsu kə kiʼi nzhʉtə. Kənyʉ̀ a kenkə a ghə̀ nghʉ kə bo ti. Ghə̀ŋ diʼ ntuʼmə kə wìʼ fa ghə̀ŋ ə ne faŋ ke kiʼi nzhʉtə na ghèn.

Shwèʼ 19:17

Vəjew nə̀ viʼi tɨm vi a və ndìʼ a Efesùs nè zhʉ̀ kənyʉ̀ a kə yì chò sə̀ diʼ nə̀ fanə mù sə kuʼsə zhiʼ Bobo Yesò.

Filìbàyns 2:12

Luwen a vəlèmə̀ və kòŋ ə̀ mò, ando ghə̀ŋ tə zhʉ gɨ̀ ghom, ando mà ndiʼ vəghəŋ, kə a mbòŋsə̀ bòŋə̀ no nkàyn la ghə̀ŋ ntùʼtə̀ zhʉ gɨ̀ ghom ando mà ko bè diʼ vəghəŋ. Ghə̀ŋ myetə nè əshyèʼ yi a ghə̀ faŋə̀ nə̀ gumlə ghə bènə̀ fwàyn ə Nyìngòŋ ndi Nyìngòŋ myetə li bwoŋsə̀ ghə̀ŋ.

Hibùlù 12:15

Ghə̀ŋ tuʼmə, kə wìʼ na faŋ ke yen ətyɨm ə jùŋə ghə̀ yi a Nyìngòŋ ə diʼi a wen. Ghə̀ŋ be tuʼmə, kə wìʼ ə demə fʉ̀ a ghə̀ŋ a ntìntìn, kiʼ ətyɨm ə byɨghə ə byɨbsə təkwòʼtə̀ tə viʼi.

Hibùlù 12:28

Vəghəŋ nku li kəzòŋ a Nyìngòŋ ando ghə̀ kù li lòʼ a vəghəŋ a ghə̀ ko zizi lu nə̀ʼkə̀. Vəghəŋ ə̀ nkuʼsə Nyìngòŋ a ji yi a ghə̀ kəŋ fa tsù, gumlə Nyìngòŋ no nànto.

Kəmwetə 15:4

Tìʼ, a lè à faŋ ndo ke mfànə̀ be ghoʼsə̀ əzhiʼ ə̀ wu a? Adìʼ tò wunyɨŋ diʼ wu ŋwòʼə. Viʼi təloʼ tə tsèm ə lù vi ghoʼsə̀ wù byìʼàndo viʼi vətsèm ə yen li a ndayn la əshyèʼ wu diʼ əshwèʼ ə tɨməghə.”

1 Bità 1:17

A zhʉ a ghə̀ŋ ə jɨ̀mə̀ a Nyìngòŋ, ghə̀ŋ sə toŋtə wen la Tìʼ, a diʼ wen yi a ghə̀ soʼo viʼi vətsèm, soʼo ali, soʼo no ndò to ndə̀ŋndəŋ. Kə le diʼi la ghə̀ŋ diʼ ə gumlə wen no nànto ando ghə̀ŋ bo tsitə a nse ashen.

Hibùlù 11:7

Nuwà ə mbyɨmə a Nyìngòŋ ə zhʉ kətyiftə kì a ghə̀ kù kumə nyʉ̀, və mbo ndiʼ ə lu fʉ. Ghə̀ zhʉ li Nyìngòŋ ə bayntə kəbaŋ la kə bwoŋsə wen wenə ngwaʼ ə ngə̀ŋ ə wen. Ghə̀ mbyɨmə li a Nyìngòŋ, ə diʼ làynsə la viʼi mbyi vətsenvə ə̀ diʼ viʼi və byɨvə ali ghə̀ fʉ̀ a wù kənyʉ̀ kətɨməkə.

Shwèʼ 2:43

Nyìngòŋ nè viʼi ntɨm ə Yesò və sə̀ nè nyʉ̀ kanəvə no ghoʼo, və nè viʼi vətsèm sə̀ diʼ nə̀ kanə.

Shwèʼ 9:31

No viʼi vəbyɨməvə vətsèm a Judiyà nə̀ Galìlì bènə̀ a Samalìyà nko be fàynə. Nòyn viʼi vəbyɨməvə mù sə ghoʼo vì tò vì, byɨmə vəwenə be to kuʼu tò kuʼu, Kəzhwì kə ŋwòʼəkə gyàmtə̀ vəwenə, vəwenə ntsi ando Bobo nkəŋə.