Shwèʼ 4:21 - The New Testament in the Babanki language

^21-22 Viʼi a vyi yen la vəwenə ko be kiʼ jì ə zhuŋsə Bità wenə̀ Joyn byìʼàndo no viʼi vətsèm sə bwomsə̀ tò Nyìngòŋ byìʼì kənyʉ̀ kì a kə ncho wìʼ yì to. Vəwenə mu bè kàyntə̀ nyʉ̀ a Bità wenə̀ Joyn a gɨ to mù ghʉsə vəwenə la vəwenə ndyʉ̀. Wìʼ yì a və nchʉʼʉ̀ lì ndiʼ mu ghə̀ chò li ngwʉʼ məwum nkàʼ.

Shwèʼ 4:21 Referans Kwoze

Shwèʼ 5:26

Kətʉ kə viʼi vyi a və ntsɨ̀ŋə̀ ngə̀ŋ Nyìngòŋ lì nè zhʉ̀ a lì wenə̀ viʼi wen dyʉ̀ ghaʼ viʼi ntɨm a vyi tò nə̀ mbwaʼmə̀ byìʼàndo vəwenə mfànə̀ la viʼi zì və temlə vəwenə nə̀ ngùʼsə.

Ŋwàʼlə̀ Luk 22:2

Tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ Nyìngòŋ nkəŋ jisə ə nyeʼtə zhwi Yesò kò ndiʼi la viʼi a kɨ byèʼ ando vəwenə fàynə viʼi.

Ŋwàʼlə̀ Luk 20:19

Ndìʼsə̀ sə təsoʼ bènə̀ tʉtʉ vəpfèm və ngə̀ŋ Nyìngòŋ kɨ la ghə̀ yi mò ngàyn yì byìʼì vəwenə mù sə kəŋ ji əghaʼ wen tò a zhʉ ayì ali vəwenə ə fàyn nə̀ ashɨ viʼi.

Ŋwàʼlə̀ Luk 20:6

Vəghəŋ sətsèn gàʼ la, ‘A nku viʼi ku adyòʼ à wen,’ viʼi vətsèm à tem ə zhwilə vəghəŋ nə̀ ngùʼsə byiʼ ando vəwenə nkɨ la Joyn ndiʼi nshə̀ʼtə̀ ghoʼo.”

Matìyò 21:46

vəwenə mù sə̀ kəŋə jì əghaʼ wen alì sə fàynə̀ nòyn viʼi yì a ghə̀ ndiʼì tsu byìʼàndo nòyn ayi nlyɨ̀ wen anə̀ nshə̀ʼtə̀ ghoʼo.

Matìyò 9:8

Viʼi nè yen alì sə fàyn no ŋàŋ, bè mù sə̀ kuʼsə Nyìngòŋ ando ghə̀ ku nki àdyoʼ a ghèn à viʼi.

Shwèʼ 5:40

mù dzàŋ viʼi ntɨm ə̀ Yesò vi la vəwenə bwensə kwèn a ngə̀ŋ. Vəwenə gàʼ və ghòm vəwenə bè kàn la kə vəwenə be gàʼ kənyʉ̀ a zhiʼ Yesò, mù gàʼ la vəwenə ndyʉ̀.

Shwèʼ 4:17

Vəghəŋ dzàŋ viʼi avenə ə̀ kàyn la kə vəwenə be lə̀ gàʼ kənyʉ̀ kə tsen a wutsen a zhiʼ Yesò Klistò, ndi kə viʼi be a zhʉ̀ kənyʉ̀ kèn no və ghoʼo.

Ŋwàʼlə̀ Luk 13:17

Ando ghə̀ ngàʼà alì viʼi kəbàyn wen no vətsèm sə dìʼi. Nghoʼo viʼi tsu sə saŋlə kùmə̀ nyʉ̀ kàynə vyi və tsèm a ghə̀ nè.

Ŋwàʼlə̀ Luk 5:26

Vəwenə sə diʼ nə̀ kàynə, fàyn ghaʼ vəwenə, vəwenə bwomsə Nyìngòŋ gàʼ à la, “Vəghəŋ yenli nyʉ̀ kàynə və layn!”

Matìyò 26:5

Vəwenə gàʼ à vəwenə a ntìntìn la,“Kə vəghəŋ à ghaʼ wen a məzaʼsə̀ ghèn byìʼì ko viʼi à lùsə soyn.”

Matìyò 15:31

Viʼi vi sə diʼ nə̀ kaynə ando və nyenə la bɨbɨ̀ sə bwènsə̀ gàʼà, və ngesə̀ fwen nə̀ viʼi kənkwàʼkə̀ be bwènsə̀ jèʼè tò a nkayn, bènə̀ la nshɨ̀f nsə̀ bwènsə̀ yenə shi. Vəwenə yen a lì sə̀ ghoʼsə̀ Nyìngòŋ viʼi Islel.

Matìyò 9:33

Yesò dzɨ̀mə̀ shisə kəzhwì kə byɨkə a kì alì, wìʼ a yi ə gàʼa. Ənòyn ə viʼi vyi ə sə dìʼ nə̀ kàynə ə gàʼa la, “vəghəŋ ko tɨmə yen nki kənyʉ̀ alə̀ aloʼ ə Islel a shə̀.”

Shwèʼ 5:13

Viʼi a və ko ndìʼ viʼi və byɨməvə nko mwòmə̀ ə tsèntə vəwenə alì kiʼi gumlə ghoʼghə à vəwenə.