Shwèʼ 4:13 - The New Testament in the Babanki language

¹³ Bità gàʼ a lì, viʼi a vyi yen nki tətyɨm tətotə tì a wenə̀ Joyn nkìʼ be kɨ la vəwenə diʼ to mbʉ viʼi byìʼàndo vəwenə nko kɨ ŋwàʼlə̀. A ndìʼ a zhʉ ayì a vəwenə mù be kɨ̀ la Bità wenə̀ Joyn ndìʼ viʼi jèʼè Yesò.

Shwèʼ 4:13 Referans Kwoze

1 Kolìntyàns 1:27

Alì Nyìngòŋ ə tsuʼ nyʉ̀ vyi a viʼi mbyi ə yenə la à diʼ nyʉ̀ kəkoyn ə ne la və diʼsə kətʉ kə viʼi vətofəvə, ə be tsuʼ nyʉ̀ vyi a viʼi yen la à diʼ nyʉ̀ ə bwaʼa və ə diʼsə kətʉ kə viʼi kədyòʼ tsu.

Joyn 7:15

Viʼi vətsenvə nə̀ viʼi Jus zhʉ ziʼi ə wen ə sə diʼ nə̀ əkaynə ə sə bèmə la, “Wìʼ ghèn jèʼ ale ə kɨ nyʉ̀ venə ko andiʼ la ghə̀ təmə dyʉ̀ a ngə̀ŋ ŋwàʼlə̀ a?”

Matìyò 11:25

A zhʉ ayì Yesò lù ə̀ jɨ̀m à Tìʼ wen la, “Tìʼ ghom, Bobo a wù soʼo kaŋ nə̀ nse, mà ku kəzòŋ à wù byìʼàndo wu lyomtə li nyʉ̀ venə fa viʼi vyì a vəwenə kwòʼtə la vəwenə tofə alì ə dìʼ à viʼi a və dìʼì anə̀ vunə və bwaʼvə.

Matìyò 26:73

A bè sə laʼtə tò a loʼ viʼi vyi a və nti tsu lì dyʉ̀ gàʼ à Bità la, “Kə diʼ no nəmwèʼè la wù dìʼ wìʼ muʼ fa nòyn Yesò byìʼàndo wù lofə gàʼà tò nə̀ wù Nazalèt.”

Joyn 7:49

Alì, nju Nyìngòŋ ə ku nòyn viʼi venə a və ko kɨ Əsoʼ ə Mosìs lə.”

Ŋwàʼlə̀ Luk 22:8

Yesò mù tɨm Bità wenə Joyn gaʼa la “ghə̀ŋ dyʉ̀ ə shɨ̀tə̀ fozhɨvə məzaʼasə vəghəŋ zhɨ.”

Matìyò 26:71

Ghə̀ gàʼ a lì lù fʉ̀ sə dyʉ̀ a ji a ghə̀ kwenə a kəbəŋ ayì, wàyn wùwì shwèʼ tsen yen wen sə gàʼà a viʼi a və nti boʼsə tsu la, “Wìʼ ghèn tə njèʼè wenə̀ Yesò wu Nazalèt.”

Joyn 19:26

A ndiʼ ando Yesò yenə lì wen tsu ə be sə ki ə yenə dzɨ̀mtə̀ əbam wen yì a ghə̀ kòŋ li, ghə̀ gàʼ a lì wen la, “Wù ə wì, wù kɨ la ghèn diʼi wàyn wù,”

Shwèʼ 4:14

Chʉ zɨm vəwenə kènla vəwenə be kiʼ kənyʉ̀ əgàʼ byìʼàndo wìʼ yì a və nchʉʼ lì mbu ti a mbyɨ̀ Bità wenə̀ Joyn.

Shwèʼ 4:19

Bità wenə̀ Joyn bòŋsə̀ bwènsə̀ bèm a vəwenə la, “Ghə̀ŋ kwòʼtə̀ la à bòŋ kə kò ashɨ Nyìngòŋ a? La yès zhʉ fa Nyìngòŋ mu la yès zhʉ fa ghə̀ŋ lo?

Shwèʼ 4:29

Luwèn a Bobo, kwòʼtə̀ byìʼì nyʉ̀ venə a və gàʼà baŋsə yès tsu lə̀ ə̀ kwʉ̀ʼsə̀ kədyòʼ à yès ə viʼi shwèʼè wù ndi yès nshə̀ʼtə̀ ntɨm wù kènə̀ fwaynə.

Shwèʼ 4:31

Andìʼ ando vəwenə njɨmə̀ mwètə̀, kəshi kì a vəwenə ndiʼì tsu lì nə̀ʼ! kəzhwì kə ŋwoʼəkə ku kədyòʼ à vəwenə no vətsèm vəwenə zìtə̀ sə̀ shə̀ʼtə̀ ntɨm yì a Nyìngòŋ nkəŋə la vəwenə nshə̀ʼtə̀ nə̀ tətyɨm tə to tə.

Shwèʼ 9:27

Balnabas mù vì gyàmtə̀ wen ə̀ lyɨ̀ wen ə̀ dyʉ̀ nə̀ wen à viʼi ntɨm Yesò ə̀ shə̀ʼtə̀ laynsə à vəwenə ando Saul tə yen Bobo a jì ando ghə̀ tə ndyʉ̀ a Damaskus, ghə̀ gàʼ à wen. Balnabas bè gàʼ ando Saul shə̀ʼtə̀ li ntɨm jùŋ a Damaskus byìʼì Yesò nə̀ tyɨmə toghə.

Shwèʼ 9:28

Saul faŋ ə̀ mù sə tsi tò wenə̀ viʼi ntɨm ə̀ Yesò, jèʼè kaʼa fa Jelusalèm no tsèm, shə̀ʼtə̀ ntɨm ə jùŋ byìʼì Bobo nə̀ tyɨmə toghə.

1 Kolìntyàns 14:25

ə boʼtə nyʉ̀ ə lyomtəvə vi a və diʼ a vəwenə a tətyɨm, a vəwenə a shiʼ a vəwenə a nchiʼ sə lwi ə kuʼsə Nyìngòŋ gàʼa la, “Nyìngòŋ ə diʼ a ghə̀ŋ a ntìntìn no nəmwèʼè.”

2 Kolìntyàns 3:12

Ando yès ə kɨ nəmwèʼè la kənyʉ̀ kə məkàyn mə mfimə̀ ə chò kə ə məkàyn mə mumə̀. A le kənyʉ̀ ki a yès ə shə̀ʼtə̀ ntɨm a ghèn, ko yèsə fwàynə̀.