Shwèʼ 3:13 - The New Testament in the Babanki language

¹³ Nyìngòŋ a vətìʼ və vəghəŋ və mbì a ndiʼì Ablaham, Izìk nə̀ Jàkob ə nkuʼsə li wù shyèʼ wen Yesò yì a ghə̀ŋ ə̀ nghaʼa wèn ə̀ kù à viʼi ə̀ bè mo wen a shɨ Bilate no tè ando Bilate nghʉ li la yì a mòʼtə wen ə ghə̀ dyʉ̀.

Shwèʼ 3:13 Referans Kwoze

Shwèʼ 7:32

‘Mà dìʼ Nyìngòŋ yì a vətìʼ vəŋə və mbì, a ndiʼì Ablaham nə̀ Izìk nə̀ Jàkob nlù sə̀ ghoʼsə̀.’ Mosìs zhʉ̀ a lì, fàyn ghaʼa wen, kò ghə̀ be mwòmsə̀ la ghə̀ ki.

Matìyò 22:32

Mà dìʼ Nyìngòŋ Ablaham, diʼ Nyìngòŋ Izìk, dìʼ Nyìngòŋ Jàkob. Viʼi avenə diʼ vəto. Na kènkə diʼì la ghə̀ dìʼ Nyìngòŋ viʼi a və diʼì və to a ko diʼ Nyìngòŋ viʼi və pfʉkəvə.”

Hibùlù 2:9

Alì vəghəŋ ə yenə Yesò yì a Nyìngòŋ ə nè to fəshyinə alə̀, ghə̀ kaʼkə a wìʼ ko ghə̀ be ə ngaŋtə kwʉʼʉ tèbe a ətsɨŋsə wen. Ghə̀ nè ali ndi ghə̀ diʼ ətyɨm ə jùŋə ghə̀ a viʼi, ə nè ghə̀ pfʉ ə bwoŋsə̀ vəwenə və tsèm. A ndiʼ byìʼì ngəʼ yì a ghə̀ nyenə nə̀ əpfʉ̀ ə wenə na ghenə a ghə̀ ne la Nyìngòŋ ə ku əbayn ə ghoʼo ghə̀ a wen be ne la no tèbe ghò ə ngumlə̀ wen.

Joyn 19:15

Alì vəwenə zɨmə gàʼ to la, “Viʼi wen, nyɨŋ li wen! Və bayntə wen a kəntò!” Balèt ə bèm a vəwenə la, “Ghə̀ŋ gàʼ la mà bayntə fòyn ghə̀ŋ?” Vəpfèm və ngə̀ŋ Nyìngòŋ sə ghoʼkəsə gàʼ la, “Yès ko kiʼi fòyn ə tsen, ə cho to fòyn ə ghoʼo a Lum.”

Joyn 19:12

Balèt ə zhʉ ali, ə sə kəŋ ə moʼtə wen, ali viʼi Jus venə sə be zɨ̀mə gàʼa to la, “Wù sətsen moʼtə wìʼ ə ghèn, ghə̀ dyʉ̀, mu wù ko kòŋ fòyn ə ghoʼo a Lum. A gàʼà no ndò la ghə̀ diʼ fòyn, kə diʼ la ghə̀ soynə fòyn ə ghoʼo a Lum.”

Joyn 18:40

Vəwenə zɨmə gàʼ to la, “Jòʼ, kə wù a shisə wen! boŋsə shisə Bàlabàs a yes!” A ndiʼ ali Bàlabàs diʼ tsòŋ.

Kəmwetə 1:18

be diʼ ə̀ wen yì a ghə̀ diʼi to (tsi). Mà ə mpfʉ li ə̀ bè lù fa pfʉ sə diʼ to ə zaʼa no fa ze. Mà kiʼi àdyoʼ a kətʉ ə pfʉ be a aloʼ viʼi və pfʉkəvə.

Kəmwetə 1:5

Boŋə tyɨm bènə̀ mbwaʼmə̀ be diʼ à ghə̀ŋ fà Yesò Klistò ə wu yenə nəmwèʼè, à dìʼ mbì wìʼ a və nlùsə wen fa əpfʉ, à be soʼo wen soʼo təfòn tə mbi tèntə. Ghə̀ kòŋə̀ vəghəŋ. Ghə̀ shisə̀ li vəghəŋ fà vəghəŋ ə mbyɨsə chò fa wen ə mənlyuŋ a ghə̀ mpfʉ a kəntò ə̀ shʉ̀ʼ.

Shwèʼ 22:14

Ghə̀ gàʼ à mò la, ‘Nyìngòŋ yì a vətìʼ və vəghəŋ nlù sə gumlə̀ lì, ə tsuʼ li wù la wù kɨ kənyʉ̀ a ghə̀ kəŋə la wù nè be yen ə̀ kɨ wù kənyʉ̀ kə tɨmə kə yì a ghə̀ shwèʼè à wen, bè zhʉ̀ ando ghə̀ gàʼà à wù fà wen a ngə̀ŋ,

Joyn 12:16

A ndiʼ ando nyʉ̀ a venə nfʉ, ndzɨ̀mtə̀sə bàm Yesò sə yenə ko andiʼ la və kɨ. Ghə̀ lu lù fa pfʉ, ə bwenə dyʉ̀ akəshi kə kùʼsə wen, vəwenə mu kwoʼtə la à diʼi nyʉ̀ mu və ə nyoʼo kumə wen no tsèm, viʼi be nè to li a wen.

Joyn 7:39

Yesò ə ngàʼa lə kumə Kəzhwì kì a və ndiʼ ə ku a viʼi vyi a və byɨmə a wen. A ndiʼ ali, Nyìngòŋ ko təmə ku kəzhwì kə wen na kì byìʼàndo ghə̀ ko təmə lùsə kùʼsə Yesò akàŋ ə ku kədyòʼ a wen.

Ŋwàʼlə̀ Luk 23:4

Bilate mù gaʼa tʉtʉ vəpfèm və Nyìngòŋ vyi bènə̀ nòynə ayi la ma ko yèn kənyʉ̀ kəbyɨkə wìʼ ghèn.

Ŋwàʼlə̀ Mak 15:11

Tʉtʉ vəpfèm və ngə̀ŋ Nyìngòŋ twis nòyn viʼi vi la və gàʼ à Bilate la ghə̀ shisə à diʼ Bàlabàs.

Matìyò 28:18

Yesò vìtə̀ boʼsə vəwenə mù gàʼ la “Nyìngòŋ ku li adyòʼ à mò no tsèm a kàŋ bènə̀ a nse la mà nsoʼo viʼi.

Matìyò 27:2

kwìʼi wen ə lyɨ̀ wen dyʉ̀ kù à Bilate a fòyn Lum nghʉ̀ la ghə̀ nsoʼo shə Judiyà.

Matìyò 20:19

Vəwenə ne gàʼ a lì lyɨ̀ wen ə ku tɨmə, vəwenə chəʼ wen, ghòm wen nə̀ ngwàynsə bè bàyntə wen a kəntò ə ghə̀ pfʉ. A nè sə ndiʼ a mətsi ntaʼ Nyìngòŋ lusə wen fa pfʉ.”

Matìyò 11:27

Yesò bè gàʼ à viʼi la, “Tìʼ ghom ə ku li tofə nyʉ̀ tsèm à mò. Wìʼ zì kò ghə̀ lə̀ kɨ̀ wàyn à bwen tò tìʼ wen, kò a ndiʼ la wìʼ zì ghə̀ kɨ tìʼ a bwen tò wàyn bènə̀ viʼi vyi a wàyn kòŋə̀ ə shə̀ʼtə̀ à vəwenə.

Ŋwàʼlə̀ Luk 6:37

“Kə ghə̀ŋ a soʼ viʼi, ndi kə və lə̀ soʼ ghə̀ŋ. Kə ghə̀ŋ a byɨsə viʼi, ndi kə və lə̀ byɨsə ghə̀ŋ. Ghə̀ŋ lyèsə ku viʼi ndi və lə̀ lyèsə ku ghə̀ŋ.

Joyn 19:11

Yesò ə bwensə ə gàʼ la, “Nò tèbe kədyòʼ a wù kiʼi a mo a kətʉ diʼ mu à ku to Nyìngòŋ a wù. Kə diʼi la mbyɨ ə ghoʼo diʼ mu à nè wìʼ ə yi a ghə̀ ku mo a wù.”

Shwèʼ 3:12

Bità nè yèn a lì, mù bèm à viʼi a vyi la, “Viʼi Islel! Byìʼì ghò a ghə̀ŋ diʼì nə̀ kanə kùmə̀ kənyʉ̀ kènkə a? Byìʼì ghò a ghə̀ŋ ə tyùŋə ashɨ à yès a wèn sə à nè yès nə̀ kədyòʼ kə ngə̀ŋ ə̀ yès a? Ghə̀ŋ kwoʼtə la yès nè we kèn fa mbo yès ə fàynə̀ Nyìngòŋ no akàyn mu?

Shwèʼ 3:26

Nyìngòŋ mù tsuʼ wù shyèʼ wen ə̀ tɨ̀m à ghə̀ŋ a mbì ndi ghə̀ bwaʼsə ne la no tè ndò à ghə̀ŋ a ntìntìn ghʉsə jisə byɨsə wen.”

Shwèʼ 4:27

A le kənyʉ̀ a kə ncho a ntə̀ʼ a shèn. Fòn Helòd wenə̀ Bontiyùs Bilate nə̀ viʼi tɨm vətsenvə bènə̀ viʼi Islel ə̀ zhùŋtə̀ sə̀ baʼtə̀ əsoyn Yesò, wù shwèʼ wu ŋwoʼə yì a wu ntsuʼ li ə̀ ghʉ.

Shwèʼ 4:30

Ne viʼi kɨ la wù kìʼ kədyòʼ ənè viʼi vəkwaʼkəvə to. Gyàmtə̀ yes ə dìʼ chwitə nyʉ̀ kanəvə a kədyòʼ Yesò wù shwèʼè wu ŋwoʼə.

Shwèʼ 24:14

Kənyʉ̀ kì kə mùʼ a mà zì mà byɨmə dìʼ tò la, mà kuʼsə Nyìngòŋ, dzɨ̀mtə̀ Jìsə shì a Bobo kəŋə la viʼi ntsi fa tsu no tè ando vəwenə gàʼà la àdìʼ jisə ndzɨ̀ŋsə. Nyìngòŋ aghèn a mà ghoʼsə̀ lə̀ dìʼ yì a vətìʼ və vəghəŋ nghoʼsə̀ fa mbi. Mà be byɨmə a nyʉ̀ vyi a və nyòʼò a soʼ Mosìs no tsèm bènə̀ vi a və nyòʼò a vəŋwàʼlə̀ və nshə̀ʼtə̀sə səghoʼkəsə.

Lumans 9:5

Vətiʼi və vəwenə ə ndiʼ viʼi Nyìngòŋ. Yesò no nə̀ wenə wen ə nvi a nse to nə̀ wù əloʼ vəwenə. Nyìngòŋ ə ndiʼ a kətʉ kə əfo ə tsèm, viʼi diʼ ə nkuʼsə wen to məzhʉ̀ ə tsèm. Amèyn.

Ŋwàʼlə̀ Luk 22:57

Ali Bità tensə ə gàʼ la “luwàyn, ma ko kɨ wìʼ a ghèn.”