Shwèʼ 24:5 - The New Testament in the Babanki language

⁵ Yès sə tə yèn la wìʼ ghèn dìʼ no wu byɨ fànsə. Ghə̀ moʼò li kəngə̀sə̀ a ntìntìn Vəjew tò a mbì tsèm, be diʼ kətʉ a nòyn mənàŋ mə viʼi Nazalèt.

Shwèʼ 24:5 Referans Kwoze

Shwèʼ 28:22

Yès ə kəŋə zhʉ kwòʼtə̀ wu byìʼàndo yès ə chò no tè fa fe, zhʉ ando və gàʼà nyʉ̀ byɨvə byìʼì nkì nòyn ghenə a wu dìʼì tsu lə̀.”

Shwèʼ 24:14

Kənyʉ̀ kì kə mùʼ a mà zì mà byɨmə dìʼ tò la, mà kuʼsə Nyìngòŋ, dzɨ̀mtə̀ Jìsə shì a Bobo kəŋə la viʼi ntsi fa tsu no tè ando vəwenə gàʼà la àdìʼ jisə ndzɨ̀ŋsə. Nyìngòŋ aghèn a mà ghoʼsə̀ lə̀ dìʼ yì a vətìʼ və vəghəŋ nghoʼsə̀ fa mbi. Mà be byɨmə a nyʉ̀ vyi a və nyòʼò a soʼ Mosìs no tsèm bènə̀ vi a və nyòʼò a vəŋwàʼlə̀ və nshə̀ʼtə̀sə səghoʼkəsə.

Shwèʼ 26:5

be kɨ mò no fà kəghaf mu vəwenə zì və shə̀ʼtə̀ ə̀ mwètə̀ no nkàyn a zhʉ a vəwenə koŋə, la mà dìʼ wu Falàsi mu mà nlu li sə ghoʼsə̀ Nyìngòŋ no tè a ji kò a Və Falàsi nghoʼsə̀ Nyìngòŋ fa tsu.

Shwèʼ 15:5

Viʼi vəbyɨməvə vətsenvə, a andìʼ viʼi nòyn Və Falàsi gàʼ la, “Viʼi tɨm vi a və byɨmə lì dìʼi və shɨtə ndyə̀ tə vəwenə, vəwenə bè diʼi byɨmə əghʉ soʼ Mosìs.”

1 Kolìntyàns 4:13

A zhʉ a viʼi ə byɨbsə zhiʼ yèsə, yès ə sə gàʼà to nə̀ gɨ̀ bwaʼmə. Viʼi ə lyɨ yès a fo ə maʼa və mbyi, be lyɨ yès a kəməŋ.

Shwèʼ 21:28

mù sə zɨmə gàʼà la, “Wo viʼi Islel, ghə̀ŋ gyàmtə̀! Ghèn dìʼ wìʼ yì a ghə̀ jèʼè ziʼì nyʉ̀ byɨvə byìʼì viʼi Islel nə̀ soʼ Mosìs bènə̀ ngə̀ŋ Nyìngòŋ ghèn. A sə diʼ luwèn, ghə̀ be nlyɨ̀ viʼi tɨm ə̀ nkwen wenə̀ vəwenə a ngə̀ŋ Nyìngòŋ, sə mbyɨ shi nè la kə və ndiʼ ŋwoʼo.”

Shwèʼ 5:17

Kətʉ kə tʉtʉ vəpfèm və ngə̀ŋ Nyìngòŋ wenə̀ viʼi bàm wen no vətsèm a andiʼì viʼi ntsentə Vəsadùsis zìtə̀ kəghəʼ kə fànsə kə kətsenkə a wèn viʼi ntɨm ə̀ Yesò mù ghʉ̀ la vəwenə ne yen kənyʉ̀.

Ŋwàʼlə̀ Luk 23:2

mù zìtə̀ sə̀ zuʼu nyʉ̀ a wen a wèn gaʼa la “Yes tə̀ ghaʼ wìʼ ghèn ghə̀ dìʼsə̀ jì byɨ a viʼi vəghəŋ, tensə la kə vəwenə a loʼ kənsè a fòyn ghoʼo a Lum. Ghə̀ be gaʼà la ghə̀ diʼ Klistò a diʼ fòyn tsen.”

1 Bità 2:19

Ghə̀ŋ kɨli la Nyìngòŋ ə ne saŋlə kumə wìʼ azhʉ̀ a və zəʼtə wen, ku ngəʼ a wen to kədyàŋ, ghə̀ wensə to wensə byìʼì ando ghə̀ kɨli Nyìngòŋ.

1 Kolìntyàns 11:19

Kəgəsə kə yi ndiʼ ndiʼ a ghə̀ŋ a ntìntìn, ndi və nshɨtə yenə kɨ nkàyntə̀ viʼi Nyìngòŋ.

Shwèʼ 22:22

Bol ngàʼà a lì, vəwenə zhʉtə̀ tò zhʉ̀tə. Ghə̀ nè gàʼ ə̀ zaʼa kəlyɨŋ kènkə, vəwenə zìtə̀ sə̀ zɨmə̀ no a gɨsə sə̀ tosə gàʼà la, “Ghə̀ŋ zhwi kəfo akènkə ə̀ màʼà dyʉ̀! Ghə̀ ko kwʉ̀ʼ əndiʼ.”

Shwèʼ 6:13

Ando vəwenə ndyʉ̀ a lì, və lyɨ̀ viʼi vətsenvə la və kwen ə̀ zhò ndzɨ̀ŋ a kətʉ Stifèn. Vəwenə kwen ə̀ vì gàʼ la, “Wìʼ ghèn ko lu mfàŋ ke gaʼa nyʉ̀ byɨvə byìʼì ngə̀ŋ Nyìngòŋ ghoʼo vəghəŋ bènə̀ soʼ yi a Mosìs nlù ziʼi vəghəŋ tsu.

Ŋwàʼlə̀ Luk 23:25

Ghə̀ mù shìsə̀ wìʼ yì a və we a nfɨŋ byìʼì mə sòyn bènə̀ mə zhwi ando vəwenə bèmə̀. Ghə̀ mù bè ku Yesò a vəwenə la vəwenə nè no ghò nə̀ wen a vəwenə nkəŋ.

Ŋwàʼlə̀ Luk 23:19

Bàlabàs ghèn ndiʼ wìʼ a zìtə̀ sòyn a loʼ zhwi wìʼ.

Ŋwàʼlə̀ Luk 23:5

Vəwenə bè sə̀mtə̀ gàʼ tò gàʼ la “Ghə̀ bosə viʼi la və dyʉ̀ a jì byɨ, a loʼ Judiyà no vətsèm, ghə̀ tə̀ zìtə̀ fa ntə̀ʼ Galìlì, luwèn ghə̀ sə̀ diʼ a shə̀.”

Matìyò 10:25

Kə kwʉʼ la wàyndyə ə zizi, ghə̀ ndìʼ to nə̀ ə ndìʼsə̀ wen, bè kwʉʼ la wù ə shyèʼ ə kuʼ kwʉʼ ə ndiʼ to nə̀ tìʼ Shwèʼ. Və sətsèn ə ndiʼ mù və toŋtə li tì ngə̀ŋ nə̀ zhiʼ ghə̀ byɨf a nə̀ Belzibùl, və lu toŋtə no viʼi ngə̀ŋ la gho?

Matìyò 2:23

Ghə̀ lù ə dyʉ̀ a shə loʼ sə̀ tsi a ntə̀ʼ tsen a və ndzàŋ nə̀ Nazalèt. Ghə̀ ne alì ndi lwinsə kənyʉ̀ kì a nshə̀ʼtə̀ sə ghoʼkə sə ngàʼa. Sə nlù gàʼ la,“Və lu dzàŋ wen nə̀ wyè wù Nazalèt”.

Ŋwàʼlə̀ Mak 1:24

ə̀ gàʼ la, “Wù kəŋə ghò à yès a ntìntìn a Yesò wàyn wù Nazalèt ghèn, wù vi əbyɨsə yes mu? Mà kɨ li wìʼ a wù diʼ wen. A dìʼ wù, wu ŋwoʼə Nyìngòŋ.”

Shwèʼ 24:4

Mà ko kòŋ əlyɨ zhʉ wu nànto, sə sensə̀ la wù zhʉtə ntemə nyʉ̀ vyi a yès kìʼ əshə̀ʼtə̀ à wù.

Shwèʼ 25:7

Və vì nə̀ wen no a zhʉ̀ kò, Vəjew vi a və nlu fa Jelusalèm ə̀ vì tsu tɨmə kàʼa wen sə zhò ndzɨ̀ŋsə byìʼì Bol no səghoʼo alì kò vəwenə lu ndìʼì la kənyʉ̀ a vəwenə gàʼà byìʼì Bol dìʼ nəmwèʼè.