Shwèʼ 24:12 - The New Testament in the Babanki language

¹² Vəwenə ko tə yèn la mà soʼtə̀ nyʉ̀ yo viʼi. Mà ko tə mòʼ kəngə̀sə̀ kətsenkə a ntìntìn viʼi ngə̀ŋ Nyìngòŋ kò a aloʼ ntsèntə̀, kò no fe yi a tì ntə̀ʼ,

Shwèʼ 24:12 Referans Kwoze

Shwèʼ 25:8

Bol gàʼ ndi gyàmtə̀ wen ə wen la, “Mà ko kwàʼ soʼ Vəjew, ko ma lù byɨ̀sə kənyʉ̀ kətsenkə à vəwenə a ngə̀ŋ Nyìngòŋ, ko ndiʼ la mà gaʼà li tè kənyʉ̀ kə byɨkə kətsenkə byìʼì fòyn ə ghoʼo ə Lum.”

Shwèʼ 28:17

Mətsi chò ntaʼ, Bol dzàŋtə̀ tʉtʉ Vəjew a ntsèntə̀. Vəwenə nè tsèntə̀, ghə̀ gàʼ à vəwenə la, “Vəlèmə̀ vwomə, Vəjew tə ghaʼ mo ə nè və shwìn mò a Jelusalèm be kù mo à viʼi Lum no tè ando mà ko tə̀ nè kənyʉ̀ kə byɨkə kətsenkə à viʼi vəghəŋ, kò a ndiʼ la mà gàʼà li ə̀ mbyɨsə tè kənyʉ̀ kətsenkə kùmə̀ ntsìnə̀ loʼ a ghə̀ nlu fà vətìʼ və vəghəŋ və mbì.

Shwèʼ 24:18

Vəwenə nyèn mo a ngə̀ŋ Nyìngòŋ mu mà sə diʼ mu mà ne li nyʉ̀ avenə ə mè mbe shʉ wen ghomə ndi ndiʼ nə̀ laynə shɨ Nyìngòŋ. Kənyʉ̀ kə nko chò tsu kò andiʼ la nòyn viʼi diʼ tsu.

Shwèʼ 24:5

Yès sə tə yèn la wìʼ ghèn dìʼ no wu byɨ fànsə. Ghə̀ moʼò li kəngə̀sə̀ a ntìntìn Vəjew tò a mbì tsèm, be diʼ kətʉ a nòyn mənàŋ mə viʼi Nazalèt.

Ŋwàʼlə̀ Mak 9:14

Andìʼ ando vəwenə mbwènə̀ vì tsèntə̀ wenə̀ ndzɨ̀mtə̀sə bàm Yesò sətsensə shì, vəwenə yen mu nòyn viʼi no ghoʼo tɨmə li nkaʼ vəwenə. Ndìʼsə̀sə təsoʼ sətsensə ndìʼ a tì nòyn ayì soʼtə̀ nyʉ̀ wenə̀ ndzɨ̀mtə̀sə bàm Yesò a shì.

Joyn 18:21

Wù bèmtə̀ no nyʉ̀ venə a mò byìʼì ghò? Wu bèmtə̀ a viʼi vyi a və tə ə zhʉtə gàʼà ə ghomə. Vəwenə ə kɨ nyʉ̀ vyi a mà tə ngàʼà.”