Shwèʼ 24:10 - The New Testament in the Babanki language

¹⁰ Gumnà ayì ku ji à Bol la ghə̀ gàʼ, ghə̀ mù lù gàʼ la, “Mà kɨ li la wù soʼ li loʼ ghenə no a ngwʉ̀ʼsə ghoʼsə, ma sə saŋlə̀ luwèn ə nti à wù a shɨ əgàʼ ndi gyàmtə̀ wen ghomə.

Shwèʼ 24:10 Referans Kwoze

1 Bità 3:15

Ghə̀ŋ ə boŋsə gumlə Yesò to nə̀ Bobo a ghə̀ŋ a tətyɨm. Ghə̀ŋ ne nyʉ̀ʼ, bvɨtə ə bwensə no ndò azhʉ̀ a ghə̀ bèmə kənyʉ̀ kumə əbyɨmə yì a ghə̀ŋ kiʼi a Yesò. Ghə̀ŋ sə nè alə̀ ghə̀ŋ ə bwaʼmə, be gumlə.

Shwèʼ 26:1

Aglibà gàʼ à Bol la, “Və ku li kəshi à wù la wù gàʼ kənyʉ̀ byìʼì wen wu.” Bol tsòʼsə̀ kəvu kə wen a kàŋ ə̀ zìtə̀ əgàʼ ndi gyàmtə̀ wenə wen la:

Shwèʼ 23:24

Ghə̀ŋ ku vəlyəŋ vətsenvə à Bol, ghə̀ njèʼè à yì a tʉ. Ghə̀ŋ mwomsə əjèʼ nə̀ wen to nkàyn ə dyʉ̀ nə̀ wen à gumnà Felik.”

Shwèʼ 21:40

Kətʉ kə vəsugyèʼ kì ku ji, Bol tɨmə a nsəʼsə əkuʼ a kəbəŋ ayì ə chìʼ viʼi nə̀ kəvu kəwenkə. Vəwenə nè chɨmə mè no a zhʉ̀ kò, ghə̀ gàʼ à vəwenə a gaʼà Hibùlù la:

Shwèʼ 19:33

Viʼi vətsenvə nyenə tò la Alèksandà kìʼ kənyʉ̀ əgàʼ byìʼàndo Vəjew ngàʼà la ghə̀ cho ə̀ tɨ̀mə a mbì. Alèksandà tsòʼsə̀ kəvu kə wen a kàŋ ə̀ nè la viʼi chɨmə, mù zìtə̀ əgàʼ ədìʼ la à ko yì zìtə̀ Vəjew nzìtə̀ ngəʼ aghèn,

Shwèʼ 18:15

Ando ghə̀ŋ bòŋsə̀ soʼo nyʉ̀ byìʼì ziʼi tsenghə, nə̀ təzhiʼ tə viʼi bènə̀ soʼo ghə̀ŋ lə̀, à kɨ tò ghə̀ŋ. Mà zì kò mà lə̀ tɨ̀mə ə̀ nsoʼo nki nyʉ̀ à nə̀ venə.”

Shwèʼ 13:16

Bol lù tɨ̀mə ə̀ chìʼ vəwenə ə̀ nə̀ʼ kəvu kə wen ə̀ gàʼ la: “Vəlèmə̀ vwomə viʼi Islel nə̀ viʼi tɨm vətsèm a və ghoʼsə̀ Nyìngòŋ a shèn, ghə̀ŋ zhʉtə kənyʉ̀ a mà kəŋə əgàʼ.

Shwèʼ 12:17

Ghə̀ chìʼ vəwenə tò nə̀ avu, ə̀ shɨ̀tə̀ shə̀ʼtə̀ à vəwenə ando Bobo yì vì nlyɨ wen mfʉ̀ nə̀ wen fà ngə̀ŋ mfɨŋ, bè gàʼ la vəwenə shə̀ʼtə̀ kənyʉ̀ a kènkə à Jems bènə̀ à viʼi vəbyɨməvə vətsenvə. Ghə̀ gàʼ a lì, ə lù dyʉ̀ a kəshi kə kədyàŋ.

Ŋwàʼlə̀ Luk 18:2

Ghə̀ gàʼ la, “Kətʉ kə nsoʼsə kətsen kə nlù dìʼ a ntə̀ʼ tsen, kò ghə̀ lə̀ fàynə Nyìngòŋ, kèn la ghə̀ lyɨ̀ la wìʼ diʼ kəfo.

Ŋwàʼlə̀ Luk 12:14

Yesò gàʼ à wen la, “La mbvòʼò wìʼ, à tə tsuʼ ndo mò la mà tɨmə a ghə̀ŋ ntìntìn ndiʼ wù soʼ nsoʼ kò wùgə̀ a?”

Ŋwàʼlə̀ Luk 12:11

“Və sətsen ghaʼ ghə̀ŋ ə dyʉ̀ nə̀ ghə̀ŋ ashɨ viʼi a və soʼo nsoʼ a ngə̀ŋ ntsentə, kò ashɨ tʉtʉ loʼ, kə ghə̀ŋ nə̀ kayntə la ghə̀ŋ a gàʼ la ghò ndi shisə̀ tə wen təŋtə fa kənyʉ̀ lo,