Shwèʼ 24:1 - The New Testament in the Babanki language

¹ A sə ndiʼ a bàmə mətsi ntàyn, Ananyàs a ndiʼì kətʉ kə tʉtʉ vəpfèm və ngə̀ŋ Nyìngòŋ lù shìʼi a ntə̀ʼ Sisalìyà, wenə̀ vəchəʼ vətsenvə bènə̀ wutsen a ghə̀ nsoʼo nsoʼsə, a və ndzàŋə̀ wen nə̀ Teltulùs. Vəwenə vì a shɨ Felik a ndiʼì Gumnà loʼ aghèn ə̀ shə̀ʼtə̀ ngəʼ vəwenə byìʼì Bol.

Shwèʼ 24:1 Referans Kwoze

Shwèʼ 24:11

Wù zì wù kəŋ ə̀ yèn tò fà wù a ngeŋ la mətsi cho li tò njʉ̀ səbò luwèn ando mà tə kùʼ a Jelusalèm ə ghoʼsə Nyìngòŋ.

Shwèʼ 23:2

Ananyàs a ndiʼì kətʉ kə vəpfèm və ngə̀ŋ Nyìngòŋ gàʼ à viʼi vyi a və nti boʼsə Bol lì la vəwenə ghom kəvu à wen a chʉ̀.

Shwèʼ 25:2

Tʉtʉ vəpfèm və ngə̀ŋ Nyìngòŋ bènə̀ tʉtʉ Vəjew gàʼ nyʉ̀ byɨvə a wen byìʼì Bol. Vəwenə loyn Festus

Shwèʼ 23:35

ghə̀ gàʼ à wen la, “Mà lu zhʉ nsoʼ wù a zhʉ a viʼi vyi a və ghàmə̀ wù lì vi li.” Ghə̀ gàʼ a lì mù gàʼ la vəsugyèʼ vəwen lyɨ Bol ə̀ dyʉ̀ ghʉ̀ a ntuʼ yì a Helòd mbwomə.

Shwèʼ 23:30

Və nè shə̀ʼtə̀ à mò la və bò baʼtə̀ tò bàʼtə əzhwi wen, mà nyen la kə bòŋ la mà tɨm wen à wù tò luwèn. Ma be gàʼ à viʼi a vyi a və ghàmə̀ wen lì la vəwenə dzɨ̀mtə̀ əvì shə̀ʼtə̀ ngəʼ vəwenə à wù.”

Shwèʼ 23:24

Ghə̀ŋ ku vəlyəŋ vətsenvə à Bol, ghə̀ njèʼè à yì a tʉ. Ghə̀ŋ mwomsə əjèʼ nə̀ wen to nkàyn ə dyʉ̀ nə̀ wen à gumnà Felik.”

Shwèʼ 21:27

Andìʼ ando mətsi a mì sòmbo nsə mè dyʉ̀, Vəjew vətsenvə mu lù fa loʼ Asìyà yen Bol a ngə̀ŋ Nyìngòŋ ə̀ nè ngəʼ zìtə̀ a tì nòyn viʼi vi, vəwenə ghaʼ Bol,

1 Kolìntyàns 2:4

Ma ko nziʼi be shə̀ʼtə̀ ntɨm ə jùŋ nə̀ ətof ə mu ghə̀ lù fa wìʼ, a diʼ ətof ə ten wìʼ tenə la ghə̀ byɨmə kənyʉ̀, ali ma nshə̀ʼtə̀, kə diʼi mwetə kədyòʼ kə kəzhwì kə Kəŋwoʼkə.

1 Kolìntyàns 2:1

A ndiʼ to ando mà nvi ə yen ghə̀ŋ a vəlemə vwomə ə shə̀ʼtə̀ kənyʉ̀ kì a kə diʼ nəmwèʼè kumə Nyìngòŋ, ma nko ngàʼà ə gàʼà ə jùŋə ghə̀, ko andiʼ la ma ngàʼà tebè to nə̀ wù ə ŋwàʼlə̀.

Shwèʼ 25:15

ma tə nkuʼ ndyʉ̀ a Jelusalèm, tʉtʉ vəpfèm və ngə̀ŋ Nyìngòŋ bènə̀ vəchəʼ və Vəjew gàʼ nyʉ̀ byɨvə byìʼì wen bè gàʼ nyʉ̀ la mà byɨmə la və diʼ ku ngəʼ à wen.

Shwèʼ 12:21

Kətsi kətsenkə vì kwʉ̀ʼ a Helòd ntsuʼù, ghə̀ mòʼ dàlə təfòyn wen ə̀ ŋwʉʼʉ a kəfwoyn mù zìtə̀ ə gàʼ à viʼi.

Shwèʼ 23:33

Vəwenə lyɨ̀ wen wenə̀ vəwenə dyʉ̀ zaʼa a Sisalìyà ə̀ ku wen à gumnà ə boʼsə nə̀ ŋwàʼlə̀ yì a və tə kù à vəwenə lì.

Shwèʼ 24:2

Və dzàŋ Bol, ə kù ji à Teltulùs la ghə̀ gàʼ, ghə̀ mù zìtə̀ sə gàʼà nyʉ̀ venə byìʼì Bol la: “Tì kəbə̀ŋ ə ghoʼo, yès kiʼi li mbwaʼmə̀ no a kəghaf kə dyəkə, byìʼàndo wù soʼo yès nə̀ tofə. Wù ne li nyʉ̀ jùŋvə mvi à yès a loʼ no ghoʼo.