Shwèʼ 23:9 - The New Testament in the Babanki language

⁹ Təzɨmə tə sə gàʼà dyʉ̀ tò nə̀ mbì. Ndìʼsə̀ sə təsoʼ sətsensə a andìʼ viʼi nòyn Və Falàsi mù lù tɨ̀mə sə taŋmə̀ no nə̀ kədyòʼ kə gàʼà la, “Yès ko yèn kənyʉ̀ kə byɨkə kì à wìʼ ghèn ne. A zì a ndiʼ mu à gàʼ kəzhwì kò ntsɨ̀ŋ ngə̀ŋ Nyìngòŋ tsen à wen!.”

Shwèʼ 23:9 Referans Kwoze

Shwèʼ 22:7

Mà fəŋ a nse ə̀ zhʉ̀ ando wìʼ toŋtə̀ mò ə ngaʼ la, ‘Saul, Saul, wù tsuʼu kəghʉ komkə alə̀ byìʼì ghò?’

Joyn 12:29

Tənòyn tə viʼi titə a tə ndiʼ tsu ə zhʉ̀ ghɨ ayi, vətsevə sə gàʼa la à dèmkə̀ əkaŋ, vətsevə gàʼa la à gàʼa Ntsɨŋ ngə̀ŋ Nyìngòŋ.

Shwèʼ 26:31

sə bèsə̀ dyʉ̀ nə̀ kənyʉ̀ akì gàʼà la, “Wìʼ ghèn ko nè no kənyʉ̀ kə byɨkə kətsenkə a kə dìʼì la ghə̀ ndiʼ a mfɨŋ ko la və zhwi wen.”

Shwèʼ 25:25

Nkàntə̀ mò nki ə nyen la ghə̀ ko nè kənyʉ̀ a kə dìʼì la və diʼi zhwi wen. Ando nkàntə̀ wen tə sènsə la yì a kòŋ əyen fòn ghoʼo, ghə̀ soʼ yi, mà mù ghʉ̀ la ma tɨm wen à fòn,

Shwèʼ 23:29

Ando mà tə shìʼi lì, mà bòŋsə̀ yèn la vəwenə gàʼà a nyʉ̀ byìʼì soʼ vəwenə kò a ndiʼ la ghə̀ byɨsə li kənyʉ̀ a zi və zhwi wen kò we wen a mfɨŋ byìʼì kəwenkə.

Ŋwàʼlə̀ Mak 2:16

Ndìʼsə̀sə təsoʼ shì bènə̀ Falàsi vi a və ndiʼì tsu nè yèn ando ghə̀ zhɨ wenə̀ viʼi ne nyʉ̀ byɨvə bènə̀ viʼi tinə̀ kənsè, mù sə bèmə̀ à ndzɨ̀mtə̀sə bàm wen la, “Byìʼì ghò a ghə̀ zhɨ wenə̀ viʼi tinə̀ kənsè bènə̀ viʼi nè nyʉ̀ byɨvə vətsenvə a?”

1 Kolìntyàns 10:22

Vəghəŋ kəŋ səʼ Bobo la ətin ə wen ə fwi mu? A vəghəŋ le kiʼi kədyòʼ chò wen a?

Shwèʼ 27:23

Mà gàʼà alə̀ byìʼàndo à tə ndiʼ nəntʉʼʉ lan, ntsɨ̀ŋ ngə̀ŋ Nyìngòŋ yì a ghə̀ kiʼì mo a be diʼ wen a mà kuʼsə̀ vì à mò,

Shwèʼ 23:8

byìʼàndo Vəsadùsis nko byɨmə la viʼi lu lù fà pfʉ, la kəfo kətsenkə ko diʼ a nə̀ ntsɨŋsə ngə̀ŋ Nyìngòŋ ko a nə̀ kəzhwì, alì Və Falàsi mbyɨmə̀ a nyʉ̀ avenə no tsèm.

Shwèʼ 11:17

Mà mù ə̀ nyen nəmwèʼè la Nyìngòŋ tə kù Kəzhwì kə ŋwòʼəkə à viʼi tɨm a vyi tò ndə̀ŋndəŋ ando ghə̀ nku à vəghəŋ a tʉʼ a vəghəŋ mbyɨmə̀ à Bobo Yesò Klistò. Mà tə ndiʼ ndò ətàm kənyʉ̀ kì a Nyìngòŋ nkiʼi ənè a.”

Shwèʼ 9:4

Ghə̀ feŋ a nse, ə̀ zhʉ̀ ando gɨ̀ tsen ə gàʼà à wen la, “Saul, Saul,byìʼì gho a wù tsuʼu kəghʉ kom a”.

Shwèʼ 5:39

Təshwèʼ a tèntə sətsèn ndiʼ mu à kù Nyìngòŋ nku kədyòʼ la vəwenə ə nè, kò kə a mbwaʼmə̀ ə ghə̀ŋ cho vəwenə, ghə̀ŋ bè nè yen mu kə sə̀ kə̀ʼə̀ la ghə̀ŋ ə soynə Nyìngòŋ.” Viʼi soʼo nsoʼ vi zhʉ kətyɨftə yi a Gamalè yi nku,

Ŋwàʼlə̀ Luk 23:22

Bilate bè gìsə̀ gàʼ a ghan a taʼ à vəwen la byìʼì ghò, ma ko yèn kənyʉ̀ kəbyɨkə wen a kə diʼì la və diʼi zhwi wen byìʼì kəwenkə,ma diʼ gàʼ və ghòmə wen ə ghʉsə wen.

Ŋwàʼlə̀ Luk 23:4

Bilate mù gaʼa tʉtʉ vəpfèm və Nyìngòŋ vyi bènə̀ nòynə ayi la ma ko yèn kənyʉ̀ kəbyɨkə wìʼ ghèn.

Ŋwàʼlə̀ Luk 5:30

Viʼi Falàsi vətsevə nə̀ ndìʼsə̀sə təsoʼ mù sə dèmkə̀ bèmə a ndzɨ̀mtə̀sə bàm Yesò la, “Byiʼi ghò a ghə̀ŋ zhɨ bè nyʉ ghə̀ŋ viʼi a və tinə kənsè bènə̀ viʼi nè nyʉ̀ byɨvə a?”

Shwèʼ 22:6

“Andìʼ ando mà njèʼè nè sə mboʼsə̀ dyʉ̀ a Damaskus, bayn tsenghə bvʉ̀tə̀ fʉ̀ fa kàŋ ə̀ bàŋ a kəshi a mà ndiʼì tsu a ntìntìn nə̀nchwì.