Shwèʼ 23:16 - The New Testament in the Babanki language

¹⁶ Wàyn lèmə̀ Bol, wùwì zhʉ kənyʉ̀ kì a vəwenə mbaʼtə̀ lì ə̀ dyʉ̀ a kəbəŋ kə vəsugyèʼ kì ə̀ shə̀ʼtə̀ à Bol.

Shwèʼ 23:16 Referans Kwoze

Shwèʼ 23:10

Kətʉ kə vəsugyèʼ kə ghoʼo kə kì yen la ntaŋ sə to dyʉ̀ tò nə̀ mbì ghə̀ sə̀ fànə̀ la viʼi a vyi a sàtə Bol tò a kiʼ a kiʼ, ghə̀ gàʼ à vəsugyèʼ vəwen la və shiʼi ə̀ dyʉ̀ lyɨ̀ Bol fʉ̀ nə̀ wen fa tì nòyn ayì ə̀ kwèn nə̀ wen a tì kəbə̀ŋ kə vəsugyèʼ.

1 Kolìntyàns 3:19

Ghə̀ diʼ ne alə byìʼì ando ətof yì a viʼi mbyi venə kiʼi diʼ to nə̀ kəkoyn a Nyìngòŋ. Və nyòʼò li a Ŋwàʼlə̀ Nyìngòŋ la, “Nyìngòŋ ə lyɨ ə tof ə viʼi və tofəvə a nə̀ kətamkə bwensə ghaʼa vəwenə tsu.”

Shwèʼ 23:32

Tʉʼ lan, vəsugyèʼ vi a və njèʼè a kəghʉ̀ lì bwènə̀ pfwo. Bol lù sə̀ dyʉ̀ wenə̀ vi a və njèʼè a tʉ vəlyəŋ lì.

Shwèʼ 21:34

Viʼi vətsenvə fa tì nòyn ayì sə zɨmə̀ kənyʉ̀ kə mùʼ, vətsenvə zɨmə̀ gàʼà kə kədyàŋ kə. Kətʉ kə vəsugyèʼ kə ghoʼokə kì yen la kəmfɨŋmə̀ kə diʼ no nànto kò a ndiʼ la ghə̀ zì ghə̀ kɨ la à chò ghò lo. Ghə̀ mù gàʼ la vəsugyèʼ vi lyɨ Bol ə̀ kùʼ nə̀ wen a kəbəŋ vəsugyèʼ.

Shwèʼ 21:37

Andìʼ ando və nsə kəŋə əkwen nə̀ Bol a kəbəŋ vəsugyèʼ, ghə̀ bèm à kətʉ kə vəsugyèʼ akì la, “A mà lè zì mà gàʼ kənyʉ̀ à wù a?” Ghə̀ bwènsə̀ gàʼ la, “Wu gaʼa gàʼà Glis a? Gaʼa.

Shwèʼ 23:17

Bol dzàŋtə̀ kətʉ kə vəsugyèʼ kətsenkə ə̀ gàʼ à wen la, “Lyɨ wàyndyə nkùŋ ghèn ə̀ dyʉ̀ nə̀ wen à kətʉ kə vəsugyèʼ kə ghoʼo kə. Ghə̀ kìʼ kənyʉ̀ əshə̀ʼtə̀ à wen.”

Shwèʼ 24:23

Ghə̀ gàʼ a lì mù chòsə̀ soʼ à kətʉ kə vəsugyèʼ la ghə̀ shwin Bol alì nbo kye wen ghə̀ fʉ jèʼtə̀ bè gàʼ la, kə və à ntàʼsə̀ viʼi ndoŋsə wen la kə vəwenə a vì nku fo vi à wen a ghə̀ kəŋə.