Shwèʼ 23:1 - The New Testament in the Babanki language

¹ Bol ki dyʉ̀sə̀ nə̀ viʼi vi a ntsèntə̀ ayì ə̀ gàʼ à vəwenə la, “Vəlèmə̀ vwomə, mà ko kwòʼò kwoʼ la ntsìnə̀ yì a mà tsi a shɨ Nyìngòŋ ə zaʼa fa layn dìʼ ale lo. Mà kɨ la ghə̀ dìʼ to nkàyn”

Shwèʼ 23:1 Referans Kwoze

Shwèʼ 24:16

A le kənyʉ̀ a kə ne mà sə mwòmsə no məzhʉ̀ ntsèm nkiʼ ətyɨm ə laynə ghə̀ a shɨ Nyìngòŋ bènə̀ a shɨ viʼi.

2 Timotì 1:3

Mà ku kəzòŋ à Nyìngòŋ a ma shwèʼ a wen byìʼì wù, nə̀ ətyɨm ə mùʼ ando vətiʼi vwomə ə nlu sə shyèʼè. Mà jɨ̀mə̀ à wù nò məzhʉ ntsèm.

2 Kolìntyàns 1:12

Yès ə saŋlə no nànto, kɨ no fa yès a tətyɨm la no tèbe ghò yi a yès tə nè a mbi a shen, nə̀ ji a yès tə tsi vəghəŋ fa tsu, la yès ə nè to nə̀ tətyɨm tə laynə, ti a Nyìngòŋ ə kʉʼʉ. Yès tə ne no tèbe ghò, nè to byìʼì ətyɨm ə jùŋə ghə̀ Nyìngòŋ, a nko diʼ byìʼì ətof ə mbyi.

Hibùlù 13:18

Ghə̀ŋ ne jɨ̀mə̀ to jɨ̀mə̀ a yès. Yès ə kɨ la tətyɨm tyestə ə laynə, yès kəŋ ə ne to kənyʉ̀ kəjuŋkə to mənzhʉ̀ ntsèm.

1 Kolìntyàns 4:4

Ma ko kwòʼtə̀ kɨ tebè kənyʉ̀ kə kəbyɨkə kətsenkə a mà ne, ali kə ko diʼ la ma ko byɨbsə kənyʉ̀. A diʼ to Bobo a ghə̀ soʼo mò.

Shwèʼ 22:5

Kətʉ kə tʉtʉ vəpfèm və ngə̀ŋ Nyìngòŋ nə̀ vəchəʼ və loʼ no vətsèm zì və tɨmə a nə̀ viʼi və yenəvə a nyʉ̀ venə a ma gàʼà lə̀. Vəwenə nyòʼò li vəŋwàʼlə̀, ə̀ kù kədyòʼ à mò gàʼà la mà dyʉ̀ ə̀ kù à vəlèmə̀ vwomə Vəjew a ntə̀ʼ Damaskus ə̀ ghaʼtə viʼi vyi a və ndzɨ̀mtə̀ Jì fi aghèn ə̀ vì nə̀ vəwenə a Jelusalèm ndi və ku ngəʼ à vəwenə.

2 Kolìntyàns 4:2

Yès ə tensə li no nyʉ̀ ə kətʉ kədiʼkə nò tsèm vyi a və nyoʼtə nè. Yès ko lobtə wìʼ, ko yès kaʼsə kənyʉ̀ kə Nyìngòŋ. Yès ə boŋsə gaʼa to kənyʉ̀ kì a kə diʼ nəmwèʼè ashɨ Nyìngòŋ, ə diʼi nəmwèʼè a viʼi la yès diʼ tò nò viʼi və juŋəvə.

Shwèʼ 23:6

A sə ndiʼ ando Bol nyen li la fa ntìntìn viʼi a və ndìʼ a ntsèntə̀ ayì, vətsenvə ndìʼ Və Falàsi, vətsenvə diʼ Vəsadùsis, ghə̀ mù zɨ̀mə no a gɨ to la, “Vəlèmə̀ vwomə, mà dìʼ alə̀ diʼ wu Falàsi, mu vətìʼ vwomə bè ndìʼ tò Və Falàsi. Və soʼo mò a shèn luwèn byìʼàndo mà byɨmə la Nyìngòŋ lu nè viʼi lu fà pfʉ.”

1 Bità 3:16

Ghə̀ŋ sə nè alə, ghə̀ŋ ə nè nə̀ ətyɨm ə laynə ghə̀ ndi no ndò yi a ghə̀ gaʼa əgaʼa əbyɨghə kumə ntsìnə̀ ə jùŋ ə ghə̀ŋ viʼi a ghə̀ŋ dzɨ̀mtə̀ Yesò na diʼsəkətʉ a nyʉ̀ vyi a vəwenə gaʼa.

Shwèʼ 22:30

Tʉʼ lan, kətʉ kə vəsugyèʼ kə ghoʼokə kì gàʼ la və zatə wen, be gàʼ la tʉtʉ vəpfèm və ngə̀ŋ Nyìngòŋ bènə̀ viʼi soʼò nsoʼsə vì tsèntə̀ byìʼàndo ghə̀ nkəŋə əzhʉ la Vəjew ə ghàmə̀ Bol byìʼì ghò lo. Vəwenə vì ghə̀ mù gàʼ la Bol cho ə̀ tɨmə a mbì ntsèntə̀ ayì.

Shwèʼ 6:15

Viʼi no vətsèm a və ndìʼ a kəshi kə soʼo nsoʼ akì sə ki dyʉ̀sə̀ nə̀ Stifèn ə̀ yen kəʼə wen ghə̀ baynə to nə̀ kəʼə ntsɨ̀ŋ ngə̀ŋ Nyìngòŋ.

Shwèʼ 22:1

“Vəlèmə̀ vwomə, nə̀ vətìʼ vwomə, ghə̀ŋ zhʉtə kənyʉ̀ a ma ti a ghə̀ŋ a shɨ əgàʼ ndi gyàmtə̀ wen ə ghom a.”

Matìyò 5:22

Ma be sə gàʼà à ghə̀ŋ luwen la no ndò a ghə̀ fwisə̀ tyin à lèmə̀ wen və le sòʼ wen, à te no ndò tè lèmə̀ wen la, ‘Kəfo kə maʼa kènkə!’ mu və lu dyʉ̀ nə̀ wen a shɨ ntsèntə̀ viʼi nsoʼ. A be tè no mə ndò tè lèmə̀ wen la, ‘Kəndzɨ̀ŋtə̀ kə kəfo kènkə!’ mu ghə̀ zì ghə̀ pfʉ̀ a zhìʼ byɨ ghə̀.

Shwèʼ 23:15

Yès ə̀ kəŋə luwèn la ghə̀ŋ viʼi soʼò nsoʼsə,tɨm ntɨm à kətʉ kə vəsugyèʼ kə ghoʼokə kì gàʼà à wen la və lyɨ Bol ə̀ vì nə̀ wen à ghə̀ŋ, bɨ̀lə̀ ədiʼ la ghə̀ŋ ə kəŋə ə bèmtə̀ mənyʉ̀lə̀ à wen no nkàyn. Və a sə mvì nə̀ wen ə yès zhwi wen kò a ndiʼ la ghə̀ tɨmə̀ zaʼa a shèn.”

Shwèʼ 23:20

Ghə̀ gàʼ la, “Vəjew və ghʉ li la à lu ndiʼ a boʼòngə̀ŋ ə vəwenə gàʼ à wù la wù lyɨ Bol ə̀ shìʼi nə̀ wen a kəbòʼ kə nsoʼ, bɨ̀lə̀ diʼ la vəwenə ə kəŋə əbèmtə tò nyʉ à wen.

Shwèʼ 23:28

Mà tə lyɨ̀ wen ə̀ shiʼi nə̀ wen a vəwenə kəbòʼ kə nsoʼ byìʼàndo mà tə nkəŋə əkɨ la və ghaʼa wen mu ghə̀ byɨsə ghò lo.