Bib sou entènèt

Shwèʼ 22:5 - The New Testament in the Babanki language

⁵ Kətʉ kə tʉtʉ vəpfèm və ngə̀ŋ Nyìngòŋ nə̀ vəchəʼ və loʼ no vətsèm zì və tɨmə a nə̀ viʼi və yenəvə a nyʉ̀ venə a ma gàʼà lə̀. Vəwenə nyòʼò li vəŋwàʼlə̀, ə̀ kù kədyòʼ à mò gàʼà la mà dyʉ̀ ə̀ kù à vəlèmə̀ vwomə Vəjew a ntə̀ʼ Damaskus ə̀ ghaʼtə viʼi vyi a və ndzɨ̀mtə̀ Jì fi aghèn ə̀ vì nə̀ vəwenə a Jelusalèm ndi və ku ngəʼ à vəwenə.

Gade chapit la Kopi

tounen moute ⬆

Shwèʼ 22:5
21 Referans Kwoze

Ŋwàʼlə̀ Luk 22:66

Ando tʉʼ nlaynə vəchəʼ nə̀ tʉtʉ vəpfèm ngə̀ŋ Nyìngòŋ bènə̀ ndìʼsə̀sə təsoʼ tsèntə, və lyɨ̀ Yesò vì nə̀ wen a vəwenə ashɨ.

Shwèʼ 5:21

Viʼi ntɨm ə̀ Yesò zhʉ kənyʉ̀ a kènkə, tʉʼ lan vəwenə dyʉ̀ a ngə̀ŋ Nyìngòŋ ə̀ zìtə̀ sə̀ ziʼì viʼi tsu. Kətʉ kə tʉtʉ vəpfèm və ngə̀ŋ Nyìngòŋ wenə̀ viʼi bàm ə wen vi dzàŋtə̀ vəchəʼ və Vəjew no vətsèm la vəwenə vi ə̀ ghàʼa ntsèntə̀ bè tɨ̀m viʼi la və dyʉ̀ ə̀ lyɨ̀ viʼi ntɨm ə Yesò fa mfɨŋ ə̀ vì nə̀ vəwenə.

1 Timotì 4:14

Kə wù a lyesə kəku ki a Kəzhwì kə Ŋwòʼəkə ə ku li à wù lì ando nshə̀ʼtə̀sə ghoʼkəsə ngaʼà ənyʉ̀ byìʼì wù, to ando və vəchəʼ və ngə̀ŋ Nyìngòŋ vi ə ghʉ avu a wù a kətʉ.

Shwèʼ 28:21

Vəwenə bwènsə̀ gàʼ à wen la, “Yès ko yèn ŋwàʼlə̀ a ghə̀ lu fa Judiyà mvì à shèn à yès byìʼì wù, ko a ndiʼ la vəlèmə̀ vyesə a və lù fa tsu mvi a shə̀ ə vi li nə̀ soʼgho tsen ko ngaʼ kənyʉ̀ kə byɨkə kətsenkə byìʼì wù.

Shwèʼ 26:12

“A dìʼ tò byìʼì kənyʉ̀ akènkə a mà nlù sə ndyʉ̀ a Damaskus ando tʉtʉ vəpfèm və ngə̀ŋ Nyìngòŋ ntɨ̀m mo bè kù àdyoʼ la mà dyʉ̀,

Shwèʼ 26:10

Andìʼ shwèʼ a ma nshwèʼè a Jelusalèm. Tʉtʉ vəpfèm və ngə̀ŋ Nyìngòŋ nku kədyòʼ la mà nwe viʼi vyi a və ghoʼsə Nyìngòŋ a ji yi a ma ghoʼsə fa tsu luwen a mfɨŋ no vəghoʼo. A bè ndìʼ ando və nchòsə̀ soʼ la və zhwi vəwenə no nkàntə̀ mò ə̀ ntomsə̀.

Shwèʼ 22:1

“Vəlèmə̀ vwomə, nə̀ vətìʼ vwomə, ghə̀ŋ zhʉtə kənyʉ̀ a ma ti a ghə̀ŋ a shɨ əgàʼ ndi gyàmtə̀ wen ə ghom a.”

Shwèʼ 13:26

“Vəlèmə̀ vwomə, vunə Ablaham, bènə̀ viʼi tɨm no vətsèm a və diʼ a shyə̀, ghoʼsə̀ Nyìngòŋ, ntɨm jùŋ ghèn a ghə̀ vì nə̀ bwòŋ à viʼi dìʼ mu və tɨm à vəghəŋ.

Shwèʼ 9:14

Ghə̀ dìʼ a shèn luwèn nə̀ adyòʼ mù à kù tʉtʉ vəpfèm və ngə̀ŋ Nyìngòŋ la ghə̀ vi ə̀ ghaʼtə no viʼi vətsèm a və jɨ̀mə̀ toŋtə̀ zhiʼ wu.”

Shwèʼ 4:5

Tʉʼ layn, tʉtʉ Vəjew nə̀ ndìʼsə̀sə təsoʼ bènə̀ vəchəʼ tsèntə a Jelusalèm,

Shwèʼ 1:15

Mətsi chò tò nshə̀ʼ alə̀, viʼi və byɨməvə ə zaʼa ghɨ nə̀ məwum mbò be sə ŋwʉʼ tò kəshi kə mùʼ, Bità lù tɨmə əgàʼ à vəwenə ə̀ gàʼ la,

Shwèʼ 2:29

Bità mù dyʉ̀ mbì əgàʼ la, “Vəlèmə̀ vwomə, mà zì ma gàʼ à ghə̀ŋ no nəmwèʼè byìʼì tìʼ vətìʼ və vəghəŋ ghə̀ mbì ə fòn Devìt la ghə̀ mpfʉ li, və bvɨ̀mə̀ wen, se wen bo sə diʼ əkuʼ əzaʼa lan.

Shwèʼ 3:17

“Luwèn a vəlèmə̀ vwomə, mà kɨ la kənyʉ̀ a ghə̀ŋ nə̀ tʉtʉ vəŋə ə nè à Yesò ə̀ ndìʼ tò byìʼàndo ghə̀ŋ nko kɨ kənyʉ̀ a ghə̀ŋ ə nè.

Shwèʼ 23:1

Bol ki dyʉ̀sə̀ nə̀ viʼi vi a ntsèntə̀ ayì ə̀ gàʼ à vəwenə la, “Vəlèmə̀ vwomə, mà ko kwòʼò kwoʼ la ntsìnə̀ yì a mà tsi a shɨ Nyìngòŋ ə zaʼa fa layn dìʼ ale lo. Mà kɨ la ghə̀ dìʼ to nkàyn”

Shwèʼ 23:6

A sə ndiʼ ando Bol nyen li la fa ntìntìn viʼi a və ndìʼ a ntsèntə̀ ayì, vətsenvə ndìʼ Və Falàsi, vətsenvə diʼ Vəsadùsis, ghə̀ mù zɨ̀mə no a gɨ to la, “Vəlèmə̀ vwomə, mà dìʼ alə̀ diʼ wu Falàsi, mu vətìʼ vwomə bè ndìʼ tò Və Falàsi. Və soʼo mò a shèn luwèn byìʼàndo mà byɨmə la Nyìngòŋ lu nè viʼi lu fà pfʉ.”

Shwèʼ 26:11

Mà nku ngəʼ à vəwenə no a aloʼ ntsèntə̀sə no tsèm no a məzhʉ̀ ntsèm be mwòmsə̀ la vəwenə tyen byɨmə vəwenə à Yesò. Mà mbàynə̀ vəwenə no a jì a mà nlu dyʉ̀ a təloʼ tə tɨm ku ngəʼ à vəwenə tsu.

Shwèʼ 28:17

Mətsi chò ntaʼ, Bol dzàŋtə̀ tʉtʉ Vəjew a ntsèntə̀. Vəwenə nè tsèntə̀, ghə̀ gàʼ à vəwenə la, “Vəlèmə̀ vwomə, Vəjew tə ghaʼ mo ə nè və shwìn mò a Jelusalèm be kù mo à viʼi Lum no tè ando mà ko tə̀ nè kənyʉ̀ kə byɨkə kətsenkə à viʼi vəghəŋ, kò a ndiʼ la mà gàʼà li ə̀ mbyɨsə tè kənyʉ̀ kətsenkə kùmə̀ ntsìnə̀ loʼ a ghə̀ nlu fà vətìʼ və vəghəŋ və mbì.

Gàlesìyà 1:13

Ma kɨli la ghə̀ŋ nzhʉ li ji yi a ma ə ntsi to ando ma mbo dzɨ̀mtə̀ ji shisə a viʼi Jus nkuʼsə Nyìngòŋ fa tsu. Ghə̀ŋ kɨli to ando ma ntsuʼ kəghʉ kə nòyn ə viʼi və byɨməvə no nànto be mwomsə ə myetə vəwenə.

Filìbàyns 3:6

Na ki kə nè tyɨmə ghomə sə lɨmə, ma sə tsuʼu kəghʉ kə ntsèntə̀sə viʼi vəbyɨməvə Yesò Klistò. A kənyʉ̀ kə tɨməkə, ma nghʉ təsoʼ no tə tsèm to nkayn.

Swiv nou:

Lyen patwone

Piblisite

Piblisite