Shwèʼ 22:1 - The New Testament in the Babanki language

¹ “Vəlèmə̀ vwomə, nə̀ vətìʼ vwomə, ghə̀ŋ zhʉtə kənyʉ̀ a ma ti a ghə̀ŋ a shɨ əgàʼ ndi gyàmtə̀ wen ə ghom a.”

Shwèʼ 22:1 Referans Kwoze

Shwèʼ 7:2

Stifèn gàʼ la, “Vətìʼ vwomə nə̀ vəlèmə̀ vwomə, ghə̀ŋ zhʉtə a! Nyìngòŋ yì a ghə̀ kiʼi bayn ə ghoʼghə mvi à Ablaham, tìʼ vəghəŋ mbì, a tʉʼ a ghə̀ mbu tsi a loʼ Mesobotamiyà mibu ghə̀ sə lu ədyʉ̀ ntsi a ntə̀ʼ Halan,

2 Timotì 4:16

A ə ndiʼ ando mà tɨmə akəshi kə nsoʼ ə gàʼ ə shi kətʉ komkə ambì kətsi, viʼi nyɨŋkə tò nyɨŋkə, no wìʼ nko faŋ ə tomsə ə mò. Mà jɨ̀mə̀ la Nyìngòŋ lyèsə ku vəwenə ando vəwenə tə nyɨŋ mòʼtə̀ mò.

1 Bità 3:15

Ghə̀ŋ ə boŋsə gumlə Yesò to nə̀ Bobo a ghə̀ŋ a tətyɨm. Ghə̀ŋ ne nyʉ̀ʼ, bvɨtə ə bwensə no ndò azhʉ̀ a ghə̀ bèmə kənyʉ̀ kumə əbyɨmə yì a ghə̀ŋ kiʼi a Yesò. Ghə̀ŋ sə nè alə̀ ghə̀ŋ ə bwaʼmə, be gumlə.

Filìbàyns 1:17

Viʼi vyi a və shə̀ʼtə̀ kənyʉ̀ kə Yesò, kiʼ kənghə̀ʼ, vəwenə shə̀ʼtə̀ ndi kiʼi əfò. Vəwenə kəŋ ə kwʉ̀ʼsə ngəʼ ə shomsə ando ma diʼ a ngə̀ŋ nfɨŋ ashə̀.

Filìbàyns 1:7

Mà zizi ko ma lu faŋ ke ə̀ ku to alə kumə ghə̀ŋ və tsèm byìʼì ando ma kòŋ ghə̀ŋ nəkwoŋ. Nyìngòŋ ə tom li kəvu, vəghəŋ sə ə̀ shyèʼ to muʼ, kò ma diʼ a nfɨŋ, kò ma ti nchwò nsòʼ kumə ntɨm ə jùŋ. Nyìngòŋ diʼi li ətyɨm ə jùŋ ghə̀ ə wen a vəghəŋ no vətsèm ando vəghəŋ ə shwèʼ a wen.

2 Kolìntyàns 12:19

Ghə̀ŋ kwòʼtə la yès nyoʼtə nyʉ̀ venə alə byìʼì ando yès ə kəŋ ntaŋ ə chʉ̀ yèsə laynə a ghə̀ŋ ashɨ mu? Jòʼ! yès ə gaʼa to nə̀ viʼi Yesò ashɨ Nyìngòŋ. Yès sə gaʼa nyʉ̀ a venə a ghə̀ŋ no ətsèm alə̀ to byìʼì ando yès ə kòŋ ghə̀ŋ, kəŋ la ghə̀ŋ nkwi a jisə yi a Nyìngòŋ ə kəŋ fa tsu a vəlemə.

2 Kolìntyàns 7:11

Ghə̀ŋ yen li kənyʉ̀ ki a kə fʉ li a ghə̀ŋ a ntsìnə̀sə ando ghə̀ŋ tə nsù kətʉ mu a ne Nyìngòŋ a, ghə̀ŋ fwàynə̀ Nyìngòŋ! Ghə̀ŋ yen ando ghə̀ŋ lɨbtə ə taŋ əchʉ̀ ghəŋə a. Ghə̀ŋ yen li ando kənyʉ̀ na kì ə nzafə ghə̀ŋ a. Kənyʉ̀ a kì ə tə ə nè, ghə̀ŋ sə fwàynə̀ no nànto. Ghə̀ŋ tə nkòŋ ə yen mo no nànto. Ghə̀ŋ tə sə lɨ̀mtə̀ ə nè kənyʉ̀ kumə kənyʉ̀ na kì, be sə kòŋ ə ku ngəʼ a wìʼ yi a ghə̀ nè byɨbsə kənyʉ̀. Ghə̀ŋ diʼi li to ji sə tsèm la ghə̀ŋ ko tə əkɨ kənyʉ̀ na kènkə.

1 Kolìntyàns 9:3

A lə ji yì a ma nè ma sə gàʼà fa tsù ə gyamtə wenə ghomə azhʉ̀ a viʼi ə ghàmə̀ mò.

Lumans 2:15

Vəwenə ne ali, kə ə diʼi la Nyìngòŋ ə nyòʼò li kənyʉ̀ ki a Əsoʼ ə kəŋ a vəwenə tətyɨm. Təkwòʼtə̀ tə vəwenə ti to nəmwèʼè, tomsə vəwenə, be gyamtə vəwenə.

Shwèʼ 28:17

Mətsi chò ntaʼ, Bol dzàŋtə̀ tʉtʉ Vəjew a ntsèntə̀. Vəwenə nè tsèntə̀, ghə̀ gàʼ à vəwenə la, “Vəlèmə̀ vwomə, Vəjew tə ghaʼ mo ə nè və shwìn mò a Jelusalèm be kù mo à viʼi Lum no tè ando mà ko tə̀ nè kənyʉ̀ kə byɨkə kətsenkə à viʼi vəghəŋ, kò a ndiʼ la mà gàʼà li ə̀ mbyɨsə tè kənyʉ̀ kətsenkə kùmə̀ ntsìnə̀ loʼ a ghə̀ nlu fà vətìʼ və vəghəŋ və mbì.

Shwèʼ 26:24

Bol nè gàʼ ə̀ zaʼa a kəshi ghèn, Festus zɨmə ə̀ gàʼ la, “Bol, wù dìʼ alə̀ bomə̀. Ŋwàʼlə̀ ghèn a wu ziʼì no nànto lə ne li wù sə bomə̀!”

Shwèʼ 25:16

Ma gàʼ à vəwenə la, ‘A ko diʼ ntsìnə̀ yes, viʼi Lum ə ku wìʼ a və gàʼà la ghə̀ byɨsə li kənyʉ̀ la və ku ngəʼ à wen kò à ndiʼ la ghə̀ tɨmə̀ tɨ̀mə a shɨ viʼi vyi a və ghàmə̀ wen lì ə gàʼ kənyʉ̀ ndi gyàmtə̀ wen ə wen.’

Shwèʼ 25:8

Bol gàʼ ndi gyàmtə̀ wen ə wen la, “Mà ko kwàʼ soʼ Vəjew, ko ma lù byɨ̀sə kənyʉ̀ kətsenkə à vəwenə a ngə̀ŋ Nyìngòŋ, ko ndiʼ la mà gaʼà li tè kənyʉ̀ kə byɨkə kətsenkə byìʼì fòyn ə ghoʼo ə Lum.”

Shwèʼ 24:10

Gumnà ayì ku ji à Bol la ghə̀ gàʼ, ghə̀ mù lù gàʼ la, “Mà kɨ li la wù soʼ li loʼ ghenə no a ngwʉ̀ʼsə ghoʼsə, ma sə saŋlə̀ luwèn ə nti à wù a shɨ əgàʼ ndi gyàmtə̀ wen ghomə.

Shwèʼ 23:6

A sə ndiʼ ando Bol nyen li la fa ntìntìn viʼi a və ndìʼ a ntsèntə̀ ayì, vətsenvə ndìʼ Və Falàsi, vətsenvə diʼ Vəsadùsis, ghə̀ mù zɨ̀mə no a gɨ to la, “Vəlèmə̀ vwomə, mà dìʼ alə̀ diʼ wu Falàsi, mu vətìʼ vwomə bè ndìʼ tò Və Falàsi. Və soʼo mò a shèn luwèn byìʼàndo mà byɨmə la Nyìngòŋ lu nè viʼi lu fà pfʉ.”

Shwèʼ 23:1

Bol ki dyʉ̀sə̀ nə̀ viʼi vi a ntsèntə̀ ayì ə̀ gàʼ à vəwenə la, “Vəlèmə̀ vwomə, mà ko kwòʼò kwoʼ la ntsìnə̀ yì a mà tsi a shɨ Nyìngòŋ ə zaʼa fa layn dìʼ ale lo. Mà kɨ la ghə̀ dìʼ to nkàyn”

Shwèʼ 19:33

Viʼi vətsenvə nyenə tò la Alèksandà kìʼ kənyʉ̀ əgàʼ byìʼàndo Vəjew ngàʼà la ghə̀ cho ə̀ tɨ̀mə a mbì. Alèksandà tsòʼsə̀ kəvu kə wen a kàŋ ə̀ nè la viʼi chɨmə, mù zìtə̀ əgàʼ ədìʼ la à ko yì zìtə̀ Vəjew nzìtə̀ ngəʼ aghèn,

Shwèʼ 13:26

“Vəlèmə̀ vwomə, vunə Ablaham, bènə̀ viʼi tɨm no vətsèm a və diʼ a shyə̀, ghoʼsə̀ Nyìngòŋ, ntɨm jùŋ ghèn a ghə̀ vì nə̀ bwòŋ à viʼi dìʼ mu və tɨm à vəghəŋ.

Ŋwàʼlə̀ Luk 21:14

Ghə̀ŋ ghʉ à ghə̀ŋ tətyɨm la ghə̀ŋ ko lə zhuŋsə təwen təŋtə kwòʼtə̀ jì a ghə̀ŋ lu dyʉ̀ ə bwènsə̀ nyʉ̀ a və bèmtə̀ à ghə̀ŋ li,

Ŋwàʼlə̀ Luk 12:11

“Və sətsen ghaʼ ghə̀ŋ ə dyʉ̀ nə̀ ghə̀ŋ ashɨ viʼi a və soʼo nsoʼ a ngə̀ŋ ntsentə, kò ashɨ tʉtʉ loʼ, kə ghə̀ŋ nə̀ kayntə la ghə̀ŋ a gàʼ la ghò ndi shisə̀ tə wen təŋtə fa kənyʉ̀ lo,