Shwèʼ 21:8 - The New Testament in the Babanki language

⁸ Tʉʼ lan, yès lù dyʉ̀ a Sisalìyà ə̀ dyʉ̀ kwèn a ngə̀ŋ wutsen a ghə̀ nshə̀ʼtə̀ ntɨm jùŋ Nyìngòŋ, zhiʼ wen diʼ Filib bè tsì tsu. Ghə̀ ndìʼ wìʼ muʼ fa ntìntìn viʼi vyi a və ntsuʼù a Jelusalèm lì.

Shwèʼ 21:8 Referans Kwoze

Shwèʼ 6:5

Viʼi vəbyɨməvə a vyi sə̀ saŋlə̀ no a nkàyn byìʼì kənyʉ̀ kènkə a viʼi ntɨm ə̀ Yesò ngaʼà lə̀ mù tsuʼ Stifèn andiʼì wìʼ mu ghə̀ byɨmə li à Nyìngòŋ no a nkàyn, kəzhwì kə ŋwoʼəkə be tomsə̀ wen, bè tsuʼ Filib nə̀ Blocholus nə̀ Nikanòl nə̀ Timon nə̀ Balmenas bènə̀ Nikolawus andiʼì wù Antìyòk mu ghə̀ kaʼsə li sə diʼ to nə̀ wù Jus.

Efisyàns 4:11

A ndiʼi wen yi a ghə̀ ə ku məku. Ghə̀ ntsuʼ viʼi vətsenvə ə ghʉ̀ a viʼi ntɨm, ə tsuʼ vətsevə ə ghʉ̀ a nshə̀ʼtə̀sə ghoʼkəsə, ghə ntsuʼ vətsevə ə ghʉ̀ la və ə nshə̀ʼtə̀ kənyʉ̀ kə Nyìngòŋ to ashi ashi ə be tsuʼ vətsevə la və ə ndiʼ nshə̀ʼtə̀sə ngə̀ŋ Nyìngòŋ ə tsuʼ vətsevə a ndìʼsə̀sə.

2 Timotì 4:5

Fà wù, wù dìʼ ə ghaʼa wenə wu, ə kwiʼi ətyɨm ə bwəʼ ngəʼ wù ə nshə̀ʼtə̀ dyʉ̀ nə̀ ntɨm ə jùŋ, bè nè ə shwèʼ ə wu no tsèm a nə̀ wù ə shyèʼ ə Nyìngòŋ.

Shwèʼ 28:16

Andìʼ ando yès mvì zaʼa a Lum, və ghʉsə la Bol ndiʼ tò fà wen a ngeŋ nə̀ sugyèʼ a ghə̀ tsɨ̀ŋə̀ wen.

Shwèʼ 16:13

kətsi kəzhʉtə kə Vəjew nè vì, yès lù fʉ̀ fa ntə̀ʼ ayì ə̀ dyʉ̀ a mbyɨ̀ àmù byìʼàndo yès nkɨ la adìʼ kəshi a Vəjew ndyʉ̀ zhùŋtə̀ tsu jɨ̀mə̀. Yès dyʉ̀ ŋwʉʼʉ tsu sə ziʼi ki vi a və mvì tsu.

Shwèʼ 16:10

Fa yì a bàm, yo vəwenə baʼtə̀ tò a zhʉ a yì əlu dyʉ̀ a loʼ Macedonia byìʼàndo yès nyen li la Nyìngòŋ ə kəŋə la yès dyʉ̀ shə̀ʼtə̀ ntɨm jùŋ à loʼ ayì.

Shwèʼ 9:30

Viʼi vəbyɨməvə vətsenvə vi nè kɨ kənyʉ̀ akì no a zhʉ̀ kò ə lyɨ̀ wen ə̀ nyɨŋsə ə̀ shìʼsə nə̀ wen a Sisalìyà ə̀ tɨ̀m la ghə̀ bwènə̀ dyʉ̀ a Talsus.

Shwèʼ 28:11

Yès ntsì a Maltà vəsàŋ vətaʼ, nè sə nlù ə̀ kwèn a kəbaŋ kə a mù a və ndzàŋə̀ nə̀, “vənyìngòŋ və mboʼməsə,” a kə nlu fa Alèksandìliyà ə̀ vì tɨ̀mə tsu byìʼàndo à ndìʼ nəbyɨ̀ŋ, fwof toghə be chò.

Shwèʼ 27:1

Andìʼ ando və nghʉ li la yès kwenə a kəbaŋ kə à mù ə̀ dyʉ̀ a Italì, və ku Bol wenə̀ viʼi mfɨŋ vətsenvə à kətʉ kə vəsugyèʼ viʼi Lum kətsenkə, zhiʼ wen diʼ Juliyòs. Və ndzàŋə̀ nòyn Vəsugyèʼ a vyi nə̀ vəsugyèʼ və Fòn ghoʼo.

Shwèʼ 23:23

Kətʉ kə vəsugyèʼ kə ghoʼokə kì dzàŋtə̀ tʉ vəsugyèʼ və wen la vəbò ə̀ gàʼ à vəwenə la, “Ghə̀ŋ lyɨ vəsugyèʼ təghɨ təbò ə boʼsə nə̀ vəsugyèʼ vətsenvə a və nyɨŋə a tʉ nyamsə məwum sòmbo, bènə̀ vi a və soynə nə̀ aghoŋ təghɨ təbò, wenə̀ vəwenə mbvʉ̀tə̀ ədyʉ̀ a Sisalìyà. Vè vəwenə mbaʼtə̀ əlù a təzhʉ abʉ̀muʼ nəntʉʼʉ layn.

Shwèʼ 20:13

Yès lù kwèn a nkànuʼ ə̀ dyʉ̀ a mbì a Assos, andiʼ kəshi a yès ndiʼ lyɨ̀ Bol fa tsu. Ghə̀ ngàʼa la yès ne a lì byìʼàndo ghə̀ nlù dyʉ̀ tsu fa ji.

Shwèʼ 20:6

Yès dyʉ̀ zaʼa a Fìlìbày. Mətsi mì a və nzhɨ kəbayn kènə̀ fəshɨ̀ŋ fə tsu ne chò, yès kwen a nkànuʼ ə̀ lyɨ̀ mətsì ntàyn əjèʼ kwetə vəwenə a Tuwas, yo vəwenə tsi tsu ə woŋ mpfen.

Shwèʼ 18:22

Bol nè dyʉ̀ zaʼa ntə̀ʼ Sisalìyà ə̀ kuʼ dyʉ̀ tòŋtə ntsèntə̀ viʼi vəbyɨməvə a Jelusalèm, ə lù fà tsu bwènə̀ shiʼi fa Antìyòk,

Shwèʼ 16:16

Tʉʼ layn kətsi kətsenkə, yès bè sə ndyʉ̀ a kəshi kə jɨ̀m ə̀ bùmtə̀ wàyn wùwì tsen a ghə̀ nshyèʼè kəkòs à wìʼ. Ghə̀ nkìʼ Kəzhwì kə byɨkə. Kəzhwì kə byɨkə akì nè ghə̀ shə̀ʼtə nyʉ̀ a və lu fʉ̀ à viʼi. Ghə̀ mpfwo nə̀ ko no ghoʼo fà nyʉ̀ a vyi a ghə̀ nshə̀ʼtə̀ à viʼi lì. Ghə̀ mvi ku kò ayi à viʼi a və nkiʼ wen.

Shwèʼ 10:1

Wutsen ndìʼ a ntə̀ʼ ghoʼo yì a və ndzàŋə̀ nə̀ Sisalìyà a zhiʼ wen ndìʼ Kòneliyòs. Ghə̀ ndìʼ kətʉ kə nòyn ə vəsugyèʼ a və mvì fa Italì.

Shwèʼ 21:16

Yo viʼi vəbyɨməvə vətsenvə ndyʉ̀ tsu a muʼu mù və lù fa Sisalìyà. Vəwenə lyɨ̀ yès yo vəwenə dyʉ̀ tsì a ngə̀ŋ wù Saybùs tsen, zhiʼ wen diʼ Mnasòn, a andiʼì wu byɨmə no fà kəghaf.