Shwèʼ 21:16 - The New Testament in the Babanki language

¹⁶ Yo viʼi vəbyɨməvə vətsenvə ndyʉ̀ tsu a muʼu mù və lù fa Sisalìyà. Vəwenə lyɨ̀ yès yo vəwenə dyʉ̀ tsì a ngə̀ŋ wù Saybùs tsen, zhiʼ wen diʼ Mnasòn, a andiʼì wu byɨmə no fà kəghaf.

Shwèʼ 21:16 Referans Kwoze

Shwèʼ 21:8

Tʉʼ lan, yès lù dyʉ̀ a Sisalìyà ə̀ dyʉ̀ kwèn a ngə̀ŋ wutsen a ghə̀ nshə̀ʼtə̀ ntɨm jùŋ Nyìngòŋ, zhiʼ wen diʼ Filib bè tsì tsu. Ghə̀ ndìʼ wìʼ muʼ fa ntìntìn viʼi vyi a və ntsuʼù a Jelusalèm lì.

Filimùyn 1:9

Ali ma boŋsə sensə wù sensə byìʼì ə koŋə yi a ma kiʼi a wù. Mò Bol, a diʼ nə̀ wù to be diʼ a ngə̀ŋ nfɨŋ byìʼì ando ma shwèʼè a Yesò Klistò.

Lumans 16:7

Ghə̀ŋ toŋtə Andɨ̀lonikùs nə̀ Junìyàs. Vəwenə diʼ to viʼi Jus to a nə̀ mò. Yo vəwenə ə ndiʼ a ngə̀ŋ nfɨŋ amuʼ. Vəwenə ə byɨmə li a Yesò a mo a mbì, viʼi ntɨm ə Yesò ə sə shɨtə kɨ vəwenə no akayn.

Shwèʼ 15:39

Vəwenə zìtə̀ ntaŋ a kəshi ayì no faynsə ə̀ gə̀sə̀. Balnabas lyɨ̀ Joyn Mak wenə̀ wen kwen a kànuʼ ə̀ dyʉ̀ a Saybùs.

Shwèʼ 11:19

Viʼi vəbyɨməvə vi a və nlù nyɨŋkə byìʼì ngəʼ yi a ghə̀ ndiʼ ando və nzhwi Stifèn ə̀ sàykə̀ dyʉ̀ a loʼ Fònisiya nə̀ a loʼ Saybùs bènə̀ a ntə̀ʼ ghoʼo tsen, a və dzàŋə̀ la Antìyòk. Vəwenə nshə̀ʼtə̀ dyʉ̀ nə̀ ntɨm jùŋ tò à Vəjew.

Shwèʼ 10:48

Ghə̀ gàʼ a lì mù gàʼ la və ku mu à vəwenə à zhiʼ Yesò Klistò. Vəwenə gàʼ à Bità la ghə̀ tsìtə wenə vəwenə a mətsi nshəʼ alə̀.

Shwèʼ 10:24

ə̀ jèʼ dyʉ̀ kwèn a Sisalìyà a kənkùmtə̀ kə kətsi. Andìʼ a lì Kòneliyòs kə̀ʼtə̀ wenə̀ viʼi ngwàʼa ngə̀ŋ wen bènə̀ ndoŋsə wen a ghə̀ nlaʼà və vì.

Shwèʼ 8:40

Ando Kəzhwì kə Bobo kə nlyɨ Filib lì, ghə̀ bvʉ̀tə̀ yèn wen ə wen a kəshi kətsenkə, a və dzò nə̀ Azotus mù sə jèʼè chòmə̀ no fa ntə̀ʼsə sətsèm tsu, shə̀ʼtə̀ ntɨm jùŋ, ə̀ kaʼ ə̀ jèʼ vì zaʼa a Sisalìyà, andiʼì ntə̀ʼ ghoʼo a ghə̀ ndiʼì tsu.

Shwèʼ 4:36

Wù loʼ Sayblùs tsen be fʉ̀ vì nə̀ ko a ghə̀ mbaʼlə̀ sɨm ə wen tsu ə̀ kù à viʼi ntɨm Yesò la vəwenə gətə à viʼi və byɨməvə. Zhiʼ wìʼ ayi ndìʼ Josèf, və ndzàŋ wen la Balnabas kənàʼ kikə diʼ la, “Ghə̀ nwe tətyɨm” Ghə̀ ndìʼ wù ngwàʼa ngə̀ŋ Levì.

Shwèʼ 15:7

Vəwenə nè gùmə̀ a kənyʉ̀ akì zaʼa a kəshi kətsenkə, Bità lù gàʼ la, “Vəlèmə̀ vwomə, ghə̀ŋ ə kɨ nəmwèʼè la Nyìngòŋ ntsuʼ li mò fa ghə̀ŋ a ntìntìn a tʉʼ mbì la mà nshə̀ʼtə̀ ntɨm jùŋ à viʼi tɨm ndi vəwenə zhʉ ə̀ byɨmə à Bobo.