Shwèʼ 21:11 - The New Testament in the Babanki language

¹¹ Ghə̀ vì shì kətəŋ kə Bol ə̀ kwìʼ aghʉ wen nə̀ avu wen tsu tò fà wen a ngə̀ŋ ə̀ gàʼ la, “Kəzhwì kə ŋwòʼəkə gàʼ la, a lè ando Vəjew vi a və diʼì a Jelusalèm ne kwiʼ wìʼ yì a ghə̀ kiʼì kətəŋ kènkə ə ku wen à tɨmə.”

Shwèʼ 21:11 Referans Kwoze

Shwèʼ 21:33

Kətʉ kə vəsugyèʼ akì dyʉ̀ à Bol ə̀ gàʼ və ghaʼ wen ə̀ kwìʼi wen nə̀ mpfɨŋsə səbò. Ghə̀ mù bèm à viʼi a vyi la, “Wìʼ ghèn dìʼ ndo? Ghə̀ nè ghò?”

Shwèʼ 20:23

alì kənyʉ̀ a mà nkɨ dìʼ tò la ando Kəzhwì kə ŋwòʼəkə diʼì li me à mò no a ntə̀ʼ ko a mà chò fa tsu, la mà dìʼ wù mfɨŋ ngəʼsə be kə̀ʼtə̀ mò tsu.

1 Bità 1:12

Nyìngòŋ ə ndiʼi li làynsə a nshə̀ʼtə̀sə ghoʼokəsə na sensə la vəwenə ə shə̀ʼtə̀ ntɨm na ghèn ko vəwenə shəʼtə̀ a və wenə təwen, la vəwenə ə boŋsə shyèʼ a ghə̀ŋ. Nyìngòŋ ə sə diʼ mù ghə̀ tɨm li Kəzhwì kə Ŋwoʼkə a viʼi mu kə lù fa kàŋ, və shə̀ʼtə̀ nyʉ̀ na venə a ghə̀ŋ chò fa a ntɨm ə jùŋ, a diʼ nyʉ̀ a no tèbe ətsɨŋsə Nyìngòŋ əkòŋ ə kɨ.

Hibùlù 10:34

Ghə̀ŋ ə kusə shinsə a viʼi vyi a və ghaʼtə shwin. Və nghaʼtə shi əfo ə vəŋə, ghə̀ŋ ə boŋsə saŋlə byìʼì ando ghə̀ŋ ə kɨ la ghə̀ŋ bo kiʼi əfo vyi a Nyìngòŋ ə ghʉ̀ a ghə̀ŋ, və kuʼmə chò vyi a və ghaʼ shi be diʼ mu və faŋ li to nəmwèʼè.

Hibùlù 3:7

A lə kənyʉ̀ ki a kəzhwì kə Ŋwoʼkə ə gàʼa la, “Ghə̀ŋ zhʉ̀ gɨ Nyìngòŋ layn,

2 Timotì 2:9

Mà yenə ngəʼ, və shwinə̀ mò a nə̀ wù ə mfɨŋ alə tò byiʼ ando ma ziʼi ntɨm ə jùŋ à viʼi. Alì kənyʉ̀ kə Nyìngòŋ a kenkə ə diʼ mu və zi ko və lu shwìn.

Efisyàns 6:20

Ma diʼ mu və tɨm la mà vi ə shə̀ʼtə̀ ntɨm ə jùŋ a ghèn no tèbe ando, ma diʼi luwen a nfɨŋ. Ghə̀ŋ njɨ̀mə̀ la mà ə̀ shə̀ʼtə̀ to ando ma diʼi ə̀ nshə̀ʼtə̀, ko ma fwàynə̀ tebè kəfo.

Efisyàns 4:1

Ma sensə ghə̀ŋ byìʼì shwèʼ a ghenə a Bobo ne li a vəghəŋ la, ghə̀ŋ ntsi ntsìnə̀sə, a ji yi a Nyìngòŋ ə kəŋ ando ghə̀ dzàŋ shisə ghə̀ŋ fa mbyi. Ghə̀ŋ kɨli la ma diʼ alə̀, diʼ wù ə nfɨŋ byìʼì shwèʼ yì a ma ne a Bobo.

Efisyàns 3:1

A diʼ to byìʼì ntsèntə̀ ə vəghəŋ a ghèn a ma jɨ̀mə̀ a Nyìngòŋ ə kùmə̀ ghə̀ŋ. Ma diʼ wù ə nfɨŋ byìʼì shwèʼ yì a Yesò Klistò kù a mò la mà ə shə̀ʼtə̀ ntɨm ə jùŋ a ghə̀ŋ viʼi ətɨm.

Shwèʼ 28:25

Vəwenə gə̀sə̀ fà tsu tò nə̀ ntaŋ ando Bol ngàʼa kənyʉ̀ kènkə kə mùʼ tsu la, “Kəzhwì kə ŋwòʼəkə ə nè tò kənyʉ̀ kə tɨməkə əgàʼ à vətìʼ və vəghəŋ və mbì ə̀ chò fà nshə̀ʼtə̀ Azayà la:

Shwèʼ 28:20

A lè kənyʉ̀ a kə ne mà ngaʼ la mà yen ghə̀ŋ vəghəŋ besə a muʼu. Mà dìʼ a mpfɨŋsə alə̀ tò byìʼàndo mà byɨmə à wìʼ yì a viʼi Islel ə ghʉ kwòʼtə vəwenə tò à wen.”

Shwèʼ 28:17

Mətsi chò ntaʼ, Bol dzàŋtə̀ tʉtʉ Vəjew a ntsèntə̀. Vəwenə nè tsèntə̀, ghə̀ gàʼ à vəwenə la, “Vəlèmə̀ vwomə, Vəjew tə ghaʼ mo ə nè və shwìn mò a Jelusalèm be kù mo à viʼi Lum no tè ando mà ko tə̀ nè kənyʉ̀ kə byɨkə kətsenkə à viʼi vəghəŋ, kò a ndiʼ la mà gàʼà li ə̀ mbyɨsə tè kənyʉ̀ kətsenkə kùmə̀ ntsìnə̀ loʼ a ghə̀ nlu fà vətìʼ və vəghəŋ və mbì.

Shwèʼ 26:29

Bol shisə la, “A zì a ndiʼ lan, à zì a ndiʼ a boʼòngə̀ŋ, mà jɨ̀mə̀ tò la Nyìngòŋ ne wù ndiʼ wu byɨmə ə boʼsə nə̀ viʼi vətsèm vi a və zhʉtə̀ kənyʉ̀ a ma gàʼà lan, la vəwenə ndiʼ to nə̀ mò ə chò tò la mà dìʼ wù mfɨŋ.”

Shwèʼ 24:27

Ngwʉ̀ʼsə nè chò səbò, Bolsiyùs Festus vì lyɨ̀ kəshi kə Felik a nə̀ gumnà. Felik sə nlù ghʉ̀sə tò Bol a mfɨŋ byìʼàndo ghə̀ nkəŋə la Vəjew nkòŋə̀ wen.

Shwèʼ 22:25

Andìʼ ando və nkwìʼi wen mù sə kəŋə ə nghòmə̀, ghə̀ bèm à kətʉ kə vəsugyèʼ kətsenkə a kə nti boʼsə wen la, “Soʼ lè byɨmə la və ghom wù Lum kènla və soʼ li wen əyen la ghə̀ byɨsə li kənyʉ̀ lo?”

Shwèʼ 16:6

Bol wenə̀ viʼi ndoŋsə wen jèʼ dyʉ̀ a Fligiya bènə̀ Gàlesìyà byìʼàndo Kəzhwì kə ŋwòʼəkə nko ghʉ̀sə la vəwenə shə̀ʼtə̀ ntɨm ə jùŋ a loʼ Asìyà.

Shwèʼ 13:2

Ando vəwenə nghoʼsə̀ Nyìngòŋ be bamə chʉ̀, Kəzhwì kə ŋwòʼəkə vì ə̀ gàʼ à vəwenə la, “Ghə̀ŋ tsuʼ Balnabas wenə̀ Saul, vəwenə nè shwèʼ yi a mà kəŋə la vəwenə nè.”

Shwèʼ 9:16

Nkàntə̀ mò a dìʼi nki ngəʼ à wen a ghə̀ diʼi yen ənè la viʼi kɨ mo.”

Joyn 18:1

Yesò ə jɨ̀mə̀ li mwetə wenə ndzɨ̀mtə̀sə bàm ə wensə lù ə dyàŋ kəbuʼlə a Kidɨ̀lòyn, ə dyʉ̀ kwen a ə sɨm ə Olìf tsenə ghə̀.

Shwèʼ 8:29

Kəzhwì kə ŋwòʼəkə gàʼ à Filib la ghə̀ dyʉ̀ ə̀ boʼsə a mbyɨ̀ fənkwenkwen ayì ndi wenə̀ wìʼ ayì njèʼè dyʉ̀ a muʼu.

Shwèʼ 21:4

Andìʼ tsu, yès kəŋ ə̀ yèn viʼi vəbyɨməvə vətsenvə tsu yo vəwenə tsi mətsi sòmbo. Kəzhwì kə ŋwòʼəkə nè vəwenə shə̀ʼtə̀ à Bol la kə ko bòŋ la ghə̀ be dyʉ̀ a Jelusalèm.

1 Timotì 4:1

Kəzhwì kə Ŋwòʼəkə ə diʼi laynsə la, à lu ə dìʼ a mətsi mə kəmwetə, ə viʼi vətsenvə tensə ko və mbe byɨmə əziʼi yi a ghə̀ diʼ nəmwèʼè byìʼì Yesò Klistò ə nə̀ bòŋsə byɨmə əziʼi ə ndzɨŋsə yi a əzhwì ə byɨvə ə ku.