Shwèʼ 20:4 - The New Testament in the Babanki language

⁴ Ghə̀ njèʼè wenə Sobatel wàyn Ballùs fa Belì, nə̀ Alistakùs nə̀ Sekundùs a vəwenə nlu fa Tèsàlonikà nə̀ Gayòs a ghə̀ nlu fa Delbə̀, nə̀ Tychicùs, nə̀ Tlophimùs a vəwenə nlu fa loʼ Asìyà bènə̀ Timotì.

Shwèʼ 20:4 Referans Kwoze

Shwèʼ 19:29

Zɨmə aghenə sàykə̀ dyʉ̀ a ti ntə̀ʼ no tsèm, nòyn ayì shen ə̀ dyʉ̀ ghàʼ viʼi jèʼ Bol vətsenvə, andiʼ viʼi Macedonia ə̀ kwen ə̀ dyʉ̀ nə̀ vəwenə a kəshi kə ntsèntə̀ ntə̀ʼ. Təzhiʼ tə viʼi a vyi ndìʼ Gayòs wenə̀ Alistakùs.

2 Timotì 4:20

Elastùs tə ə faŋ a ntə̀ʼ Kolìn. Mà tə sə ə lu ə moʼtə Tlophimùs a ntə̀ʼ Miletùs, ghə̀ kwaʼa kwaʼa.

Efisyàns 6:21

Ma tɨmə Tikikùs, ghə̀ a shə̀ʼtə̀ no tèbe ghò a ghə̀ŋ ando ghə̀ŋ kiʼi soʼgho kumə mò nə̀ kənyʉ̀ ki a ma ne. Yès ə kòŋ wen no akàyn. Ghə̀ diʼ to no lèmə̀ vəghəŋ a byɨmə, shwèʼè a Bobo to no nə̀ ətyɨm ə wen ə tsèm.

Taytùs 3:12

No a zhʉ kò a mà təmə̀ Atemàs ko Tychicùs à wù, taŋkə la wù vi ə̀ yèn mo a Nikobolìs byìʼàndo mà ghʉ li la mà ndiʼ tò tsu a byɨ̀ŋ ghèn.

2 Timotì 4:12

Ma tɨm li Tychicùs a Efesùs.

Kòlòsyàns 4:7

Lèmə̀ əkòŋ vəghəŋ Tikikùs a əshəʼtə əsoʼgho ə tsèm a ghə̀ŋ kumə mò. Yès ə tsèntə shwèʼè a Bobo amuʼ, ghə̀ shwèʼè to no nə̀ ətyɨm ə wen ə tsèm.

Shwèʼ 21:29

Vəwenə ngàʼà a lì byìʼ ando vəwenə nyen li Bol a tì ntə̀ʼ wenə̀ wù Efesùs tsen a və ndzàŋə̀ wen nə̀ Tlophimùs mù sə̀ kwòʼò tò la Bol lyɨ̀ li wen, wenə̀ wen nkwen a tì ngə̀ŋ Nyìngòŋ.

Shwèʼ 16:1

Bol wenə̀ Silàs jèʼ ə̀ dyʉ̀ zaʼa Delbə̀ nə̀ Lista. Wu byɨmə tsen ntsi tsu, zhiʼ wen diʼ Timotì, lì wen be diʼ wu byɨmə, a ndìʼ Jus, alì tìʼ wen diʼ wu Glis.

Shwèʼ 14:6

Bol wenə̀ Balnabas nè zhʉ̀ kənyʉ̀ akì ə nyɨŋ ə dyʉ̀ a Lista nə̀ Delbə̀, a andìʼ ə ntə̀ʼsə a Likoniya, bènə̀ bene nyɨŋ ədyʉ̀ a məntə̀ʼtə a mə mboʼsə̀ a loʼ a ghèn

Kòlòsyàns 4:10

Alìstakùs a yo wen diʼ a ngə̀ŋ nfɨŋ gàʼ la mà toŋtə ghə̀ŋ, Mak ə lèmə̀ Bànabàs gàʼ tamə ali. Ghə̀ŋ sə diʼ mù və gaʼa li a ghə̀ŋ kumə Mak. Ghə̀ vi, ghə̀ŋ shisə wen akayn.

3 Joyn 1:1

A nyòʼò mò ə chəʼ ə̀ ngə̀ŋ Nyìngòŋ nyòʼò ŋwàʼlə̀ ghèn à wù ə Gayòs ə̀ wù ndoŋ ə̀ mò a mà kòŋə̀ no nəmwèʼè.

Filimùyn 1:24

Viʼi venə ə be tɨmə ətoŋtə a wù. A yi Mak nə̀ Alistakùs nə̀ Demàs nə̀ Luk. Yo vəwenə shwèʼè a kənyʉ̀ kə mùʼ.

2 Timotì 1:2

Timotì, wàyn kòŋ ə̀ mò, Nyìngòŋ ə Tìʼ, wenə Yesò Klistò, ə Bobo vəghəŋ ə diʼi ətyɨm ə jùŋ ghə̀ à wù nə̀ əkusə shinsə, ə be ku mbwaʼmə a wù.

1 Timotì 1:1

A nyòʼò mò Bol, nyòʼo ŋwàʼlə̀ ghèn mu à tsuʼ Nyìngòŋ wenə Yesò Klistò ntsuʼ mo la mà ə ndìʼ wù ə ntɨm ə̀ Yesò Klistò. A dìʼ Nyìngòŋ yì a ghə̀ mbwòŋsə̀ vəghəŋ fa mbyɨsə wenə Yesò Klistò yì a vəghəŋ ə kə̀ʼtə̀ wen, kɨ nəmwèʼè la ghə̀ vì.

Filìbàyns 2:19

Sətsen Bobo Yesò a tomsə mo ə mà tɨm Timotì à ghə̀ŋ to mətsi ghèn ndi ghə̀ bwenə vì ə̀ shyə̀ʼtə̀ soʼgho à mò byìʼì ghə̀ŋ ə̀ nè ma ə nsaŋlə̀.

2 Kolìntyàns 1:19

Ghə̀ŋ kɨli la Wàyn Nyìngòŋ, ə Yesò Klistò yi a yo və Timotì nə̀ Silàs tə nshə̀ʼtə̀ kənyʉ̀ kə wen a ghə̀ŋ ə ko nə̀ gaʼa təgàʼ tə bò. Ghə̀ ngaʼa to kənyʉ̀ ki a kə diʼi nəmwèʼè a nə̀ Wàyn Nyìngòŋ.

2 Kolìntyàns 1:1

A nyòʼò mo Bol ə wù ə ntɨm ə Yesò Klistò mu à ntsuʼ Nyìngòŋ ntsuʼ mo fa wen a kòŋ. Ma nyoʼo ŋwàʼlə̀ ghèn a ntsèntə̀sə viʼi Nyìngòŋ vyi no vətsèm a və tsi a Kolìn, be nə̀ a ghə̀ŋ viʼi Nyìngòŋ vyi a ghə̀ŋ tsi ashə Akayà no vətsèm. Ma diʼ yo Timotì ə lèmə̀ ə vəghəŋ a byɨmə.

Lumans 16:23

Gayòs ə be toŋtə ghə̀ŋ. Ma tsi a wen a ngə̀ŋ, viʼi və byɨməvə no vətsèm ə vi tsèntə tsu. Èlasɨtùs yi a ghə̀ tuʼmə nə̀ nyʉ̀ əko a ntə̀ʼ a shèn wenə lèmə̀ vəghəŋ Katùs ə be tɨmə ətoŋtə.

Lumans 16:21

Timotì, a yo wen ə shyèʼ amuʼ ə tɨmə ətoŋtə a ghə̀ŋ. Lusìyùs nə̀ Jesɨ̀yn nə̀ Sòsìbatà ə viʼi lòʼ yès ə be tɨmə ətoŋtə a ghə̀ŋ.

Shwèʼ 27:2

Yès lù ə̀ dyʉ̀ kwèn a kəbaŋ kə a mù a kə nlu fa ntə̀ʼ Adlamitùm sə shiʼì dyʉ̀ fa shyə a baŋ a mù ndyʉ̀ tɨmə̀ tsu a loʼ Asìyà. Alistakùs, wù loʼ Macedonia tsen a ghə̀ nlu fa ntə̀ʼ Tèsàlonikà ndìʼ yo vəwenə a muʼu.

Shwèʼ 17:1

Bol wenə viʼi wen jèʼ li chò fa ntə̀ʼ Amfibolis bènə̀ fa ntə̀ʼ Abòlòniyà ə̀ vì zaʼa a ntə̀ʼ Tèsàlonikà, a ngə̀ŋ tsèntə Vəjew tsen ndìʼ tsu.

Shwèʼ 14:20

Ndzɨ̀mtə̀sə bàm Yesò sə nè zhùŋtə̀ kaʼ a wen a mbyɨ̀, ghə̀ lù bwènə̀ kwèn a tì ntə̀ʼ ayì. Tʉʼ layn, ghə̀ lù wenə̀ Balnabas ə̀ dyʉ̀ a ntə̀ʼ Delbə̀.

Shwèʼ 2:9

Vəghəŋ dìʼ a shèn vətsenvə diʼ mu və lù fa shyə Balthia, fa shyə Midìyà nə̀ Elam, fa Mesobotamiyà, fa Judiyà nə̀ Kabadosiyà, fa Bontùs nə̀ fa Asìyà.

Shwèʼ 16:6

Bol wenə̀ viʼi ndoŋsə wen jèʼ dyʉ̀ a Fligiya bènə̀ Gàlesìyà byìʼàndo Kəzhwì kə ŋwòʼəkə nko ghʉ̀sə la vəwenə shə̀ʼtə̀ ntɨm ə jùŋ a loʼ Asìyà.

Shwèʼ 17:13

Andìʼ ando Vəjew a və ndìʼ a Tèsàlonikà nzhʉ la Bol be shə̀ʼtə̀ ntɨm jùŋ à viʼi Belì, vəwenə vì tsu sə bosə̀ la vəwenə zìtə̀ soyn.

Shwèʼ 20:16

Andìʼ a lì mu Bol ghʉ li la yì ko chò ji fa Efesùs byìʼàndo ghə̀ nko kòŋ əle zhʉ a loʼ Asìyà. Ghə̀ nlɨfə a lì ando ghə̀ kəŋə əjèʼ kwen a Jelusalèm mibu kətsi kə Bentekòs kə vi kwʉ̀ʼ.

Shwèʼ 20:18

Vəwenə nè vì ghə̀ gàʼ à vəwenə la, Ghə̀ŋ kɨ li ando mà ntsi bè shwèʼ à ghə̀ŋ a ntìntìn tò fa mbì kətsì ando mà mvi a loʼ Asìyà.