Shwèʼ 2:42 - The New Testament in the Babanki language

⁴² vəwenə bè kù təwen tə vəwenə sə̀ zhʉtə̀ nyʉ̀ vyi a viʼi ntɨm ə̀ Yesò nziʼì gə̀tə̀ no kənyʉ̀ kə kò akì a vəwenə nkiʼi zhɨ be jɨ̀mə̀ tò a kənyʉ̀ kə mùʼ.

Shwèʼ 2:42 Referans Kwoze

Hibùlù 10:25

Kə vəghəŋ ne kwen a kənyʉ̀ yi a vəlemə vətsenəvə ə ne ə lyesə ntsìnə̀ yì a vəghəŋ ə diʼ ə nvi tsèntə to kənyʉ̀ kə mùʼ. Vəghəŋ ə boŋsə ghòmtə̀ təwen tə vəghəŋ byìʼì ando vəghəŋ ə yen li la kətsi kì a Bobo a bwenə vi sə boʼsə.

Shwèʼ 1:14

A ndìʼ a lì, vəwenə nghoʼo zhùŋtə̀ əjɨ̀m a ntsèntə̀ wenə̀ ki vətsenvə nə̀ Mèli ə lì Yesò bènə̀ vəlèmə̀ və wen.

1 Joyn 1:3

Yès ə gàʼà ənyʉ̀ a ghə̀ŋ a diʼi ənyʉ̀ a yès ə yen li ə bè zhʉ ndi vəghəŋ ə ntsèntə̀ diʼ a kənyʉ̀ kə mùʼ vəghəŋ və Tìʼ bènə̀ Wàyn wen ə Yesò Klistò.

1 Joyn 1:7

Vəghəŋ sətsèn ə njèʼè a tyì əbayn ndə̀ŋndəŋ ando Nyìngòŋ dìʼ a tyì əbayn mu vəghəŋ tsèntə̀ dìʼ a kənyʉ̀ kə mùʼ, mənlyuŋ mə̀ wàyn wen ə Yesò Klistò be shʉ̀ vəghəŋ fa vəghəŋ a mbyɨsə no sətsèm.

Shwèʼ 2:46

Vəwenə vi zhùŋtə̀ à ngə̀ŋ Nyìngòŋ tò mətsì ntsèm. Vəwenə nè fʉ̀, və sə jèʼè zhɨ tò à ngə̀ŋ a ngə̀ŋ be saŋlə̀ a kənyʉ̀ kə mùʼ,

Shwèʼ 20:7

A nè sə ndiʼ a kəlyɨŋ kə zhʉ mpfwomə a mbì kətsi a woŋ, yès tsèntə̀ əzhɨ, Bol zìtə̀ sə ziʼì viʼi, ə̀ ziʼi tò ziʼi ə zaʼa a ntìntìn nəntʉʼʉ byìʼàndo tʉʼ ndiʼ layn ghə̀ lu.

Efisyàns 6:18

Ghə̀ŋ sə ne nyʉ̀ a venə, ghə̀ŋ ə njɨ̀mə̀ a Nyìngòŋ to məzhʉ̀ ə tsèm, ando kəzhwì kə wen kə ə tisə ghə̀ŋ. Jɨ̀mə̀ la Nyìngòŋ gyamtə ghə̀ŋ no gho a ghə̀ŋ kəŋ. Ghə̀ŋ ə̀ tùʼmə̀, kə wìʼ ne ə lyesə ə jɨ̀m. Ghə̀ŋ mbe ə njɨ̀mə̀ a viʼi Nyìngòŋ no və tsèm.

Ŋwàʼlə̀ Jud 1:20

Alì, a diʼ fa ghə̀ŋ a ndoŋ shomsə jùŋ sə, ghə̀ŋ diʼ ngyàmtə̀ təwen ə təŋtə, kwi a ghə̀ŋ a əbyɨmə, a diʼ əbyɨmə a ghə̀ laynə kwʉ̀ʼ. Ghə̀ŋ ne sə njɨ̀mə̀, ghə̀ŋ njɨ̀mə̀ a kədyòʼ kə kəzhwì kə Ŋwoʼkə.

Kòlòsyàns 4:2

Ghə̀ŋ ne njɨ̀mə̀ to jɨ̀mə̀, kə ghə̀ŋ a bwaʼ, ku kəzòŋ a Nyìngòŋ.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

2 Timotì 3:14

Alì fa wù, faŋə mbyɨmə tò nəmwèʼè yi a və tə ziʼì wù tsu li. No wù ə nkɨ ndìʼsə̀ shi a sə tə ziʼì wù nə̀ kənyʉ̀ a kenkə.

Efisyàns 2:20

Ghə̀ŋ diʼ ngə̀ŋ mu və bwom a ntsìnə̀ yì nə̀ əziʼi yì a viʼi ntɨm ə Yesò, nə̀ nshə̀ʼtə̀sə ghoʼkəsə ə ziʼi kùmə̀, ngùʼ bù ə ngə̀ŋ a ghèn adiʼ to no Yesò Klistò nə̀ wèn ə wen.

Shwèʼ 14:22

ə tomsə viʼi vəbyɨməvə la vəwenə nghaʼa tyɨmə a vəwenə a byɨmə. Vəwenə bè gàʼ la, “Vəghəŋ diʼi chò fa tì ngəʼsə no sə ghoʼo mibu kwen a kəshi kə fòyn Nyìngòŋ.”

Shwèʼ 6:4

Və a nè a lì yès mu nkiʼ zhʉ njɨ̀mə̀ be shə̀ʼtə̀ tò ntɨm ə jùŋ.”

Shwèʼ 4:31

Andìʼ ando vəwenə njɨmə̀ mwètə̀, kəshi kì a vəwenə ndiʼì tsu lì nə̀ʼ! kəzhwì kə ŋwoʼəkə ku kədyòʼ à vəwenə no vətsèm vəwenə zìtə̀ sə̀ shə̀ʼtə̀ ntɨm yì a Nyìngòŋ nkəŋə la vəwenə nshə̀ʼtə̀ nə̀ tətyɨm tə to tə.

1 Kolìntyàns 10:21

Ghə̀ŋ zizi ko ghə̀ŋ lu ə nyʉ̀ fa ndoŋ ə Nyìngòŋ be nyʉ̀ fa ndoŋ əzhwì byɨvə. Ghə̀ŋ zizi ko ghə̀ŋ lu zhɨ̀ akwi kəbaŋ ə Bobo be dyʉ̀ zhɨ̀ akwi kəbaŋ əzhwì byɨvə.

Lumans 12:12

Ghə̀ŋ saŋlə kumə nyʉ̀ vyi a ghə̀ŋ kɨ la və diʼ ambì. Ngəʼsə nvi a ghə̀ŋ, ghə̀ŋ wensə to wensə be jɨ̀mə̀ to məzhʉ̀ ə tsèm.

Hibùlù 10:39

A diʼ fa vəghəŋ, vəghəŋ ko diʼ to nə̀ viʼi vì a və nyɨŋ li bwenə fa bàm Nyìngòŋ. Vəghəŋ boŋsə diʼ viʼi vyi a və kiʼi əbyɨmə a wen, ghə̀ diʼ lù bwoŋsə vəghəŋ.

Shwèʼ 11:23

Ghə̀ dyʉ̀ tsu ə̀ yèn ando Nyìngòŋ diʼì li tyɨm jùŋghə à vəwenə, ə̀ sə saŋlə no nànto ə sènsə vəwenə la vəwenə mboʼsə Nyìngòŋ nə̀ tyɨm vəwenə no tsèm.

1 Kolìntyàns 11:2

Ma bwomsə ghə̀ŋ byìʼì ando ghə̀ŋ ə ko lyesə mò no fa mpfen be shɨtə ghaʼ əziʼi yì a ma ə nziʼi ghə̀ŋ tsu,

Shwèʼ 20:11

Fa yì a bàm Bol wenə̀ viʼi wen bwènə̀ kuʼ a tì ngə̀ŋ yì ə̀ tsèntə̀ zhɨ ntaʼ Bobo. Bol be zìtə̀ sə ziʼì vəwenə tò ziʼi tʉʼ kaʼa layn ghə̀ mù lù.

1 Joyn 2:19

Viʼi kəbàyn ə̀ Klistò avenə mfʉ tò fà vəghəŋ ə ntìntìn alì tətyɨm tə vəwenə nko lutə̀ su dìʼ vəghəŋ vəwenə. Tətyɨm tə vəwenə tu ndiʼ vəghəŋ və vəwenə mu vəwenə tə fàŋ vəghəŋ və vəwenə. Alì vəwenə tə mfʉkə ndi ədìʼ a ndayn la vəghəŋ və vəwenə ko diʼ a kənyʉ̀ kə mùʼ.

Gàlesìyà 1:6

Ma diʼ nə̀ əkaynə la ghə̀ŋ zaŋsə li kaʼkə fa bàm ə Nyìngòŋ yi a ghə̀ ndzàŋ ghə̀ŋ byìʼì ətyɨm ə jùŋə ghə̀ ə Klistò, luwen ghə̀ŋ sə dzɨ̀mtə̀ dyʉ̀ nə̀ ntɨm ə kədyàŋ.

Shwèʼ 4:23

No a zhʉ̀ kò a və ə̀ mòʼtə Bità wenə̀ Joyn la vəwenə dyʉ̀, vəwenə bwènə̀ dyʉ̀ a vəwenə a ntsentə əshə̀ʼtə̀ kənyʉ̀ a tʉtʉ vəpfèm və ngə̀ŋ Nyìngòŋ nə̀ vəchəʼ yì gàʼ.

Ŋwàʼlə̀ Luk 24:35

Vəwenə mù shə̀ʼtə̀ kənyʉ̀ a kə nfʉ̀ nə̀ vəwenə a ji bènə̀ ando vəwenə nkɨ wen ando ghə̀ mbyeʼlə kə̀bayn. Yesò fʉ̀ a shɨ ndzɨ̀mtə̀sə bàm wen.

Ŋwàʼlə̀ Luk 24:30

Ando ghə̀ ŋwʉʼmə wenə vəwenə a kəchiʼ əzhɨ, ghə̀ lyɨ̀ kə̀bayn ə bwaʼsə̀, ə byəʼlə bè mù ku a vəwenə

1 Kolìntyàns 14:6

Mà sətsèn vi a ghə̀ŋ luwen, a vəlemə vwomə ə ngàʼà a ghə̀ŋ a təgàʼ tə kədyàŋ, ko ghə̀ŋ zhʉ kɨ, se na ndiʼ no ghò? A bwen la mà vì nə̀ kənyʉ̀ kə a Nyìngòŋ diʼi laynsə a mò, kò mà vi ə ne la ghə̀ŋ nkiʼ ətof, kò mà vi ə shə̀ʼtə̀ ntɨmə Nyìngòŋ, kò ə ziʼi ghə̀ŋ.

Filìbàyns 1:5

Ma kù kəzòŋ alə̀ byìʼì ando ghə̀ŋ gyàmtə̀ li mò ə shə̀ʼtə̀ ntɨm ə jùŋ ghèn ə zìtə̀ fa kətsi yi a ghə̀ŋ zhʉ ntɨm na ghèn ə zàʼa fa layn.