Shwèʼ 2:41 - The New Testament in the Babanki language

⁴¹ Byìʼì a lì viʼi no vəghoʼo byɨmə gaʼa Bità, və ku mu à vəwenə. Viʼi əzaʼa nkamsə sətaʼ kwʉ̀ʼsə̀ a nòyn viʼi və byɨməvə vi a kətsi akì

Shwèʼ 2:41 Referans Kwoze

Shwèʼ 4:4

Nghoʼo viʼi a və nzhʉ ziʼi Bità wenə̀ Joyn byɨmə ə nè nòyn viʼi a və byɨmə kuʼu chò nkamsə tayn.

Shwèʼ 2:47

be ghoʼsə̀ Nyìngòŋ. Viʼi vətsèm sə̀ ki vəwenə, vəwenə kuʼmə tò byìʼì ntsìnə̀ jùŋ yì a vəwenə ntsi. Bobo sə̀ kwʉ̀ʼsə̀ viʼi vi a ghə̀ mbwòŋsə̀ li à vəwenə a nòyn tò mətsì ntsèm.

Shwèʼ 2:37

Viʼi avenə nè zhʉ̀ nyʉ̀ vyi a Bità ngàʼà, və sə̀ ku ngəʼ à vəwenə a tətyɨm no nànto. Vəwenə mù bèm à Bità wenə̀ viʼi ntɨm Yesò vətsenvə vi la, “Vəlèmə yès lè zì yès ne ale?”

Joyn 14:12

Ma gaʼa a ghə̀ŋ no nəmwèʼè la, a byɨmə no ndò a mò, ghə̀ a nè tənki tə nyʉ̀ titə a ma nè be nè chò no fa ali byìʼàndo ma bwenə dyʉ̀ a Tìʼ.

Shwèʼ 13:48

Viʼi tɨm nè zhʉ̀ kənyʉ̀ akì sə saŋlə no nànto be bwomsə̀ ntɨm jùŋ Bobo. Viʼi a Nyìngòŋ ntsuʼ li la vəwenə lù kiʼi bwòŋ a ghə̀ ko lu mè byɨmə à Bobo Yesò.

Shwèʼ 1:15

Mətsi chò tò nshə̀ʼ alə̀, viʼi və byɨməvə ə zaʼa ghɨ nə̀ məwum mbò be sə ŋwʉʼ tò kəshi kə mùʼ, Bità lù tɨmə əgàʼ à vəwenə ə̀ gàʼ la,

1 Tèsàlonyà 1:6

Nò tèbe ghə̀ŋ ə shəmə ntsìnə̀ yes be shəmə ntsìnə̀ Bobo. Nò tèbe ando ghə̀ŋ ə yen nə̀ ngəʼ no nànto, kəzhwì kə Ŋwoʼkə ə vi li ə nè ghə̀ŋ shisə ntɨm na yi nə̀ saŋlə.

Shwèʼ 3:23

No mə ndò a ghə̀ lù faŋ ke nzhʉtə̀ fà nshə̀ʼtə̀ ghoʼo aghèn, və a shìsə̀ wen fa tì nòyn viʼi Nyìngòŋ.

Shwèʼ 7:14

Josèf mù tɨ̀m ntɨm à Jàkob a ndiʼi tìʼ wen, la ghə̀ vi a loʼ Ijìb wenə̀ viʼi ngwàʼa ngə̀ŋ wen no vətsèm. Vəwenə no vətsèm ndìʼ njʉ̀sə̀ tàyn a məwum sòmbo.

Shwèʼ 27:37

Yès ntsèntə̀ dìʼ a tì kəbaŋ akì viʼi ghɨ bò nə̀ njʉ̀sə̀ ntʉfə a məwum sòmbo.

Lumans 13:1

Nò ghə̀ŋ vətsèm diʼ ə nzhʉ fa viʼi a və soʼo ghə̀ŋ byìʼì ando wu ə soʼo ko diʼ a ghə̀ faŋ ke shi adyòʼ fa Nyìngòŋ ə nsoʼo. Nò viʼi a və soʼo no vətsèm diʼ mu à ghʉ̀ Nyìngòŋ.

1 Bità 3:20

ayi əzhwi viʼi a və ko zhʉtə tebè Nyìngòŋ ali Nyìngòŋ be wensə to wensə ə zàʼa fa a tʉʼ yi ando Nuwà mbwòm kəbaŋ. A ndiʼ a tʉʼ na yi, viʼi bwòŋ ati kəbaŋ na yi a kə nə̀ lyəʼə a kwi a mù, ndiʼ to fwomə.

Kəmwetə 16:3

Kənkùmtə̀ kə ntsɨ̀ŋ ngə̀ŋ ə̀ Nyìngòŋ kə shʉ̀ʼ ə̀ shìʼsə kəkaŋ kə wen a ə̀mu məghoʼomə̀, ə̀mu a mì kaʼkə̀ sə̀ diʼ tò nə̀ mənlyuŋ mə wu pfʉ. No kəfo kə zhwisəkə kə kò a kə̀ ndìʼ a tì ə̀mu a mì pfʉ.

Joyn 21:11

Saymun Bità ə bwenə kwen a kəbàŋ ə gùfə̀ vì nə̀ fə̀làm fè shʉsə fifə a bè fwàyn. Shʉsə tsèntə diʼ tsu ghɨ nə̀ shʉsə njʉ̀sə̀ tàʼ a məwumə ə tayn, ghoʼkə no lə. Sə ə ghoʼo ali, fə̀làm fè ə faŋ kò fə lə tinkə.