Shwèʼ 2:11 - The New Testament in the Babanki language

¹¹ Vəghəŋ vətsenvə mfʉ mvì fa Klete nə̀ Alebyà. Vəghəŋ ə zhʉ vəwenə gàʼà tò təgàʼ tə təloʼ nə̀ vəghəŋ vi a Nyìngòŋ ne li.”

Shwèʼ 2:11 Referans Kwoze

1 Kolìntyàns 12:10

Kəzhwì na kèn to kə mùʼ nə̀ dyʉ̀ a wu ə tsen, kə ne la ghə̀ nshwèʼè təshwèʼ tə kaynətə, ə dyʉ̀ a wutsen, kə ku kədyòʼ la ghə̀ nshə̀ʼtə̀ nyʉ̀ mu və lù fa Nyìngòŋ. Kə dyʉ̀ a wu ə tsen, kə nè la ghə̀ nkɨ nəkwoŋ yì a ghə̀ diʼ a ntìntìn nyʉ̀ yi a və lù fa Kəzhwì kə Ŋwoʼkə nə̀ vyi a və lù fa zhwì ə tsevə. Kəzhwì na kì ne sə dyʉ̀ a wutsen, kə ne la ghə̀ ə nkɨ ə gàʼ təgàʼ ko andiʼ la ghə̀ ziʼi fa wìʼ, ə dyʉ̀ a wìʼ ə tsen, kə ne la ghə̀ ə nzhʉ kɨ təgàʼ a titə, shə̀ʼtə̀ kənyʉ̀ ki a tə gàʼà titə gàʼà.

Hibùlù 2:4

Nyìngòŋ ə nè li tamə nchwisə nyʉ̀ ə kaynəvə, to a tənkì a tənkì, ə be ku kəku a viʼi ando ghə̀ kòŋ chò fa kəzhwì kə Ŋwoʼkə ə diʼ la ntɨm a ghèn ne diʼ to no nəmwèʼè.

Taytùs 1:12

Wu tofə viʼi Klete tsen ə̀ ngàʼa la, “Viʼi Klete diʼ viʼi zho ndzɨ̀ŋsə, tsi tò nə̀ nyamsə toʼ sə byɨsə, be diʼ və zhɨ kədyàŋ”.

Taytùs 1:5

Mà tə̀ ghʉ̀sə wù a Klete la wù myetə shyèʼ yi a ghə̀ tə̀ fàŋ tsu ə̀ bè tsùʼtə vəchəʼ və ngə̀ŋ Nyìngòŋ no a ntə̀ʼ ko ando mà tə gàʼ à wù.

Shwèʼ 27:12

Kəshi kì a kəbaŋ kə a mù kì nti tsu nko bòŋ, nghoʼo viʼi fa vəwenə a ntìntìn sə kòŋə̀ tò la və ndyʉ̀ nə̀ mbì a ntìntìn à mù zhʉ̀ tsen vəwenə à dyʉ̀ zaʼa a Italì ə̀ tɨ̀mə tsu. Italì ndìʼ kəshi kì a baŋ a mù mvi ti tsu a Klete a kə nki dyʉ̀sə̀ nə̀ shyə a chʉzhʉ nshwè tsu.

Shwèʼ 27:7

Yès lyɨ̀ mətsi, jèʼè tò ndzìndzì byìʼàndo fwof toghə nchò nè la jèʼ ayi nto. Yès jèʼ tò a lì dyʉ̀ zaʼa a ntə̀ʼ Nidùs. Fwof nko ghʉ̀sə la yès dyʉ̀ jì fa ji ayì. Yès mù bàlə̀ dyʉ̀ jì fa shyə Salmòn a loʼ Klete a fwof nko chò fa tsu.

Gàlesìyà 4:25

Hagà lyɨ kəshi kə phèn ə Sinày alòʼ ə Alabìyà. Ghə̀ lyɨ kəshi kə Jelusalèm yì a ghə̀ diʼi luwen. Wen wenə vunə wen diʼ əkòs.

Gàlesìyà 1:17

Ma ko nkuʼ no tèbe a Jelusalèm ə bèm kənyʉ̀ a viʼi ntɨm vyi a və sə ndiʼ a mo ambì. Ma boŋsə lù to lù dyʉ̀ a loʼ Alabìyà ə lù fa tsu ə bwensə vi to a Dàmasɨkùs.

1 Kolìntyàns 12:28

A diʼ a ngə̀ŋ Nyìngòŋ mu Nyìngòŋ ə gə̀sə̀ li viʼi ə ghʉ̀ a tə chʉ̀ tə shwèʼ to tənkì a tənkì. Ghə̀ ghʉ̀ li viʼi ambì, a diʼ viʼi ntɨm, ə kùmtə nə̀ nshə̀ʼtə̀sə. Fa yi abàm ghə̀ ghʉ̀ ndìʼsə̀sə ə be ghʉ̀ viʼi vyi a və ne nyʉ̀ ə kaynəvə ə ghʉ̀ vətsevə la və nə̀ chʉʼʉ viʼi nə̀ viʼi a və gyàmtə̀ viʼi vətsenvə. Ghə̀ ghʉ̀ li viʼi la və ə̀ tisə viʼi ə ghʉ̀ vətsevə la və nkɨ təgaʼ tə tsentə, ko andiʼ la à ziʼi wìʼ ə ziʼi vəwenə tsu.

Shwèʼ 2:10

Fa Fligiya nə̀ Bamfiliyà, fa Ijìb bènə̀ təshyə tə Libiyà a tə boʼsə Silen. Və Vətsenvə lù fa Lum, adiʼ Vəjew nə̀ viʼi ntɨm vətsenvə vi a və kwitə li vəwenə və mù sə gumlə̀ Nyìngòŋ Vəjew.

Shwèʼ 2:12

Vəwenə nè sə̀ bu diʼ nə̀ kanə, kənyʉ̀ a kènkə be ku ngəʼ à vəwenə, kyè mù sə̀ bèmə̀ à kyè la, “Kènkə dìʼì la ghò?”

Shwèʼ 27:13

A ne sə ndiʼ ando fwof bwaʼmə tsen ghə̀ əzìtə̀ sə chò fa shyə ten tò ndzìndzì viʼi a vyi yen a lì sə̀ kwòʼtə̀ la vəwenə a ne kənyʉ̀ a vəwenə yì ghʉ, vəwenə gùfə̀ tsuʼu ndyə̀ yi gaʼa ndi ne ghaŋsə kəbaŋ tsu lì mù sə̀ jèʼè dyʉ̀ a mbyɨ̀ loʼ Klete.